3月24日(星期六) 下午天晴
溫度:10度-13度
行完山就係醫肚時間,白加煎一早已經鎖定4間响京都嘅食肆朝聖
本來想去食評網站得分好高嘅漢堡排店
不過佢地午市過後會暫休,最後注文時間係13:30
白加煎知道一定唔會趕得切,結果揀左另一間無午市後休息嘅食店
哩次絕對係最明智嘅選擇
因為白加煎第一次品嚐到日本嘅醋鯖魚
絕對係超讚,鯖魚壽司响哩個旅程中,成為令白加煎嘅新寵食物
哩間食店响八坂神社對面,去到祇園就不能錯過鯖魚壽司
哩間係祇園いづ重,响食評網站上,網民對佢地嘅評分係3.98 (滿分係5)
的確係相當高分
鯖魚,池魚响日本都係貴價魚,尤其係魚生上碟,佢地稱為"姿刺"
因為鯖魚,池魚上水後都好容易死亡,所以新鮮嘅鯖魚,池魚嘅身價就係相當高
(以下係網上圖片)
新鮮活劏嘅鯖魚响九洲佐賀一帶會容易d食到,而响日本其他地方就可以食到醋鯖魚
醋鯖魚响劏左之後,用鹽醃兩小時,之後將鯖魚浸醋至少30分鐘
咁就會成為醋鯖魚,醋味亦可以驅除鯖魚嘅腥味
哩間食店得到咁高評分,當然要去親身感受一下係咪真係咁好
佢地門口哩個價目表都相當有性格+藝術感
店舖門外嘅玻璃柜擺放左4000YEN一條嘅鯖姿壽司
仲有半條份量出售,2000YEN
哩間舖頭响觀光區,所以一定備有英文嘅餐牌,都有識講d英文嘅員工
裝修都好得體全個模式都好PRO,PRO到禁止食客拍店內嘅照片,只可以影自己嘅食物
(以下係網絡圖片,都可能係店舖自己放上網)
黎到哩間舖頭已經係下晝2時後,不過一樣要等位,都等左有半個鐘
因為有哩個暖爐取暖,外面天氣真係凍
因為舖仔細細,唔超過10張4人枱,所以等位係必定嘅事
响等位期間已經注文,坐低無耐就有得食
以下有七件壽司,鯖魚壽司就只有3件,盛惠1400 yen
哩件係其中一件,實在係.............一食愛上左佢,幸福嘅感覺即刻湧緊出黎
因為醋鯖魚响醃製過程中已經加鹽加醋,所以味道啱啱好
哩間舖頭無提供醬油& 芥辣醬
無任何調味料一齊食
咁就可以嗒真鯖魚嘅真正味道,口感
通常醋鯖魚壽司响外層都會包上一塊醋昆布
而哩間舖頭嘅醋昆布都幾硬,所以侍應提醒食前要拆開昆布分開食,一齊食會咬唔到
黎到品評時間
為乜白加煎會一咬訂情呢?
鯖魚嘅質地完全唔似一般魚生壽司,比較之下,鯖魚相當有"趙"感
而且食到濕潤嘅口感,哩d係Omega 3,不過唔係油膩感,只係有滋潤嘅口感
因為係加工醃製過,所以口感上就介乎係生魚&熟魚之間
如果要用數字去形容,咁熟嘅質感佔20%, 生嘅質感佔80%
難怪一條長棒鯖魚壽司可以價值4000yen ,哩個價錢係有道理
佢實在係肥美,但絕對唔油膩,係非一般壽司
哩次行程白加煎响唔同嘅舖頭,一共食左3次鯖魚壽司
可想而知,白加煎對鯖魚有幾咁一食鍾情
而哩間似乎係最好味嘅一間
其實行程去到尾聲,白加煎都响京都另一間舖頭食鯖魚壽司,一樣係好好味
不過可能第一次食鯖魚係响哩間祇園 いづ重,而哩間舖頭係3間食店中,裝修最講究嘅一間
所以有d先入為主嘅好感評分
店舖資料請click 祇園いづ重
店舖地圖 請click
早前三色台所播出嘅"勁食日本一"之中,都有介紹過鯖魚,池魚
詳文請CLICK "勁食日本一"
哩日邂逅上鯖魚,白加煎終於都第一次為行程而展現笑容,實在係太滿足喇!
抱住一個相當滿足嘅肚腩
而當時又置身祇園,咁當然就係就地取材
响附近閒幌一陣啦!
朝早响伏見稻荷初邂逅"早桜",白加煎已經心裡盤算緊:唔知白川,鴨川會唔會有"早桜"呢?
(每次只要身在京都,白加煎都會去白川,實在好鍾意白川嘅環境)
响祇園町嘅大街轉入小路就會去到白川
下圖嘅白鶴吸引左途人圍觀佢,佢响料理旅館門前,不停探頭"裝"入面
但就只係不停"裝"而不入其門,d動靜好似人一樣咁引人舉機影相
d日本人又係咁話: かわいい!
