3月27日 晴
大風,溫度:1度-15度 
哩次會去廣島係因為本來行程第一站係四國嘅松山
諗住遊完松山就直接去埋廣島
但結果因為種種原因,最後變左由大阪出發去廣島
其實廣島對白加煎黎講有幾大吸引力呢?
終於都離開關西去到陌生地方,哩次旅行由第5日開始先叫做正式揭幕
前一晚係坐高速巴士由大阪黎到廣島
落車時已經係夜晚9點半,天氣咁凍都唔想再留步觀光,只係想盡快去到酒店休息
第二朝就由酒店行返出廣島站,先睇真全貌
每次去到新景點,觀光前都係要去案內所睇下有咩資料啱用
白加煎宜家唔會買日本旅行天書出門,只係靠上網印資料
咁如果有彩色地圖,景點介紹,咁就會睇得舒服好多,又可以留個紀念
案內所响JR廣島站2階
哩一日嘅行程只有一個目的地,就係宮島,去宮島當然就係搵主角
大鳥居去睇大鳥居之前,唔少得要上網睇清楚潮汐時間,咁就可以預時間觀光
年間潮汐表,請click
去宮島觀光可以買一日乘車乘船劵,大人840yen
一日內任坐市內電鐵,仲包括來回各一程嘅乘船費用去宮島,如果會全日留响宮島觀光
咁預計只係坐來回一程電鐵,由廣島站至廣電宮島口(單程270 yen x 2=來回價錢)
來回一程宮島松大氣船 (來回340yen)
合共係880 yen,咁又唔算係抵好多
不過勝在夠方便一票旁身,廣島+宮島通行
咁如果係一日內遊宮島+廣島,咁就抵買得多
宮島一日乘車乘船劵,請click
不過即使係價錢平少少,哩日白加煎都係選擇散買車票,皆因為要趕滿潮時間
如果仲坐廣島電鐵就要大約69分鐘先到廣電宮島口,先再轉船但坐JR(山陽本線)嘅話,因為行外圍路,所以大約30分鐘就去到宮島口站,單程400yen
到左宮島口站要轉坐船,如果係買左1日乘車乘船劵
咁就係去左邊碼頭,坐"宮島ゆき直行便",右邊係JR渡輪
如果散買船票,兩間公司嘅船來回都係340 yen
不過坐JR渡輪就有一個綽頭: "大鳥居に最接近!!"
(請看相片中嘅外牆大招牌)
去程由宮島口去宮島,航道係會刻意駛近大鳥居俾乘客先睹為快
所以如果坐JR渡輪,上船後要企右邊,霸個靚企位先會影到大鳥居
不過回程由宮島返宮島口就唔會再兜近大鳥居
宮島松大汽船就唔會有哩個綽頭,全程都係以最短程行駛,直行直過
白加煎無買到一日乘車乘船劵,咁當然係坐JR渡輪啦!
乘搭JR嘅人係非常多,皆因為3月底日本學生放假,等4月開學
所以有好多日本人都國內旅遊,仲有好多老外去廣島旅行
JR渡輪,唔係好大隻,下層可以載車
上到船就霸個靚企位,响渡輪上影到嘅大鳥居
為左影相其實係食晒西北風
,畢竟宮島都係地方空曠,好大風,又凍
JR渡輪, 請click
宮島松大汽船,請click
出碼頭後就見到好多鹿,哩次又再改變白加煎對日本野鹿嘅睇法
(嚴格黎講,宮島上嘅唔係野鹿,佢地係神鹿,有至高無上嘅地位)
童話故事中,野鹿係溫馴嘅動物,不過自從去過奈良見識過嗰度d餓鬼惡鹿之後
白加煎唔再覺得野鹿係溫馴動物
不過哩次响宮島見到嘅野鹿就真係相當溫馴友善,而且相當有教養
過去文獻所記載,宮島嘅鹿被視為係"神的使者",所以嚴禁傷害島上嘅鹿
島上亦禁止飼養犬隻,承行"有鹿無狗"
黎到宮島做鹿都算係"三生有幸"所以d途人摸佢地,同佢地影相,佢地都相當合作
任摸都唔發火果然係"神的使者",已經見慣大場面,仲相當有氣度+大量
唔包括東京,白加煎覺得响廣島遇到老外嘅機會,只係僅次於响京都
島上嘅告示牌係叫途人要溫柔對待d野鹿,不過都要避免接觸佢地
相反睇下奈良公園關於野鹿嘅告示,充滿左負面
恐嚇成份奈良d鹿有得食時先會跟人,俾人摸,相當勢利+無品德
黎到宮島順路第一個觀光點就係哩隻世界最大嘅木杓
宮島大杓子係"召喚幸福"嘅吉祥物
响商店街嘅手信店有好多售賣木杓紀念品
甚至有木製嘅木杓明信片,包括郵費可以寄出,但只限日本境內
不過哩度d手信店係禁止途人拍照佢地d商品
即使係放响店外又平價,又無乜特別嘅木杓,總之就係一律禁止拍照
店外都唔俾影,其實有無必要呢?
