9月24日,全日天晴
非常熱
非常熱
參觀完平安神官,又坐返巴士折返八坂神社,因為下一站係"祇園"
"祇園"都有幾個景點,第一站係"花見小路"
响京都見到"白面和服女子"都唔一定
係正牌藝妓
係正牌藝妓
因為京都有d影相舖,會幫客人化粧成藝妓黎留影
佢地仲可以外出逛下,响京都感受一下自己係一個藝妓(A貨)既心情
响京都有五條"煙花巷"(即係花街),就係藝妓生活同工作既地方
其中兩條就係响"祇園"
祇園既"煙花巷"又係五條"煙花巷"之中最出名,最多一流名人黎呢度
如果响度等見藝妓出沒,講唔定仲會等到d政界,商界,演藝界等名人喎~
响祇園一帶出沒既多數都係正牌藝妓,如果想試下碰運氣見到藝妓,最佳既時間係傍晚後 
(藝妓係上晝練習,下晝休息
傍晚先去宴席表演)
傍晚先去宴席表演)
[舞妓小知識]
"舞妓"响古時寫成"舞子",指初學習舞藝既人,經過嚴格既訓練先會成為舞妓(藝妓)
都唯有京都,大阪,奈良等稱佢地為舞妓,東京等關東地區就稱地為"半玉"
下晝時間好難會碰到藝妓,咁就閃去下一個景點
係邊度?......"白川"是也
由花見小路行幾分鐘就到,又一個靚景之地
次次黎京都,都一定黎呢度,呢條街仔雖然好短,但好靚,環境幽雅
好鍾意佢呢d屋後係一條小河,呢d屋有d係食店,可以响個咁幽靜既環境慢慢食野,慢慢欣賞,
咁真係"人生一樂也"呀!
小橋流水,環境真係相當好
不過影相當日,只係响呢個景逗留左幾分鐘,咁就餵飽晒d"餓蚊"喇,陰功!
呢個又係"地藏王" 
如果紅葉期就係咁樣...靚!(3年前既相片)
都係冬天黎好d,至少唔會要餵蚊先啦!
其實黎白川呢度賞櫻花都一定會好靚!
開滿櫻花既白川,きれい!(好靚呀!)...........黎自網上(妄想)圖片
去完白川,就踩去最後一個祇園既景點
呢個都係京都行程中最後一個景點
呢個都係京都行程中最後一個景點
鴨川呢度有一條好闊既河,都有d好悠閒既人响度散步,放狗
呢度d屋仔大多數都係食店,响呢度食野仲附送埋靚景一個
再來網上(妄想)圖片,櫻花期時,又真係好靚喎~
(年年都心思思想去關西賞櫻,都唔知幾時先可以成行呢?)
所以話,點會唔愛上關西呢?
唔同季節都有唔同景色,真係百去都不厭
唔同季節都有唔同景色,真係百去都不厭
逛完鴨川,就係自由活動時間,可以無目的地閒晃
响呢度見到呢間"古靈精怪"既食店,呢間係食北京料理既
東華菜館(聽見個名都已經唔會將佢聯想到同食有關)
再仔細
望下個門面,真係古怪+奇特呀!
再仔細
望下個門面,真係古怪+奇特呀!
成間食店似"三不像"多d,個名就令人聯想起醫院伙食,真係見到都唔會開胃
呢次既京都之行(日帰り)又完成喇!
其實呢個觀光次序係唔算順路既
清水寺,二寧坂,產寧坂,八坂神社,祇園,白川,鴨川就係順序既一區
而平安神宮係屬於另一區
如果想順路咁觀光,應該先去平安神宮,先再去清水寺一帶
不過買左"巴士一日通用票"既話
咁就無所謂,反正呢幾個景點都係响京都市中心一帶
京都,またね! 
我會再黎架!
我會再黎架!