2014年10月11日～星期六，東京天氣: 晴
留响日本最後嘅半日，哩日白伽煎會去邊呢？
Tokyo Skytree? かっぱ橋道具街？
哩日又發生左咩倒楣事呢？
白伽煎所買東北JR鐵路PASS用埋哩日就功成身退
因為用PASS，所以只能選坐JR，咁就坐車去上野駅再行去目的地啦！
响上野駅向車站員出示PASS
車站員仲好友善同白伽煎講：今日係最後一日喇！
哩個最後的半天，白伽煎又去左かっぱ橋道具街
上次黎哩度係2009年，相隔左5年
鐘意入廚嘅人黎到東京，一定要黎哩度，會發掘到好多寶物
尤其係當啲日本兌換價係低嘅時候，唔黎一逛必定係損失
連大廈外牆都咁認真做裝飾，5年前好似無見過哩個DESIGN
行到中午時間，越黎越多人，白伽煎見盆川都用得8899
係時候回程返酒店，食埋响東京最後一餐
又要行返去JR站返大塚，烈日當空咁行左30分鐘先到車站
去到車站就出事喇～大件事呀 ！
哩個時候，白伽煎相信張JR PASS係响偷影舖頭啲貨時，
將部電話攞出攞入嘅時候跌左出黎
白伽煎大概估到係响邊間舖頭遺失左張JR PASS
但係如果返轉頭去揾，來回至少要一個鐘，而且唔保証一定揾到
最後白伽煎都算喇，黑仔上身嘅時候容乜易會黑到錯過埋上機時間
咁咪仲大鑊
所以算喇，哩個時候白伽煎個心有點迷信覺得最後一日都黑到咁樣
嗰份心情已經不安到想即刻離開日本返香港
返到大塚站，按原定計劃去食口碑好嘅民居食堂食午餐
去到揾左20分鐘都揾唔到，個心又再亂喇！
黑仔貼身跟踪緊白伽煎咁喎！
唔揾喇～唔揾喇！求其响酒店附近買外賣返酒店食就算喇！
食完就盡快坐N'EX出機場
自己去辦登機証，之後去櫃枱CHECK IN
一去到櫃枱，個混血兒嘅地勤用英文問白伽煎：要用英語？還是日語？
嘩～响日本哩幾日以黎，終於再次聽到久遺左嘅英文喇！
之前幾日响日本即使聽到英文，都係唔多明啲大和人講乜嘅英文
因為怕黑仔再向白伽煎發功，所以早左去到機場
咁唯有响禁區逛下買下野啦！
留响日本最後嘅半日，哩日白伽煎會去邊呢？
Tokyo Skytree? かっぱ橋道具街？
哩日又發生左咩倒楣事呢？
白伽煎所買東北JR鐵路PASS用埋哩日就功成身退
因為用PASS，所以只能選坐JR，咁就坐車去上野駅再行去目的地啦！
响上野駅向車站員出示PASS
車站員仲好友善同白伽煎講：今日係最後一日喇！
哩個最後的半天，白伽煎又去左かっぱ橋道具街
上次黎哩度係2009年，相隔左5年
鐘意入廚嘅人黎到東京，一定要黎哩度，會發掘到好多寶物
尤其係當啲日本兌換價係低嘅時候，唔黎一逛必定係損失
連大廈外牆都咁認真做裝飾，5年前好似無見過哩個DESIGN
白伽煎仲以遠距離目視觀光埋Tokyo Skytree添！
Tokyo Skytree除左影張相去呃LIKE，兼SHOW俾各方友好知自己身在東京之外
其實哩啲景點有咩好睇呢？？？
宜家去東京又有咩好晒命呢？？？
機票又平，日元兌換價又低，人人都去日本玩
咁仲有咩理由為要影張相而要去Tokyo Skytree呢？
响道具街哩度比起香港嘅上海街專業幾百倍
一間店舖嘅貨品款式又精又多，所以可以用尋寶黎形容
流動檔故然可以買到平靚正貨品，舖頭都一樣有大減價貨
有心睇，一定執到心頭好
白伽煎响哩度睇中好多野想買，奈何行程去到尾聲，盆川都用得7788
所以唯有認真取捨，最後白伽煎買左以下哩幾樣
哩個腳印模具就係大減價貨，只需300日元仲唔係倉底殘舊貨
真係要笑住咁俾錢
叮噹模具一啲都唔陌生，响香港都見過
但哩個價錢就相當陌生喇，所以要掃～掃～掃！
哩個大頭模具係受友人所託而買嘅，好似做凍糕嘅効果會比較好
唔夠盆川大量入貨，白伽煎就選擇用手機黎偷影
結果就係咁樣出左事喇！
哩啲模具香港都有，但日本哩度就有一系列好多款式
如果要買做洋菓子嘅用具，強烈推介哩間樓上舖
佢比起街舖有更多特式貨品，而且更專業
係時候回程返酒店，食埋响東京最後一餐
去到車站就出事喇～大件事呀 ！
白伽煎唔見左張JR PASS呀！陣間仲要坐N'EX去成田空港架!!!!!!!
