6月26日响日本播完最後一集"完結篇"
已經急不及待咁要煲埋最後加長版嘅最終回
(一直都係每個星期睇最新嘅一集,完全係"追睇")
11集嘅平均收視係20.62點,哩個成績係相當好
事實上只要係一套好戲就自然會吸引觀眾收睇
如果第一部嘅劇情係屬於感性,咁第二部就係著重歷史+邏輯劇情
相比之下,個人比較鐘意第一部,事實上對日本歷史無興趣嘅人黎講
的確係會睇到一頭霧水
不過第一部同第二部都係一套好戲,咁認真嘅製作,响香港都幾難見到
第一部嘅女主角有兩個: 咲
, 野風
第二集嘅女主角就只有咲 (野風只係客串演出)
咲從頭至尾都係一個討人喜歡嘅女子,外柔內剛,溫婉堅毅
對南方醫生嘅愛慕之情係高尚
愛不需要佔有
大結局用左半集時間黎交待時空交錯嘅事
咲患病
响當時黎講係無藥可醫,南方醫生唯有嘗試返回現代
目的係去現代醫院偷藥 然後再返去江戶時代救咲
可惜事與願遺,南方醫生的確係偷到藥
但哩次空間轉移就失敗左
反而係同一直都處身現代嘅自己再黎一次時空交錯
由江戶時代返回現代嘅南方醫生就不能回到過去
不過現代嘅南方醫生就响現代消失左
哩段劇情係呼應返第一部既第一集
當時南方醫生係點樣無端端穿越時空返左江戶時代
哩個穿越時空嘅事件,確實係需要思考一下先會明白
哩輪睇左兩套以時空交換為題材嘅日劇,另一套係"提早十年愛上你"
兩套戲所交待嘅都係當時空轉移嘅人返到自己嘅時代之後
咁樣响時空交錯時期所遇到嘅人
有關於哩個穿越時空嘅人,所有嘅記憶都會失去
所以當南方醫生回到現代之後,其他人對南方醫生嘅事係完全無印象,唯有咲
本來患重病嘅咲最後都得到痊癒
康復之後,佢唔記得南方醫生嘅名
不過印象中就有過南方醫生哩個人,仲記得自己係鐘意哩個人
不過咲對南方醫生嘅回憶都會漸漸失去
咲趁自己對南方醫生仲有少少記憶,就寫左封信
最後哩封信都去到現代南方醫生嘅手上
第一部嘅南方醫生,對手術後一直昏迷不醒嘅未婚妻念念不忘
即使咲對南方醫生有愛慕之情,但咲見到南方醫生對未婚妻一片痴心
咲一直都將自己嘅愛意埋藏在心
第二部嘅南方醫生放棄左可以返回現代嘅想法,諗住自己會一直留响江戶時代
雖然心中仍然記掛住現代嘅未婚妻,但別人嘅意見認為佢應該同咲結婚
其實南方醫生都有d喜歡咲,不過哩份感情點都比唔上佢對自己嘅未婚妻
雖然南方醫生曾經向咲求婚,不過咲拒絕左
可能咲明白到哩份愛並唔係完全嘅真愛
咲回憶南方醫生嘅信入面,咲坦然對南方醫生嘅感情
現代南方醫生睇到哩封信,終於佢都回應左咲嘅愛
南方醫生一樣都係愛咲
其實南方醫生為左要救咲,佢決心要返回現代世界去偷藥
之後佢無打算要留低,佢係想返去江戶時代,想醫好咲
哩份都係"在意+關心"嘅愛的表現
雖然咲同南方醫生並無"有情人終成眷屬"的結局
不過對於哩個結局
不同時空嘅"愛的表白"
哩個安排應該係最自然,最令人接受
而且咲都會慢慢忘記哩個穿越時空而相遇嘅人
咁對咲黎講都總好過會一生記掛住南方醫生
南方醫生响時空交錯回到過去之後,佢的確係改變左某d歷史
所以當佢回到現在之時,現代嘅情況都有d改變
南方醫生並無未婚妻
不過最後佢都相遇到一個同佢未婚妻嘅外表係一模一樣
連名字都係相同嘅人
みき
みき同樣地都患上腦生瘤,而決定為佢操刀嘅人同樣都係南方醫生
手術會唔會成功?南方醫生同哩個女子會發生乜事....
哩d都會係另一個任由觀眾自己編寫嘅新故事
無論如何,哩d都係人與人之間嘅緣份
响人生上會遇上好多人,有d人嘅關係會存有深厚感情
無論歷史如何改變,緣份深厚嘅人都係必定會响人生路上相遇
跟南方醫生有深厚感情嘅人係みき
所以即使時空交換左,歷史改變左,依然係"有緣千里能相會"
欣賞日劇就係鐘意哩d自然,唔係牽強,夾硬寫要一個明確嘅結局黎交待
如果為左要寫一個任何年紀嘅觀眾都會明白嘅結局,而硬要作出肯定嘅交待
隨時只會變成一個唔太合情理+矯扭造作+牽強嘅結局
港產電視劇就經常都係咁樣,個人就唔多欣賞喇!
