荔枝同芒果都係有當造期既
每年都係得某一段短時間係又抵食,又好食
6月底至7月初都係荔枝既當造季節(不過今年荔枝並無大造)
呢幾年既7月中旬前
都係我既考試日期
再加上我對荔枝只可以淺嘗
所以對荔對既興趣只係一般,並唔算係太雀躍
記憶中上一次做荔枝慕司蛋糕應該係5年前既事
大熱天時仲要整野食,呢個到底係10大酷刑之中既第幾刑呢?
(我屋企係響應環保份子,所以通常情況下白天時段係無冷氣供應既
)
見仲趕得切今年既"水尾"荔枝
而且試又考完,我個甜品廚房都可以久休復出喇卦
不過响炎夏會繼續維持半休息狀態
為左呢個荔枝季節而去接受10大酷刑,證明佢都相當有份量
可惜今次一復出就俾人斬左我一頸血
話說前幾日夜晚,趁全屋開勁冷氣時,仲唔嗱嗱聲焗左個清蛋糕先
用個電打蛋器打左2,3分鐘佢就即時"魂斷天國",但我d蛋白仲未得架喎,點算好呀?
唯有返回原始人時代,用手動打蛋器,求求其其埋尾
仲只係人手打左3,4分鐘都已經無晒力喇!
第二朝一早就仆去最早可以買到電動打蛋器既上海街買返個新既
原來上海街只賣"雜牌",但我想買個好d既牌子喎~
結果搵到一間有"西利保"既,盛惠$280,其實我心水都係買呢個牌子
好衰唔衰今日順便去"安安百貨"逛下兼涼冷氣之時
唔睇由自可,睇左就當堂幾把火
人地咁大間百貨公司都係賣$238咋喎
乜上海街呢間舖頭食水咁深呀,係咪離譜左d呀
咁好啦,以後去上海街買野
就可以對呢間"光榮謀人寺"過門不入喇!
我一定幫佢宣傳開去既
要做個精明消費者,就要認住呢間"謀人寺"喇!
唔怪得知呢間"謀人寺"同隔離間"之之老刀壯"相比之下
"謀人寺"真係水靜河飛啦,抵佢地啦
不過相信係"謀人寺"唔志在遮
今後食荔枝時都會令我記得呢個"血的印記"
細個時食荔枝,食幾粒都會流鼻血,而今次就係荷包出血
最嬲係俾人搵我笨唉嘛!
"士可殺,不可辱"
言歸正傳~
用荔枝做既慕司蛋糕係幾清甜架
如果個餅面可以洒d桂花上去,我諗加埋桂花既香味咁會仲正
下次可能就咁做一層桂花啫喱,相信效果都會幾好添~
咁就要明年先可以做試驗喇
今年既荔枝又要同佢地say bye-bye 喇!
下面呢杯軟雪糕真係麻麻喇
唔嫌佢唔抵食都嫌佢肥死人啦,咁點"注文"得落手呢?
唔係我自大,真係佢無料咋
而係"渣"羊奶
同埋佢既經營比起其他有名既牧場