3月29日 (星期四) 晴
, 溫度:2度-17度 
哩日因為太多小朋友响"妖怪の町"爭住同d 妖怪銅像合照
無謂浪費時間响度"一窩瘋(人)"咁嘥時間等
所以白加煎就改變本來行程,午飯前先去"水木紀念館"
成人入場費: 700 yen
入館時間: 0930 - 1630 (閉館時間:1700)
一踏入門口就見到水木先生嘅紙板公仔
仲有佢嘅得意之作-鬼太郎 + 眼珠爸爸响度迎賓
記念館有兩層,室內展覽場地不准拍攝
向來相當守規舉嘅白加煎都無打算偷雞影相
不過後來見到有2,3個日本人都舉機影相,咁白加煎都影左少少展板
咁就可以影完帶返香港慢慢先睇
眼珠爸爸本來係一隻身型高大嘅妖怪
為乜會變為一隻眼珠呢?
無諗過造型咁得意嘅眼珠爸爸本來真身係咁嚇人
(下圖左邊)
簡單講就係眼珠爸爸家族中死剩佢同太太-岩子,太太懷孕
到鬼太郎出世時,結果都係難逃死亡嘅命運
眼珠爸爸臨終前一份意志力令佢依附眼珠
咁先留得住生命可以伴隨鬼太郎嘅成長,詳細就係下圖嘅漫畫
咁為乜鬼太郎會得一隻眼嘅呢?
原來係為左留座俾眼珠爸爸,等佢地兩父子可以一齊行動
鬼太郎原來有個細妹:雪姬,哩個發現都真係幾驚人
下面哩個就係鬼太郎個妹:雪姬
都唔明白點解眼珠爸爸明明响鬼太郎出世後就變成一隻眼珠身型
咁仲點解鬼太郎可以有個細妹呢?
不過就算得都應該係同父異母,鬼太郎個老媽子响佢出世時咪死左囉!
鬼太郎唔只有細妹-雪姬,仲有"妻",咁猫女又係乜身份呢?
"水木先生"d創作好似有d亂龍
唔係睇過詳細說明,都唔知身型小小嘅眼珠爸爸原來身體每部份都有異常功能
最愛食車厘子+入浴,能操昆蟲語言
鬼太郎嘅詳細介紹
鬼太郎貴為家族中最後一點血脈,當然都應該盡得家族能量,祖先守護
鬼太郎身上所披嘅外衣,係家族祖先死後留下嘅毛髮(每人一條)所編織而成
所以哩件外衣係集合左各祖先嘅超能力
仲有其他角色人物
連鼠男結過婚,又有一個細妹,哩兩個資料又係另一驚嚇大發現
白加煎因為之前做左功課先去"水木記念館"
對於展館內介紹"水木先生"嘅各樣事蹟,白加煎睇文中漢字都大概明白
"水木先生"係如何失去左手?
以下係睇日劇中嘅內容,有無經過修改?
唔肯定!二次世界大戰時水木先生响南方嘅新不列顛島服役
一次出征全組士兵陣亡,佢响緊急關頭跳海逃生
槍?!失掉了,响荒山野嶺捱過一晚
天光後返回部隊,哩個消息無為軍營帶來振奮
相反係如何向上級交待士兵失去手槍?手槍比士兵嘅性命更寶貴
最後水木先生被安排即將再上戰場(其實係送死),哩次打算要"水木先生"以戰死作交待
可幸當時水木先生突然患上瘧疾,咁先暫時避過再上戰場送死嘅命運
"水木先生"响病榻休養期間遭受敵機空襲,被流彈波及左臂重傷要切除
當時响無麻醉藥嘅情況下切除左腎,痛得當場暈倒
之後算係撿回性命,唔需要再上戰場,直到日本向世界宣佈投降,咁先回國
白加煎哩次嘅旅行好似俾二次世界大戰嘅事一直包圍住,揮之不去
當時好多人經歷打仗後,即使能夠撿回性命回國,但戰爭嘅陰影一直都影响佢地
水木先生覺得戰爭後,即使自己失去一隻手,但能夠保住性命
就算前路再艱辛,但都一定可以捱過去
白加煎係相當欣賞"水木先生"哩份咁正面積極嘅人生態度
唯有哩個想法令佢可以捱過戰爭,捱過相當窮困嘅日子
戰爭養病期間,"水木先生"認識到當地居民,而哩個地方同樣都係相當有詭異嘅色彩
水木先生一直都想他日有機會再去
其實水木先生出門次數唔少,大概對做創作嘅人黎講:"讀卷書不如行萬里路"
响亞洲一帶,"水木先生"走訪次數最多嘅都係新不列顛島,一共有15次之多
其次就係香港,都有8次之多
記念館門外哩個銅像(右邊嗰個)係"水木先生"童年時代嘅自己
"水木先生"對妖怪嘅興趣來自童年時有位"のんのんばあ"(鬼婆婆)嘅影响所致
能夠咁德高望重咁响記念館前有一個銅像,可見鬼婆婆對水木先生黎講係相當重要嘅人
記念館仲有BB時代嘅鬼太郎+化身為眼珠嘅"咩它孖餓吔之"
紙板平面嘅鼠男,同立體公仔-真人假扮嘅鼠男
請圈出兩者中不同之處
(無獎遊戲)
唔明白點解鬼太郎真人假扮版會有一把掃把BOB頭
佢可能係妖怪版"貞子"?
借用網上影片
請圈出兩者中不同之處
(無獎遊戲) 唔明白點解鬼太郎真人假扮版會有一把掃把BOB頭
佢可能係妖怪版"貞子"?
借用網上影片
全個記念館,白加煎花最多時間去睇嘅就係"水木先生"嘅事蹟
毫無疑問地白加煎係有d尊敬"水木先生"
