3月26日 (星期一) 陰天
微雨 氣溫:3度-10度
哩日係其中一日對凍有好深感受嘅一日,上網查返當日溫度
3度-10度? 唔怪得知啦!
哩日除左安排左要去一間食店搵食之外,再無其他指定行程
因為下晝已經要離開大阪,正式踏上新旅程
廣島所以哩日係周圍 HEA下咁打發時間
哩次白加煎住响谷町站附近嘅東橫inn,嗰度係大阪城公園附近,行路過去都相當近
雖然知道無桜花,但既然都無行程,下晝要趕車,咁都即管去逛下
由酒店嗰邊行過黎,就會先到哩個教育塔,哩個場地對白加煎黎講絕對唔陌生
2006年12月係第一次黎哩度,仲有响哩度留影,完全係另一番景象
相同嘅地點响唔同季節都有唔同景色
所以白加煎一直都唔介意响日本舊地重遊
因為景色有變化,唔會係"重遊"而覺得悶,最重要係當白加煎舊地重遊之時
响腦海入面係努力咁回憶當時嘅自己.......回憶都可以相當有趣
桜花綻放前嘅大阪城公園,可以用"乾枯"黎形容
以下哩個景當然係每次黎大阪城公園都係必到之地
上次講明要响哩度影低桜花期嘅照片,原來就係咁........乾不忍睹
哩幾棵樹响冬天時就會全部落葉,光秃秃
要等春回大地先會再長出新葉
都仲係紅葉期時先係最靚,滿地落葉,多添一份凄美
哩個時期確實係全個大阪城公園都死氣沉沉咁樣
無孔不入嘅法輪功,影佢地嘅人都唔少
皆因為大阪城公園有好多大陸旅行團到此觀光
黎到哩度,咁啱有一個香港旅行團响哩度,導遊話哩條路全部都係桜花
不過今年夾唔啱時間,哩班團友離開日本當日
桜花都未開到大阪,難怪d人覺得追桜係咁難,白加煎都有同感,追紅葉都好似仲容易d
下面哩d係含苞待放嘅桜花.....心心相印
上次去大阪留低左一個"謎",所以哩次再去大阪誓要揭開"謎店"神秘嘅面紗
詳文請看2010年一個人日本之旅DAY 5@大阪 hea走大阪城
哩間食店係出售まぐろ(吞拿魚腩),仲係售完即止
基本上係午飯時間仲未完,佢地已經會出示"本日終了"嘅指示牌
哇~咁都好厲害啦,11:00先開舖,大約2個半鐘就可以收舖
兼且响食評網站上有相當高嘅評分有3.65(滿分係5分)
係咪真係咁謎呢?
另一個謎係哩間舖頭嘅位置係相當難搵
上次白加煎响哩區搵左大半個鐘先搵到,所以阻延左d時間,咁就錯過左喇!
有上次嘅經驗,哩次仲記得個位置响邊,不過哩次都不敢怠慢
佢地11:00開店,白加煎提早15分鐘就去到等
不過原來係"一癲還有五瘋癲", 一共係六位
白加煎黎到都只係排第6位,之前已經有5個"為食瘋人"
(以下相片第一位"為食瘋人"影唔到入鏡頭)
哩間食店响11:00就放人入內,坐住黎等都好過企响出面,凍住黎等
哩d地道小店通常都係細細間 佢地有兩層,地下嗰層係坐counter,有9個位
9席 （1階：カウンター×9、2階：テーブル席）
二樓環境如何就唔知,但網頁所指係二樓係table席
等左大約15分鐘,終於都輪流開飯
其實時間仲係咁早,邊會肚餓呢?所以注文一個細細嘅丼就夠,至在參與
食後感如何?
當天氣咁凍,其實只要有熱食入口,咁已經會相當滿足
所以初入口時都有"幸福"嘅感覺
但其實白加煎對まぐろ係無特別喜好,所以都唔識得品嚐眼前嘅まぐろ如何極品?
又再次証明,當自己對事物只係跟大隊咁人做我做
好多時都只會好似行屍無走肉咁,無個人感受,只知自己係做左
對於哩間備受高度評價嘅食店
白加煎唔會特別推介,都係留返俾d鐘意食まぐろ嘅人去品評
食完之後離開,店舖門外都仍然有"六癲還有更多瘋癲"嘅人黎朝聖
關於:大阪鶴橋まぐろ食堂, 請CLICK
地圖
JR鶴橋站出口轉右直行
响哩個大招牌轉入
提早食完午餐後,去心齋橋HEA左一陣
就返酒店攞返d行李上路下站係廣島,終於都叫做哩次旅行正式開始
高速巴士嘅車票係响梅田高速巴士站買嘅,不過搬左酒店之後
响難波站上車會近d,但係其實白加煎咁多次响大阪難波,每次都必定會上演"大迷路"
難波站包括左3條地鐵線(千日前線,御堂筋線,四つ橋線)
仲有近鐵難波線,南海空港,JR關西本線,全部都由地下街貫通晒
所以一個難波站已經有32個出口,地下街長到見唔到盡頭
有見及此,所以白加煎前一晚已經响難波站探路
搵定高速巴士嘅車站位置難波嘅高速巴士站响OCAT內,响難波站就係30號出口
會經過哩度嘅電梯輸送帶
跟住就會去到OCAT
哩次上車時間係16:00,落車時間預計係21:20
大約要坐5小時20分鐘嘅長途巴士
哩條由大阪去廣島嘅路線有三個出發站可以揀
(1)由京都出發 (2)由大阪Universal City出發 (3)由OCAT出發
哩次係坐由Universal City為首站嘅哩一班
去到車站就要睇指示版,白加煎係要去8號出口等上車
日本嘅巴士通常都相當準時,偏偏哩次架巴士就遲左15分鐘先到站
好似話因為途中塞車,所以班車遲到
上左車嚇左一跳
全車除左司機叔叔之外,就只有白加煎一個
連一個乘客都無?
