總網頁瀏覽量

2015年4月18日 星期六

2014(秋季)單人匹馬闖日本之旅 DAY 6@江之島 - 夢人必愛



2014年10月9日~星期四,江之島天氣: 晴




經歷過驚恐一夜嘅泊宿後(其實當晚係有啲後悔入住哩間東橫INN)

一朝早落LOBBY食早餐,全幢酒店得幾層,所以住客唔多,仲要清一色係男人

白伽煎一個女子食早餐,在場食早餐嘅男仕都好似投以奇異目光咁樣

當時白伽煎心入面又再一次後悔入住哩間東橫INN

心諗:唔通住足3晚都唔會見到有女性住客?咁仲驚喎!

快快食完早餐就出門



哩日嘅行程係全個行程中白伽煎最愛嘅地方>江之島

由大塚駅坐山手線去到新宿,再轉小田急線


雖然係過左9點先去到新宿,但係一群一群上班族前推後擁

白伽煎就揀錯左出口,轉黎轉去都係响月台個層

但明明係要返上售票處買張抵用1 DAY PASS

結果唯有求助於駅員,佢地查實車資之後,就俾張臨時出閘票俾白伽煎出閘

响新宿駅,白伽煎一定會迷路


對於東京嘅鐵路網絡,白伽煎真係投晒降



終於可以返上售票處買1 DAY PASS



跟住個螢幕黎看圖篤,揀フリーパス


哩張PASS 盛惠日元1470,可以全日坐小田急江之島線+江之島電鐵



由新宿駅出發


坐到相模大野就轉小田急線

响藤沢轉江之島電鐵


江之島電鐵可以坐到去鎌倉,東京旅遊天書必定推介嘅鎌倉

印象中去鎌倉只為睇佛院,白伽煎就完全不感興趣

無需人去我去,人做我做




江之島電鐵地面行走嘅路軌車



見到車廂入面哩個木地板,相當有FEEL,心入面已經期待緊江之島哩個地方


電鐵終於駛到海邊,只係見到啲滑浪嘅人

一個又一個大浪,心入面已經响起了:真係無黎錯地方,好愛哩個大海


哩個車站行出去就係海邊





白伽煎係如何認識到江之島哩個地方呢?

原因有兩個,其中一個就係白伽煎係TERRACE HOUSE嘅FANS

總係要集集追睇,即使上網睇只有日文版,但都由頭睇到完結篇

哩間屋靚到呢~無野講




真人SHOW之中,其中一位係滑浪高手湯川正人

原來江之島係滑浪嘅好地方,白伽煎就對哩個地方產生左好感

但係唔好搞錯,白伽煎對哩位滑浪人兄(湯川正人)無乜興趣

佢。。。有啲自負








哩度環境幽雅到好似去左渡假區咁

只見啲日本人駕車黎到,一落車就攞塊滑浪板出黎,跑入大海中


沿海一帶有唔少舖頭,食肆多不勝數,哩日揀左哩間响3樓嘅CAFE


其實黎之前係响食評網站係揀左另一間有很食PIZZA嘅樓上餐廳

名字又係AMALFI......,而哩間又叫AMALFI,又係樓上舖,又有PIZZA

一時間白伽煎都以為就係哩間


不過都錯冇錯着,哩間响3F嘅樓上餐廳就無PIZZA食

但係响食評網站都有3.5分





餐廳面積唔大,店員同人客都相當悠閒咁樣

想有間DREAM CAFE嘅香港人,大概就係哩種模式

好似日劇入面啲角色咁,中場時間無客人

店主可以攞起塊滑浪板跑到海邊衝浪

之後又相當型仔咁返去舖頭招呼客人,人生多寫意!