確實係無估錯,早桜已經黎到京都,不過只係預告階段
哩次當白加煎行程再返到關西時,有再去白川見証一下"白川の桜"
白加煎覺得京都係賞桜首選之地,就係因為佢背後嘅古都景色
哩日因為仲未真正踏入賞桜期,白川哩度仲算寧静
行程尾段再返黎哩度,的確係多左好多桜花,但都同樣多左好多人,嘈而且雜
上圖嗰間"白梅料理旅館"甚至响橋上圍起欄杆,禁止途人踏上橋嘅範圍
事實真係人太多,d人興奮失控咁,會阻左人地做生意
當日企响白川見到只係"桜的預告",心情實在係有d失望
但當行程完畢之後回想過來
哩個時期嘅桜花雖然只有寥寥2,3棵,完全唔係桜花怒放
但能夠有寧靜嘅環境,細意睇下僅有嘅桜花配上古都風情,白加煎都係比較鍾意咁樣
醉翁之意不在酒.......賞桜之意不在桜........其實只係陶醉响意境之中
放開心情,放開執迷,其實可以發掘到好多意料之外嘅美事
越睇越鍾意上面張相
因為有哩個暖爐取暖,外面天氣真係凍
因為舖仔細細,唔超過10張4人枱,所以等位係必定嘅事
响等位期間已經注文,坐低無耐就有得食
以下有七件壽司,鯖魚壽司就只有3件,盛惠1400 yen
哩件係其中一件,實在係.............一食愛上左佢,幸福嘅感覺即刻湧緊出黎
因為醋鯖魚响醃製過程中已經加鹽加醋,所以味道啱啱好
哩間舖頭無提供醬油& 芥辣醬
無任何調味料一齊食
咁就可以嗒真鯖魚嘅真正味道,口感通常醋鯖魚壽司响外層都會包上一塊醋昆布
而哩間舖頭嘅醋昆布都幾硬,所以侍應提醒食前要拆開昆布分開食,一齊食會咬唔到
黎到品評時間
為乜白加煎會一咬訂情呢?鯖魚嘅質地完全唔似一般魚生壽司,比較之下,鯖魚相當有"趙"感
而且食到濕潤嘅口感,哩d係Omega 3,不過唔係油膩感,只係有滋潤嘅口感
因為係加工醃製過,所以口感上就介乎係生魚&熟魚之間
如果要用數字去形容,咁熟嘅質感佔20%, 生嘅質感佔80%
難怪一條長棒鯖魚壽司可以價值4000yen ,哩個價錢係有道理
佢實在係肥美,但絕對唔油膩,係非一般壽司
哩次行程白加煎响唔同嘅舖頭,一共食左3次鯖魚壽司
可想而知,白加煎對鯖魚有幾咁一食鍾情
而哩間似乎係最好味嘅一間其實行程去到尾聲,白加煎都响京都另一間舖頭食鯖魚壽司,一樣係好好味
不過可能第一次食鯖魚係响哩間祇園 いづ重,而哩間舖頭係3間食店中,裝修最講究嘅一間
所以有d先入為主嘅好感評分
店舖資料請click 祇園いづ重
店舖地圖 請click
早前三色台所播出嘅"勁食日本一"之中,都有介紹過鯖魚,池魚
詳文請CLICK "勁食日本一"
哩日邂逅上鯖魚,白加煎終於都第一次為行程而展現笑容,實在係太滿足喇!
抱住一個相當滿足嘅肚腩
而當時又置身祇園,咁當然就係就地取材响附近閒幌一陣啦!
朝早响伏見稻荷初邂逅"早桜",白加煎已經心裡盤算緊:唔知白川,鴨川會唔會有"早桜"呢?
(每次只要身在京都,白加煎都會去白川,實在好鍾意白川嘅環境)
响祇園町嘅大街轉入小路就會去到白川
下圖嘅白鶴吸引左途人圍觀佢,佢响料理旅館門前,不停探頭"裝"入面
但就只係不停"裝"而不入其門,d動靜好似人一樣咁引人舉機影相
d日本人又係咁話: かわいい!
確實係無估錯,早桜已經黎到京都,不過只係預告階段哩次當白加煎行程再返到關西時,有再去白川見証一下"白川の桜"
白加煎覺得京都係賞桜首選之地,就係因為佢背後嘅古都景色
哩日因為仲未真正踏入賞桜期,白川哩度仲算寧静
行程尾段再返黎哩度,的確係多左好多桜花,但都同樣多左好多人,嘈而且雜
上圖嗰間"白梅料理旅館"甚至响橋上圍起欄杆,禁止途人踏上橋嘅範圍
事實真係人太多,d人興奮失控咁,會阻左人地做生意
當日企响白川見到只係"桜的預告",心情實在係有d失望
但當行程完畢之後回想過來
哩個時期嘅桜花雖然只有寥寥2,3棵,完全唔係桜花怒放
但能夠有寧靜嘅環境,細意睇下僅有嘅桜花配上古都風情,白加煎都係比較鍾意咁樣
醉翁之意不在酒.......賞桜之意不在桜........其實只係陶醉响意境之中
放開心情,放開執迷,其實可以發掘到好多意料之外嘅美事
越睇越鍾意上面張相
沒有留言:
張貼留言