白加煎覺得上季日劇唔算有咩好出色嘅戲
响眾多戲之中揀左"家政婦三田"
最終回,日本關東地區去到40點收視
好似仲話係日劇史上最高收視嘅第三位
白加煎又覺得唔算好睇到會有40點收視
不過可能只係哩套唔係純愛劇情,又有家人關係嘅元素,而三田陰霾個性嘅背後原因....
哩d因由就引發各階層性別嘅人仕都有興趣追睇落去
劇情由男戶主年輕時奉子成婚,思想都未準備好有一個家
繼而無法真心擔當父親嘅角色,後來因為搞婚外情,提出要同太太離婚
太太受唔住打擊而自殺
哩段劇情都係反影時下日本30幾歲男仕的情況
軟弱而且逃避責任(哩個唔只係日本嘅問題,其實地球上好多地方都有哩個現象)
因為女戶主自殺死左,遺下四個仔女嘅日常生活
就唯有聘請家政婦代勞,而哩個家政婦就係'三田"
人物關係圖
三田永遠都係哩個打扮,羽絨外套,cap帽,仲有一個男裝公事包
原來又係另有典故
不苟言笑嘅三田响工作能力上接近萬能
甚至戶主嘅家人要求佢做咩(包括殺人放火)佢都會唯命是從
無論家事,學識,體能都相當好嘅三田
去到哩間屋企做家政婦,男戶主因為婚外情而令媽媽自殺
最初幾個仔女係無法原諒爸爸打算離棄佢地,同情婦雙宿雙棲
而男戶主結果都响婚外情同仔女當中選擇左家庭
家人關係得以改善,三田係功不可抹
但其實從來都不苟言笑嘅三田,一樣有自己無法忘懷嘅過去
其實哩個咁冷酷嘅角色,可能搵天海佑希做都可以
不過天海佑希就多左一份女強人嘅感覺
做一個家政婦又好似乎唔及菜菜子咁有說服力
三田嘅口頭禪係"承知しました",正正就係表現出佢係唯命是從
只要話係"業務命令",佢就會接受
劇情中段講到戶主一家人嘅家人關係修好,每個人都感激三田嘅幫助
終於哩家人決定反過黎幫三田解開心中嘅結
過去嘅痛苦經歷令三田立誓今後不再展笑顏
當然最終回嘅收視可以去到40點
咁當然係終於都見到對往事有點釋懷嘅三田
响戶主一家人嘅要求之下,三田終於都肯笑
總係覺得哩套戲可以去到40點收視,當中都有"天時,地利,人和"嘅因素
全套戲都有d劇情係牽強,雖然都有煽情橋段
但又唔算係讓觀眾太情緒失控不過同季嘅日劇中,"家政婦三田"都算係比較吸引