坐JR渡輪黎到宮島時就已經知道哩日有好多遊客
為左唔想同人排隊迫食午餐,所以是日午餐又係提早
黎到宮島,當然係食當地名產
牡蠣响網上搵左一間風評好好嘅食店
就係"牡蠣屋",食評網上係有3.81分(滿分係5分)
哩間店自評為"宮島唯一の牡蠣料理専門店です"
都應該唔會係假嘅下圖係佢地有個好似幾多口味款式嘅定食,盛惠2000 yen (網上圖片)
1. 牡蠣味增湯
2.炸牡蠣
3.漬け牡蠣
4.燒牡蠣
5.牡蠣飯(小)
唯獨無生牡蠣,咁點得呀?
其實白加煎對牡蠣嘅喜愛基本上係一般
即使有"垃圾肚"見稱(即係食乜都無事)嘅白加煎都有d怕食生牡蠣
不過一場去到宮島,唔食過咪等如'白去",所以生牡蠣係鎖定必食之物,一隻咁多啦!
上圖嘅2000 yen定食就唔啱白加煎,既然都無生牡蠣,都係決定散叫
結果散叫左以下3樣牡蠣
燒牡蠣一隻
生牡蠣一隻
(哩間舖頭嘅生牡蠣係10月尾至3月先食得到,白加煎啱啱趕到水尾)
牡蠣飯一碗(連味增湯+配菜)
哩個散叫盛惠1650 yen,食提早午餐,哩個份量就夠喇,志在參與
雖然話宮島嘅牡蠣咁出名,而哩間食店嘅風評又咁好
不過哩次都無令白加煎愛上食牡蠣
對白加煎黎講,牡蠣依然係昔日嘅牡蠣
唔係宮島嘅牡蠣唔好食,只係哩樣食物無法令白加煎動心
牡蠣幾種煮法都試左,唯獨無食炸牡蠣,其實哩間食店都有炸牡蠣定食
雖然無注文哩個炸牡蠣,但都一樣食到,就係响商店街嘅小店買黎食
白加煎就幾鐘意炸牡蠣喇!
响'牡蠣屋"等食時
由閣樓望落大門口就係即燒牡蠣,順便拍左條片
其實哩份工作都唔易做
有關牡蠣屋,請Click 店舖位置,請Click
2.炸牡蠣
3.漬け牡蠣
4.燒牡蠣
5.牡蠣飯(小)
唯獨無生牡蠣,咁點得呀?
其實白加煎對牡蠣嘅喜愛基本上係一般
即使有"垃圾肚"見稱(即係食乜都無事)嘅白加煎都有d怕食生牡蠣
不過一場去到宮島,唔食過咪等如'白去",所以生牡蠣係鎖定必食之物,一隻咁多啦!
上圖嘅2000 yen定食就唔啱白加煎,既然都無生牡蠣,都係決定散叫
結果散叫左以下3樣牡蠣
燒牡蠣一隻
生牡蠣一隻
(哩間舖頭嘅生牡蠣係10月尾至3月先食得到,白加煎啱啱趕到水尾)
牡蠣飯一碗(連味增湯+配菜)
哩個散叫盛惠1650 yen,食提早午餐,哩個份量就夠喇,志在參與
雖然話宮島嘅牡蠣咁出名,而哩間食店嘅風評又咁好
不過哩次都無令白加煎愛上食牡蠣
對白加煎黎講,牡蠣依然係昔日嘅牡蠣唔係宮島嘅牡蠣唔好食,只係哩樣食物無法令白加煎動心
牡蠣幾種煮法都試左,唯獨無食炸牡蠣,其實哩間食店都有炸牡蠣定食
雖然無注文哩個炸牡蠣,但都一樣食到,就係响商店街嘅小店買黎食
白加煎就幾鐘意炸牡蠣喇!
响'牡蠣屋"等食時
由閣樓望落大門口就係即燒牡蠣,順便拍左條片其實哩份工作都唔易做
有關牡蠣屋,請Click 店舖位置,請Click
沒有留言:
張貼留言