9月7日(星期二),長野縣立山黑部,大致天陰 ,間中有陽光
終於都去到呢日行程既最高點---室堂
响呢個中午既時間,當然係醫左肚先啦 
室堂駅2樓入面有兩間餐廳我就揀左"レストラン立山"
呢間係"時光倒流至少10年既餐廳",再加上人人d打扮都係牛記笠記
所以搞到全個環境都似時光倒流左10年咁樣 
雖然係"娘",不過呢間餐廳都客似雲來,因為佢地都專門招待旅行團
侍應們都做到無停手
所以連倒茶都係自助服務
呢間餐廳既招牌推介係"原隻炸蝦丼"
呢度係觀光區,但呢間食肆都無坐地起價,都算係有良心
我就注文左一個最無理智既午餐----海鮮いくら丼
其實點會响海拔2450米既高山上,食海洋世界既野架?貪佢唔夠新鮮?
無計啦,我飢渴左3日架喇
到埗日本咁耐都仲未有機會食海鮮丼
咁咪唔理好醜,最緊要就手囉!
要識品評,咁就要乜都肯食,咁先識得去比較好食/難食 
睇個大特寫先 
d刺身確實係dry左d 
呢個都算係我响日本食海鮮丼以來
呢個都算係我响日本食海鮮丼以來
質素最差既一次 
不過佢都有抵讚既地方,就係好抵食
1800yen有成個set,有湯,有沙律,仲有醃菜添
不過就算質素係再差,但點都會好過响香港既大眾化食肆食既海鮮丼
不過就算質素係再差,但點都會好過响香港既大眾化食肆食既海鮮丼
食日本野,還是應該响日本食既,至少差極都唔會太離譜
食完飯 
要出去戶外散步,幫助消化
要出去戶外散步,幫助消化
點知一行出去就見到咁樣,呢d相既光暗度係無乜大執過
事實上當時既能見度真係咁樣
係咪好似落雨呢? 
我都唔可以確知呢d係乜,係霧水?係海拔2450米既雲?
其實响"大観峰"影相時都係影唔到附近既山頂,呢d到底係雲?係霧?
山下明明係天氣好好,一上都山就變成咁樣...... 
當堂對呢日既行程又扣分....其實都已經扣到所剩無幾架喇!
用雨遮都無用
用雨遮都無用
d霧水(?)係跟住d風一齊吹黎
隱約見到一間幽靈酒店
山岳情報既資訊係話當日室堂係陰天,13度,能見度只有200米
因為出面既天氣咁惡劣,結果人人都迫晒响室內等運到
有d係旅行團既人,佢地要等夠鐘先集合
個個坐晒响樓梯同埋地下,呢個情景相當咁熟識喎?
似足我地既星光大道一樣........
做乜事突然好似空間轉移埋咁,我幾時返左香港架?
此情此景都幾令人覺得幾討厭
完全係無路可行,無位可企
完全係無路可行,無位可企
响秋天(又未到紅葉)時分,過左室堂之後都無乜特色觀光點
更加無理由為左全程車票係咁貴,而坐回頭車再觀光(玩無聊遊車河?)
再加上呢度d天氣咁樣.......我對立山黑部已經係"完全死心"
咁就把心一橫...........撇!
要下山就要坐50分鐘既巴士去美女平
巴士開行左一陣就擺脫左嗰個"迷離境界",重返現實喇!
睇住窗外既風景(完全無特別),咁就昏昏入睡搵周公去也 
瞓到差唔多落車先醒,睇下巴士後面個背景係陽光普照既
叫我搵個乜理由黎愛上呢個地方呢? 
花費得太多時間+金錢喇!
黎到呢度又黎等纜車落山
下班車係13:50出發,呢個時間比我預期離開立山黑部既時間還要早左成個鐘
唉!既然已經無互相吸引既理由,都係早日分手好過藕斷絲連
勉強無幸福,只會更浪費時間
更何況我仲有下一個行程