將部電話攞出攞入嘅時候跌左出黎
白伽煎大概估到係响邊間舖頭遺失左張JR PASS
但係如果返轉頭去揾，來回至少要一個鐘，而且唔保証一定揾到
最後白伽煎都算喇，黑仔上身嘅時候容乜易會黑到錯過埋上機時間
咁咪仲大鑊
所以算喇，哩個時候白伽煎個心有點迷信覺得最後一日都黑到咁樣
嗰份心情已經不安到想即刻離開日本返香港
返到大塚站，按原定計劃去食口碑好嘅民居食堂食午餐
去到揾左20分鐘都揾唔到，個心又再亂喇！
黑仔貼身跟踪緊白伽煎咁喎！
唔揾喇～唔揾喇！求其响酒店附近買外賣返酒店食就算喇！
食完就盡快坐N'EX出機場
不安感令白伽煎無晒胃口，係咁二食幾件壽司就算喇！
快速食左個外賣壽司，响酒店再執好啲行李，嗱嗱林買車票去成田空港
買車票時，白伽煎排第二位，但等左足足１０分鐘有多先輪到自己
皆因前面個靚太，預訂車票一家人旅行，問長又問短
大塚站個JR綠色窗口又只得一個職員當值
又係咁唔順利，仲唔係黑仔跟住白伽煎？
用左3020YEN買左N'EX。。。。明明張JR PASS包埋哩張車票嫁嘛
玩咩偷影啫？！
早知用3020YEN响廚具街買左嗰啲偷影貨
買完咪自己返屋企慢慢影囉。。。。自己攞黎衰！
抱着不安嘅心情終於去到成田空港，個心先叫做定返啲
自己去辦登機証，之後去櫃枱CHECK IN
一去到櫃枱，個混血兒嘅地勤用英文問白伽煎：要用英語？還是日語？
嘩～响日本哩幾日以黎，終於再次聽到久遺左嘅英文喇！
之前幾日响日本即使聽到英文，都係唔多明啲大和人講乜嘅英文
因為怕黑仔再向白伽煎發功，所以早左去到機場
咁唯有响禁區逛下買下野啦！
白伽煎唔多去東京，多數都係經大阪出入
每次用成田空港時，心入面真係有冷漠嘅感覺
哩啲感覺係响使用關西空港時，從來不曾出現過嘅感覺
可能白伽煎本能抗拒緊哩啲大大大城市
當中連人都無感情，說話語氣係公式化，只有一個殼
响免稅店買左手信，就乖乖咁坐埋一邊篤電話
自己對哩個地方都無好奇感，哩個就係東京一直俾白伽煎嘅感覺
人同人之間無需要多一點嘅溝通黎表示友善
托賴，去到成田空港之後，所有事都順順利利
大概早已經撇甩左黑仔喇！
終於安全返到香港國際機場
哩次嘅日本之旅終於都結束
本來係以青森奧入瀨溪流做主角嘅行程，哩度令白伽煎相當失望
白伽煎嘅期望中，奧入瀨會好似上高地咁樣，身處當中有被大自然擁抱住嘅感覺
但完全係兩回事，奧入瀨完全不能同上高地去比較
絕對係級數相差幾十倍，唔去都無損失
第一次去到十和田湖，哩個地方寧靜得令白伽煎有啲留戀
又係一個閒逛。休息。暫時逃離現實嘅好地方
全個行程最滿足係去到江之島，嗰度只係發呆+看海已經足夠收買白伽煎嘅心
早前電視台都揾左杜如風小姐介紹東京，其中一集都係江之島
當港人跟天書去到湘南只會遊鐮倉時
白伽煎就因為日劇+電視台真人SHOW而認識哩個香港人唔識嘅江之島
皆因旅遊天書作者都無能力去品評+介紹江之島
哩啲就係行貨寫書人，完全唔敢推介未有市場表示認同嘅野
咁唯有介紹有歷史背景嘅鐮倉就包無死錯人
白伽煎第一次踏足江之島後就好肯定：
後生人一定會鐘意江之島多於去鎌倉睇深遠歷史嘅石頭大佛
睇滑浪型男+背心熱褲美女好過睇座石頭
座巨石頭，都係留返佢嘅信徒或者長者去睇會合適啲！
丟低啲香港出版嘅行貨旅行天書，連俾錢買都可以慳返
保証從此之後嘅日本之旅會不再一樣千遍一律無黎新意
人去我去都係睇嗰啲，影嗰啲，玩嗰啲
想响FACEBOOK上呃LIKE或者被友儕熱烈回應
當然要有出位野先會有哩個効果啦！
亞茂跟天書，亞壽又跟天書，大家都跟實本天書，咁有乜驚喜呀！
香港出版嘅旅遊天書去圖書館借就得
將有用嘅資料影印留用
之後上網再查當地觀光資料，用心做一個度身訂造嘅行程
咁樣嘅行程先係最完美，最滿足
2015年先完成2014嘅遊記，皆因為哩個行程真係無乜特別回憶需要記低
但白伽煎又唔鐘意半途而廢，所以點都要堅持完成佢
事實上一個月前白伽煎又開始左2015嘅日本之旅
歷時13日，遊歷了北海道東部至南部
全程不自駕，坐公車逐區玩，由知床玩到函館，再返大阪
宜家仲考慮緊係咪會開始寫遊記，因為哩個旅行又實在唔算係愉快嘅旅行
唔愉快嘅旅行，仲要再一次回憶起？
再考慮下先決定係咪會寫