咁咪好抵,一個人用5000yen包起左成架巴士,仲有專用司機?!
終於去到梅田站,都有大約10個乘客上車,不過全車都唔夠一半乘客
哩班車係3行單座位,所以都相當舒服+有私隱
上車前响OCAT隔離間"ライフ"超市買左路上食糧
當然唔少得甜品,不過哩次白加煎發雞盲咁買左"心領"出品嘅布丁
雖然哩個唔算難食,不過都唔會讚,相當一般嘅水準
哩個都係"心領"出品嘅布丁奶,哩個評分係: 可以慳返d錢
5個幾鐘頭嘅車程,中途有3次停站休息「八幡PA」、「吉備SA」、「白鳥PA」
唔知去到邊個中途站,抬頭一望係滿天星星,實在令人相當興奮
長年處於嚴重光害嘅城市,終於去到哩d杳無人煙之地先有機會見到滿天星星
雖然影相都影唔到滿天星星,只見到一彎新月上下有兩粒大星星
但哩一刻已經長留記憶中(仲有哩篇遊記嘅記錄)
响中途站再買嘅甜品,哩個就係相當推薦嘅"脫印"咖啡啫喱
頂層嘅Double Cream已經相當有水準
非一般啫喱
漫長嘅5小時車程入面,白加煎早有準備咁將坂本龍馬只有33歲嘅一生快速睇晒
繼續實行"讀萬卷書,不如行萬里路"嘅精神,要增進知識隨時都可以
雖然對於日本嘅歷史背景根本唔清楚,但至少都知道左一部份坂本龍馬嘅重要事蹟
大阪至廣島高速巴士, 請click
用左5個鐘,終於都由大阪去到廣島,哩一程都係最長途
到埗廣島之後,已經係21:20
都總算可以準時到埗
哩次住响廣島站南口右嘅東橫INN,係臨出發前幾日見到哩間有優惠房間
所以拿拿林改住哩間,都因為咁所以之前無時間睇清楚哩間酒店嘅資料
哩間距離JR廣島站都有9分鐘步行時間
"夜孖孖"一個人推住行李,又捱凍咁搵酒店,哩個感受唔係幾好
所以哩日心情都只係麻麻!
(1)由京都出發 (2)由大阪Universal City出發 (3)由OCAT出發
哩次係坐由Universal City為首站嘅哩一班
去到車站就要睇指示版,白加煎係要去8號出口等上車
日本嘅巴士通常都相當準時,偏偏哩次架巴士就遲左15分鐘先到站
好似話因為途中塞車,所以班車遲到
上左車嚇左一跳
全車除左司機叔叔之外,就只有白加煎一個連一個乘客都無?
咁咪好抵,一個人用5000yen包起左成架巴士,仲有專用司機?!
終於去到梅田站,都有大約10個乘客上車,不過全車都唔夠一半乘客
哩班車係3行單座位,所以都相當舒服+有私隱
上車前响OCAT隔離間"ライフ"超市買左路上食糧
當然唔少得甜品,不過哩次白加煎發雞盲咁買左"心領"出品嘅布丁
雖然哩個唔算難食,不過都唔會讚,相當一般嘅水準
哩個都係"心領"出品嘅布丁奶,哩個評分係: 可以慳返d錢
5個幾鐘頭嘅車程,中途有3次停站休息「八幡PA」、「吉備SA」、「白鳥PA」
唔知去到邊個中途站,抬頭一望係滿天星星,實在令人相當興奮
長年處於嚴重光害嘅城市,終於去到哩d杳無人煙之地先有機會見到滿天星星
雖然影相都影唔到滿天星星,只見到一彎新月上下有兩粒大星星
但哩一刻已經長留記憶中(仲有哩篇遊記嘅記錄)
响中途站再買嘅甜品,哩個就係相當推薦嘅"脫印"咖啡啫喱
頂層嘅Double Cream已經相當有水準
非一般啫喱漫長嘅5小時車程入面,白加煎早有準備咁將坂本龍馬只有33歲嘅一生快速睇晒
繼續實行"讀萬卷書,不如行萬里路"嘅精神,要增進知識隨時都可以
雖然對於日本嘅歷史背景根本唔清楚,但至少都知道左一部份坂本龍馬嘅重要事蹟
大阪至廣島高速巴士, 請click
用左5個鐘,終於都由大阪去到廣島,哩一程都係最長途
到埗廣島之後,已經係21:20
都總算可以準時到埗哩次住响廣島站南口右嘅東橫INN,係臨出發前幾日見到哩間有優惠房間
所以拿拿林改住哩間,都因為咁所以之前無時間睇清楚哩間酒店嘅資料
哩間距離JR廣島站都有9分鐘步行時間
"夜孖孖"一個人推住行李,又捱凍咁搵酒店,哩個感受唔係幾好
所以哩日心情都只係麻麻!
沒有留言:
張貼留言