2014年10月8日～星期三，青森天氣－晴天
最後一個清晨在青森，今次再續住同一間東橫INN
上次住９樓，哩次住低層，終於可以响房間內用到WIFI
上次住９樓，哩次住低層，終於可以响房間內用到WIFI
最後一日响青森，當然係要留影啦，尤其係咁早，連途人都唔多，最好係影相
青森駅附近嘅A-FACTORY
之前拍下嘅夜景~幾靚
影完相去醫肚，响青森最後一餐，當然係要食好啲啦！
上次响哩度食過大大隻生蝦之後，白伽煎對佢念念不忘
所以誓要返黎再回味，之但係。。。。。
之但係世事往往係不能如願，一早去到魚市場以為會有更多更好嘅選擇
可惜～事與願遺
上次黎食係下午茶時間，的確魚生嘅數量已經賣出左好多
但就有更多選擇（數量少，但係款式多）
一早黎到，竟然無白伽煎最欣賞嘅大蝦，係咪太早，魚販未送到黎呢？
どうしよう！直頭係大打擊啦！
同上次一樣，買左１５枚嘅食劵
無左大蝦，咁揀左拖羅片，拖羅蓉，海胆，大魚子，細蝦，仲有明太子
白伽煎最欣賞明太子，不過咁大舊黎送飯
重咸味夠食晒成碗飯，唔駛注文其他刺身都可以
明太子可以算係日式咸魚
哩次坐响魚市場嘅大廳食，無自助水供應，都係坐房會好啲
返到酒店食早餐嘅人唔多，白伽煎見到有通粉沙律
所以又＂筆＂左少少，最重要當然係味增湯啦！
如果頭先响魚市場食魚生丼時，哩碗湯係要用食劵換，宜家就免費喇！
其實白伽煎早有此一着
一朝早食飽啲都唔怕，因為是日行程有無時間食午飯都成問題
所以一早塞飽啲，儲定啲能量
食完早餐返酒店CHECK OUT就準備南下，今晚會返到東京
不過去東京前會去仙台打個轉，有重要事情做
基本上由青森去仙台，新幹線大約會每個鐘先有一班車
為左要把握時間，白伽煎選擇搭9:28出發嘅JR
先到新青森，再轉車去仙台
中午12點半左右已經到左青森
由青森黎仙台，車程大約３小時，中間包括轉車時間
首先要將個行李放COIN LOCKER
不過由落後東北返到去大城市，就乜野都太先進喇！
哩款COIN LOCKER白伽煎都係第一次見
唔好意思，白伽煎少蒲東京，所以有啲大鄉里
而＂西瓜咭（SUICA）＂暫時普遍通行東京附近嘅地方或者其他大城市嘅少部份設施
難怪白伽煎係大鄉里~有怪莫怪！
以往嗰啲COIN LOCKER係完全獨立使用，但哩個系統係統一管理
白伽煎有女人嘅特質，就係對機器投降，咁唯有求救啦！
上面相片中最右邊橙色制服嘅叔叔就係機器白痴人嘅救星
其實都好多人揾佢幫忙，基本上都係女性，更多係上左年紀嘅女性
題外話：
香港發明左八達通之後，哩樣產品為好多國家帶來無限方便
因為哩個＂一咭通行＂嘅理念，日本先可以有咁先進嘅COIN LOCKER系統
八達通係香港人之驕傲
