海鮮丼の体験(2010更新)

 

 

娛樂圈中流傳

某女星有d另類"集郵"僻好,哩個話題都相當有趣

其實大部份人都有"收集某d野"嘅嗜好,只不過人人收集嘅野都唔相同遮

哩期我既"Q咪(趣味)"係收集响日本食海鮮丼既體驗

咁都係好認真咁做返本"自家集丼簿"先啦!

では始めましょう

時光倒流返去2007年嘅秋天....

"傻女下海第一丼"係响東京築地市場食嘅,食店係 瀬川（せがわ）

呢個注文係獨沽一味 -- 鮪魚丼

呢個係"大盛り",盛惠1000YEN,宜家睇返轉頭就覺得佢都幾貴

D鮪魚都切幾薄,隱約都見到墊响底既紫菜

不過東京舖租都係貴,所以呢個價錢係可以理解既

 

哩間"瀨川"並唔係香港天書介紹既食店

香港天書都唔會介紹呢d半大牌檔形式,但又唔係有名氣嘅食店啦!

(但係去到日本就最想可以遠離"康江煎",所以我會揀呢間食店)

 

食完哩個鮪魚丼之後,就無意發現日本雜誌有介紹哩間食店

原來當時我都揀左一間有D口碑既食店喎,果然係 lucky!

 

咁話時話喇,呢間舖頭嘅鮪魚丼都唔錯嘅,新鮮,而且唔駛等位

日本食評網站上,對佢嘅評價都唔係差架

 

第二丼係大阪難波嘅海鮮丼,呢間係 若狭家 難波店（わかさや）

哩個注文係海胆+大魚子+吞拿魚茸

第三丼都係"若狹家",哩次嘅吞拿魚茸就變左做三文魚

如果講口感都係海胆+大魚子+吞拿魚茸係配合d

因為海胆,大魚子,吞拿魚茸都係一pet野咁,用筷子一夾就一啖入口

但三文魚就要咬開先食得,口感上就有d另類

 

哩個"若狹家"嘅三色丼大約係12xxyen,就咁睇個價錢就真係抵食過築地嘅"瀨川"

而且哩間嘅魚生選擇都多好多

不過我又好主觀地相信响築地市場食到既魚生係會特別新鮮

第四丼就係札榥二条市場 どんぶり茶屋（どんぶりちゃや）

哩間都係我直到現時為止,最唔滿意嘅海鮮丼

不過香港d旅遊天書就一定會介紹哩間

事實上哩間响日本食評網站上嘅評分都唔高分

(所以話香港旅遊天書都唔好盡信,佢地都只係維持一貫作風 ~ 人云亦云)

咁証明左我話哩間唔值得推薦,哩d的確唔係主觀性地反感

雖然由始至終响札幌發生既事都係令我非常咁唔高興

(直到宜家都無改變我當日既想法: 札幌~後會無期喇!)

哩一個咁細既三色丼(大魚子+三文魚+帶子)已經要1029yen

而且份量仲相當細碗,擺明係搵人笨! 

第五丼係海鮮好出名嘅函館,哩間係 朝市あけぼの食堂（あけぼのしょくどう）

生うにいくら丼(兩色丼),1785 YEN

函館係一個港口城市,海鮮一定好新鮮

店舖之間要爭生意,咁就唯有响價錢同份量上拼過喇

哩一間既份量同價錢又的確係唔及另一間食店"きくよ食堂"

不過勝在等位嘅人少d,因為有d人去左口碑好d嘅"きくよ食堂"

 

第五丼都係函館嘅食店,哩間就係响函館好有名嘅 きくよ食堂

1680 yen嘅三色丼,哩個份量同價錢真係"良心的価格"

名符其實係大件夾抵食

 

第六丼都係 きくよ食堂嘅三色丼

不過呢次就有d後悔"注文"左蟹肉喇 

真係唔覺得北海道既蟹係特別好味啵,只係肉多囉

味道唔見得好好好特別喎 !

第七丼係回歸大阪 若狭家 難波店（わかさや）嘅三色丼

繼續係情有獨鐘嘅配搭: 海胆+大魚子+吞拿魚茸

"若狹家"嘅海鮮丼唔係特別好味或者特別平

只係唔需要山長水遠去到"天涯海角"都可以食到海鮮丼

更新 (2010)

第七丼算係直到今日為止,响日本食過最DRY嘅丼

無法啦,因為佢係2450米嘅高山上出品

 

不過爛船都有三斤釘,再唔掂都好過香港嗰d大眾化食店

即係好似"域奇潺"嗰d旗下食店嘅質素

哩個係响立山黑部--"室堂"其中一間餐廳食到嘅

不過佢都有抵讚既地方,就係好抵食

1800yen有成個set,有湯,有沙律,仲有醃菜添

 

雖然佢係DRY左d,但都不至係我响日本食丼體驗中會"燉"佢為包尾

包尾嘅依然係以前响札幌食過嘅扼錢丼

(即係上面第四丼)

唔老實係最最最...乞人憎嘅事,當然更加憎嘅係札幌人有過度自大嘅民族性啦!

我同札幌以前積落嘅深仇大恨,睇怕都好難有化解嘅一日

可能如果大地震發生响札幌嘅話,我做得出"睬佢都傻"呀!

不過我更相信咁自大嘅札幌人都唔會有好多光輝人性,會去協助外地人脫險

 

第八丼係一個非常有水準嘅海鮮丼

連一直只係偏愛海膽+大魚子嘅我都對佢讚不絕口

哩個係金沢嘅地道特式海鮮丼,2625yen

見到哩一身打扮,就係金沢嘅"唯佢獨專"

 

 

哩個係黎自金沢嘅近江町市場,其中嘅山さん寿司

賣相一味靠誇張黎做賣點,其實同我嘅做人忠旨有d背道而馳

所以响仲未品嚐過哩個海鮮丼之前

真係抱有d保留+觀望嘅態度,但係當食過佢之後......

都無得唔寫個服字俾佢,因為佢確實係有真材實料,我buy佢! 

(註:所指只係我响哩間食店所食到嘅出品,並唔包括其他同類食店)

第九丼係一個"替身擔正"嘅故事

當日本來係準備幫趁另一間食まぐろ丼嘅食店

但去到已經係"本日終了" 

响隨處亂撞之下就搵到哩間 大阪魚八商店 注文左哩個海鮮丼

哩個套餐盛惠1280yen,評價同價錢一樣,ok還可以啦!

咁1280yen又確係無理由要求咁高 

第十丼應該可以堪稱為"最大吉利是"丼 

都係第一次食有海膽嘅海鮮丼而係連埋棺材一齊上碟,的確係相當新穎

1260yen,仲包埋赤味增湯,哩個質素+價錢,絕對係抵食 

佢地嘅赤味增湯仲絕對要超讚

只係睇佢地用晒d魚骨黎墊湯,已經好有廣東湯水嘅特式

咁樣d湯一定好入味啦,所以點得唔係超正呢?! 

 

咪睇哩間一味禪咁街坊look,其實佢來頭不少

既上過雜誌,亦都有自慢食材吸引到電視台去訪問佢地 

真係唔可以睇外表,只要有實力就一定不愁無生意


做生意同做人嘅道理都係同出一徹

 

 

 待續.....繼續下回"自我放逐在日本之旅"