哩區嘅餐廳最正係有個SEA VIEW





輕食CAFE嘅餐牌都相當簡單,午餐嘅選擇唔多




白伽煎注文三文治+甜品


三文治+南瓜湯+布丁+花菓茶





仲鬥哩件甜品


咁樣就可以消磨好耐時間,啱晒"發夢人~白伽煎"



估唔到離東京唔係太遠,竟然有一個咁生活節奏可以悠閒啲嘅地方


咁區相當有西洋味







2015年4月3日 星期五

2014(秋季)單人匹馬闖日本之旅 DAY 5@東京 - 最驚驚的泊宿體驗



2014年10月8日~星期三,東京天氣




响仙台掃完貨又醫飽個肚之後,拿拿淋訂車票返東京



仙台往返東京坐新幹線大約係一個半小時

還記得行程第一日由東京直坐到青森,坐足三個鐘有多,悶到呢~

都係咁樣中途停一停,咁就唔覺得坐車係咁辛苦




黎到東北哩邊不時見到哩啲"人偶"

响關西嗰邊好似無東北哩邊咁流行


去到仙台又見到一堆一堆着黑色西裝嘅Salary Man

咁即係越來越近東京喇!



白伽煎坐18:19出發嘅新幹線

去到大宮轉車去池袋,池袋轉山手線去大塚

留响東京幾日都係住大塚,哩次都係住東橫INN


酒店响旺區,出車站行2,3分鐘就到,方便到不得了

返到酒店CHECK-IN後,第一時間係去逛超市

買左一堆食物


大和版嘅益力多,有好幾種味道,超市特價,當然不能錯過

比起香港得兩隻味(原味+低糖味),去到大和當然要試下其他啦!

大和嘅益力多唔及香港嘅咁甜,其實係香港嗰啲超甜,大和嗰啲係正常甜



仲有"脫印"布丁:

栗原さんちのおすそわけに、素朴な甘さの「ココナッツプリン」

哩個係椰子味布丁




10月去到大和,巨峰提子其實已經過造去到水尾

不過只要見到白伽煎仍然係會買。買。買,食。食。食

最愛巨蜂提子



白伽煎成日持住自己一個人出門無人管,所以天不怕地不怕

哩次响東京住嘅酒店,係旺區中最方便又最房租實惠嘅一間

哩次入住嘅酒店都係最深刻的一次住酒店嘅經驗

比起上次响鳴門酒店有疑似02事件更深刻



香港人去東京住東橫INN,首選應該係池袋,貪佢方便Shopping

而白伽煎一向响日本都想盡量少聽到廣東話

所以池袋並唔係白伽煎嘅心儀地點

最後考慮左好多間東橫INN,決定住大塚駅

同區相隔一條街有兩間東橫INN,而單人房租每晚相差500日元(未計稅)

為左慳錢,白伽煎揀左房租平500日元嘅"大塚站北口1"


咁到底相差500日元,相差啲乜呢?


下圖哩間係貴500日元嘅大塚站北口第二



房租便宜500日元嘅係大塚北口1



其實兩間嘅位置都相當接近



哩間係平500日元嘅"大塚站北口第一"

外觀舊啲,規模又細啲




其實最大分別係每層公共走廊並唔係置於室內空間,而係室外



白伽煎住哩層只有六間房



樓上各層等電梯嘅位置係正對住走火樓梯



咁即係防盜防色郎都要相當小心



房間內玻璃窗係雙層加鎖,門鎖都要兩個,門匙係用拍咭式

其實全部都係為左保安緣故

白伽煎由仙台到東京時已經係天黑

CHECK-IN後發現酒店係咁樣,其實心中有啲不安

入左房間無乜事都唔會再打開門,真係怕有賊,又怕有色郎响走廊流連

哩一晚白伽煎明白左日劇中哩啲獨居响細小單位嘅大和女生

為乜俾人偷內衣褲後會驚到唔敢一個人返屋企,原來就係哩種感覺












哩間只係個外觀同樓上唔太好,但地下大堂同一般東橫INN一樣,都相當企理



臨近萬聖節,大堂仲有佈置添!




白伽煎响哩間酒店入住3晚,其實都只係第一晚驚驚地

之後摸清周圍環境之後就唔太驚,最緊要都係唔好太夜返酒店

响大塚住左3晚,其實哩區唔太差

比起離車站好遠,甚至要坐酒店接駁巴士嘅東橫INN

白伽煎覺得大塚哩區嘅酒店都值得考慮