2014 日本之旅 DAY 3 @ 鳴門 - 瞬間看名畫



 

2014年5月5日～星期一，鳴門天氣：雨






終於一嘗去年嘅心願再次踏足大塚國際美術館，哩次唔會再有人騷擾

由哩條天梯直上，就能夠瞬間看名畫






消售稅加左，入場料由3100日元加到3240日元




哩個價錢可以欣賞世界名畫，其實係超值

要全心投入睇名畫，首先係要＂托兒服務＂（寄存行李）

唔同大細嘅儲物柜都唔同價錢，不過當用完取回物件時，硬幣係會退回

 

 

 

 

仲有耳機租用(有普通話,英文講解)，出租費係500日元不過哩日係日本假期

 

咁抵嘅服務一早就全部借出

 

 

 

响大堂見到阿部寬嘅紙板公仔

 

 

 

佢同上戶彩拍嘅電影＂羅馬浴場＂唔知點解會响哩度有宣傳？

 

 

 

 

哩次係日本黃金週假期黎到哩度，比起上次，哩次係熱鬧好多，人影處處

 

起點就係哩個Cappella Sistina嘅壁畫好GRAND!

 

 

 

原作: Cappella Sistina响梵蒂岡宗座宮殿內嘅小堂，現場就係咁樣

 

 

 

畫面分成兩部分，繪有上帝創造世界的9個場景

 

即《劃分光暗》、《創造日月》、《劃分水陸》、

 

《創造亞當》、《創造夏娃》、《逐出樂園》、

 

《挪亞方舟》、《挪亞獻祭》、《挪亞醉酒》。

 

 

 

最正面嘅壁晝係「最後的審判」，以《瑪竇福音》中嘅描述為題材

 

大體上分為四個階層，從最上層開始，分別描繪有，天使群像

 

耶穌基督為中心的天堂，被拖入地獄的人群，地獄

 

米開朗基羅「地獄」部分的創作，靈感來源於但丁敘事詩《神曲》之地獄篇

 

 

 

 

 

因為係名畫係複印响陶板上，所以係逐塊拼合而成

 

 

 

 

去年無奈被友人搞到要走馬看花，實在係錯過左好多野

 

其中一個令白伽煎相當遺憾嘅就係哩間Scrovegni Chapel

 

 

 

 

現場都有幾間複製教堂，以Scrovegni Chapel係最有規模

 

 

 

 

 

規模比較細嘅巴黎Murals ofSaint Martin

 

 

希臘嘅 St. Nicolas Orphanos

 

 

展館中的一角 

 

 

 

文藝復興年代嘅畫，好多都同宗教有關

 

原祖：亞當，厄娃

 

 

 

當然唔會少左＂最後的晚餐＂

 

 

 

相傳第一任教宗伯多祿係响倒吊上十字架而死

 

其實哩啲畫已經係被美化左好多，完全唔血腥

 

 

福音中好出名嘅故事＂蕩子回頭＂

 

 

伯多祿三次不認主

 

 

很可愛的小天使，只有頭＋翅膀

 

 

展館中，以聖母升天為主題嘅畫之中，最靚嘅係哩張

 

 

梵谷嘅名畫中，白伽煎最愛哩張

 

 

每次見到哩張名畫，都會聯想起本地藝人：麈紙清

 

 

 

餐廳外面有莫奈嘅名畫：大睡蓮

 

 

 

仲有好多值回票價嘅名畫

 

https://www.youtube.com/watch?feature=player_embedded&v=5JM2aWM0UYc

 

 

 

 

 

哩次可以一個人慢慢睇，各層都無錯過，１樓有個大庭院

 

大塚美術館官方網站: http://www.o-museum.or.jp/t_china/



2014 日本之旅 DAY 3 @ 鳴門 - 貴人＠鳴門(必)招風雨

2014年5月5日～星期一，大阪/鳴門天氣：雨
 

 

 

白伽煎有時都好鬼迷信，例如一朝早就諸事不順嘅話，就會預測自己當日會全日黑仔

 

而哩次一個人出門，之前就遇着事事都好彩順利

 

所以哩次白伽煎出門時都好風騷咁認為會有幸運之神眷顧

 

 

 

