哩次日本17日之旅係人生中第3次嘅悠長假期@日本
自從2006年起,每年都會去日本
唯獨今次相距1年半先再出發,因為等桜花,因為東北地震.........所以行程押後1年
雖然桜花姍姍來遲
但總算都同佢邂逅上雖然預左17日咁長黎賞桜,結果都只係最尾3日先叫做似樣少少
雖然恨左好多年想睇桜花,但當事情實現之時,發現原來興奮嘅心情只係維持一段短時間
24小時後,眼前再多桜花都只覺得佢相當平凡
或者生命本來就係咁平凡,無就恨
恨到又覺得不外如是可能因為自己根本唔係真心在意
愛慕嘅感覺處於淺層次,只因為其他人嘅追捧而引起興趣,其實並唔係適合自己嘅事
大概哩個都可以作為漫長人生路嘅警醒
鐘意去旅行,就係因為每次嘅旅行,對人生都有新嘅體會,對自己有新嘅認識
踏足日本N次,每次走訪唔同地方,每次有唔同嘅感受,即使係好感/惡感
哩次走訪廣島,宮島,境港,米子,鳥取,倉敷,岡山,大阪,京都
廣島,宮島
相當鐘意好有原始風貌嘅宮島
但踏足宮島必需經過廣島廣島?!一個令白加煎無所適從+沉重嘅地方......唔想再去
境港
眼前一個妖怪之鎮,白加煎頓時忘記自己之前响行程上遇過無數黑仔嘅事
的確相當敬佩水木先生
成功非僥倖但都唔係只靠一股盲目嘅堅持,而仲需要有客觀嘅理據
人地所認同嘅才能,而唔係
自以為有嘅才華米子
哩次行程無响米子觀光,不過白加煎依然好記得米子車站內
售賣酢鯖壽司嘅兩位嬸嬸,佢地嘅率性令白加煎欣賞
鳥取
如果鳥取唔係咁遠,交通咁唔方便嘅話
白加煎仲有興趣未來揀一個好季節,再踏上鳥取沙丘
倉敷
舊地重遊嘅倉敷令白加煎眼前一亮
即使無法响倉敷賞桜,但白加煎對倉敷嘅感情比傾慕桜花之情黎得深厚而真實
逗留2.5日,仍然看不厭
或者因為桜花廣遍全日本,隨處可見,但倉敷就只此一地
日後仲會再去倉敷嗎?......可能會
但都應該係遙遠一點嘅事未來要舊地重遊嘅話,仲有白川鄉,函館,上高地.......
岡山
每次响日本一個新地方遇到令人氣頂嘅事,白加煎都會列哩個地方入黑名單
立誓今後可免則免唔會去哩d地方,只可過境,不作停留
直到宜家為止,黑名單中首位係札幌,宜家連岡山都榜上有名
京都,大阪
哩次响京都大阪尋到美食,白加煎知道自己一定會再去哩d食店
實在相當期待下一次嘅日本之旅
到底會係酢鯖壽司,還是(大盛り)大魚子丼呢?
魚與熊掌,難以抉擇
哩次行程比以往無趣味,或者真係有d迷信........
首先因為發生左一連串黑仔事件
仲因為哩個天氣實在令人無法使出元氣
為左白加煎心中原來只係平平無奇嘅桜花,而作出各樣嘅犧牲.........
無得食巨峰提子,無季尾貨大減價,買返香港嘅零食又因為天氣熱而急速變壞/溶化.........
其實唔值得為哩個桜花期而扭曲自己嘅喜好,習慣
行程完畢返黎再寫遊記,哩次一d都唔算寫得積極
因為自己並唔算十分享受,所以都無興趣刻意努力去記下回憶
不過個人原則仍然係唔會半途而癈
一定會寫完世上無難事,只怕有心人
雖然話唔積極,但係寫到每一個地方都有出現唔同嘅思緒
廣島....思潮起伏
境港....開心重溫
倉敷....驚豔讚歎
京都,大阪.....口水直流
無論回憶係快樂,還是平淡,都係一份只屬於自己嘅回憶
完成哩個遊記都等如將自己嘅回憶完整地永遠珍藏
相信日後再細味哩次旅行中嘅點滴,依然會係開心嘅回憶
因為各樣嘅經歷而得到各樣嘅啟發
