2014年10月8日～星期三，仙台天氣－晴天，紫外線爆晒燈
計劃行程時有考慮過去仙台觀光，反正有JR PASS任搭就想用得盡啲
但係再三睇過之後，最後都係放棄左觀光哩個活動
始終仙台响311地震中所受嘅損毀係好大，唔想親眼去睇到太多
唔想有負能量滲入自己旅行嘅心情中
所以最後只係揀左去仙台SHOPPING @ OUTLET
白伽煎相信仙台嘅OUTLET會比東京嘅OUTLET人少啲
上左快速電車，响多賀城轉回頭普通電車，坐一個站去到中野栄站
其實同坐站站停嘅普通電車所花嘅時間係差唔多
出左車站再徒步約８分鐘就到三井OUTLET
用JR PASS出閘係要用＂人肉出閘＂（真人查票）
正想出閘之時見到哩個＂閉窗＂嘅狀態
吓～站長休息中，咁點算？
其實佢寫明如有事請按鐘，一下子之間白伽煎都只能企定定咁等
心中諗緊：唔通真係要等到站長休息完先可以出閘？
好彩，等左一陣就有個女乘客出唔到閘
佢按掣同站長溝通，終於站長都拉開塊布幫佢解決出閘問題
之後＂人肉出閘＂先可以順利完成
白伽煎响大阪時都係入定逛哩間三井OUTLET
仙台哩間比大阪嘅更大
响日本SHOPPING哩回事真係要獨自行事先得
有人陪黎陪去只有癈時失事
哩間舖頭嘅廚窗完全吸左白伽煎對眼
超可愛嘅雜貨
品牌係黎自西班牙
最後仲執到抵貨，原價580日元嘅原子筆半價出售
店員話只係藍色原子筆先做特價，其他顏色依舊原價發售
咁正！咁就4 枝啦唔該！
３枝用黎做手信，收禮嘅人都超讚
返到香港响鰂魚涌某平民地庫商場嘅廚窗驚見哩幾枝原子筆
但就係毫無用心擺設，只係一堆野咁"PET"埋一堆，又無價錢
真係揾亞茂買囉，完全唔會引起人注意，其實"物"都需要衣裝
由車站去OUTLET途中經過一間業務用嘅食材店
白伽煎最鐘意去哩啲舖頭，因為真係會買到平野
哩間舖頭都算大，貨品又多
最有興趣係哩兩枝拉面湯底，買返香港繼續可以食到日本風味嘅拉面
買到又一大堆咁坐車返仙台站
返到仙台站都仲有一個予定左嘅任務，要做埋先坐車去東京
有無留意哩日只係食過魚市場嘅魚生丼，之後就再無食過野
一場黎到仙台，白伽煎點會唔去揾食呢？
話說仙台有好出名嘅生蠔＜香港出版嘅旅遊天書講嘅
本來白伽煎都曾經有興趣，之但係一諗到仙台正正就係311地震嘅重災區
核輻水倒晒入海咪正正係宮城縣
一諗到咁就對仙台嘅海產完全不能有興趣
咁响仙台除左生蠔，又仲有咩名物呢？
牛舌是也！
响食評網站揾到哩間响正車站，評分有3.52分嘅牛舌店
咁就決定係去哩間食
為左揾哩間舖頭，白伽煎又响車站迷路，差唔多想放棄之時
就終於露出曙光，白伽煎能夠為食而有鍥而不捨嘅毅力
定食都相當抵，1500日元都可以係一個套餐
睇相唔好以為客人只得兩丁
白伽煎後面有幾枱食客，全店都有15, 16個客人
而哩個時間只係下午５點，未正式係食晚飯時間
一埸去到海外，只要自己負担得來，真係咩都想試食
而食野就係會長脂肪，白伽煎只甘願為＂美食＂長脂肪
所以注文左2000日元嘅套餐，貴左500日元，貴响邊呢？
上撰極厚真中たん定食
牛タンの上下左右前後を切り取ると現れる真ん中の部分、やわらかい部分のみを使用した贅沢な一品。一頭からわずかしか取れない希少なタンを。
就係貴响哩個係牛舌正中間嘅位置，係特別軟
（套餐仲包左沙律＆清湯）
哩個清湯有啲似廣東人飲嘅清湯，材料當然係牛舌
至於主角牛舌又點呢？！
白伽煎注文哩個牛舌嘅正中間部份真係好軟
唔似香港人响燒味舖買嘅又硬又＂鞋＂嘅牛舌
再加上係用燒烤方法去燒，真係又軟又香
不愧係仙台名物，果然名不虛傳！
至於主角牛舌又點呢？！
白伽煎注文哩個牛舌嘅正中間部份真係好軟
唔似香港人响燒味舖買嘅又硬又＂鞋＂嘅牛舌
再加上係用燒烤方法去燒，真係又軟又香
不愧係仙台名物，果然名不虛傳！