白伽煎去日本咁多次，由最短嘅6日至最長嘅17日，次次都係經歷幾許風雨

 

記憶中仲場場風雨都必定濕身，即係次次都傾盆大雨，咁今次又如何呢？

 

下面自有分曉




 

 

 

朝早起身睇天氣預報，已經知道哩日係雨天

 

房間CHECK OUT後將大行李交俾酒店托管，咁就為哩次歷險行程揭開序幕

終於又再次隻身上路，離開熟識嘅大阪，哩幾日會有乜經歷呢？

 唔嫌悶就請慢慢睇落去





5月時份關西天氣時凍時熱，如果天晴就熱到接近30度

但哩日落雨，無左太陽伯伯發功，當堂變得相當清涼，其實係有點冷


以前經歷過差啲趕唔到高速巴士而嚇一餐 ，所以宜家會提早好多去到巴士站

 

哩朝早坐地鐵去到難波OCAT都仲未落雨

 

 



 

 

 

由OCAT出發去德島嘅巴士，08:15，5號閘口上車

 

 

5閘口都係關西空港巴士嘅固定乘車站

 

 

車票响網上訂，到埗後响便利店確認車票

 

劃左第一行大窗風景位，上左車後，雨就哇～哇～哇打到黎

 

 

 

 

其實都唔算好大雨，每次坐哩個頭等位只要唔係夜晚，咁就算眼瞓都自然唔會瞓

 

欣賞風景都一樂也，最好當然係一邊食野，一邊睇風景啦

 

白伽煎當然早有準備啦！

 

 

 

 08:15上高速巴士，10:06就到鳴門，哩係車程算係高速巴士中嘅短程

 

所以中途不設停站休息

 

 

 

（以下係翌日所拍嘅相片天氣已經放晴）

 

 

 

落巴士時因為又要推住細行李，又要擔傘，又怕雨水撇濕部相機

 

顧唔到咁多野，所以即時無影相 

 

哩個係到左德島後第一個車站，全車只有5個人落車

 

終於都又再見面喇！

 

 

 

鳴門嘅觀光景點都集中响哩度，上年白伽煎黎鳴門只做左兩項活動

 

(1) 坐船睇潮渦

 

(2) 大塚國際美術館

 

兩次去鳴門，兩次都係落雨，不過上年落得大好多

 

今次有幸運之神眷顧，離開大阪之後，雨都細左

 

 

 

 

兩次到鳴門，兩次都有相同感受渺無人煙

 

哩個觀光區只見到有車而見唔到有行人

 

 

 

就咁睇以為即使日本GOLDEN WEEK，哩度都無乜人氣

 

但一去到觀光點，都唔知啲人係响邊度走出黎，人氣唔係少

 

 

 

落左巴士要行大約7-8分鐘先到大塚國際美術館（去年的相片）

 

 

 

 

鳴門嘅特色觀光點係潮渦，而哩個國際美術館就好似有啲另類

 

更奇怪嘅係美術館唔係命名為鳴門國際美術館，而係大塚國際美術館

 

大塚又係何方聖神呢？

 

 

 

知道大塚製藥嗎？！

 

估唔到一間製藥公司會同世界名晝拉上關係

 

 

 

繼上次俾友人自認佢對欣賞美術館都好有興趣

 

白伽煎又太天真咁信以為真，所以先會响行程中同友人一齊去欣賞世界名畫

 

但結果當然係俾白伽煎臨場睇穿友人根本一啲興趣都無

 

有得俾佢揀，友人一定會揀去SHOPPING，哩個活動俾睇世界名畫有趣好多

 

去年白伽煎被迫走馬看花咁欣賞

 

 

 

其實當時心中已經立下決心，未來一定要自己一個人再黎哩個美術館

 

 

 

大塚國際美術館入面嘅名畫全部都係複製品

 

而且係複製响陶板上，哩個技術就係由大塚製藥嘅家族成員鑽研出黎嘅產物

 

而所用上嘅就係鳴門海峽嘅沙

 

複印响陶板上嘅名畫，顏色係永不脫色

 

換句話講，當真正嘅名畫抵不住時間嘅侵蝕時

 

哩啲用陶板複製嘅名畫係可以永遠保存，所以美術館入面係任由拍攝

 

不過都唔可以用閃光燈