2009年9月21日,時晴時陰 
晨咁早就起身,食埋個魚生丼已經可以出發去觀光
由酒店行出大街,就係响呢度上車坐市電架喇!
可愛既市電車身廣告
市電既內觀
函館係以觀光為主,所以為遊客而設既配套都幾周詳,乘務員有紙同筆為乘客解答問題
不過唔知唔識日文既人係咪真係會問乘務員呢?
函館朝市既東橫inn好近元町區,其實行路去都只可以,坐市電都只係坐3,4個站
呢日咁早起身去食魚生丼,所以8點50分已經可以去到觀光地,一定要影低
呢一刻既時間做証據 ,响函館呢幾日既生活,真係早睡早起
响呢度落車就係要去觀光"...坂",响函館有好多"坂",就係呢d斜路
風景最靚,由上直望到下面係海既,就係八幡坂
呢度係函館必到影相之地
呢d"...坂"令我諗起西營盤既正街,第一街,第二街...
街上仲有呢d防滑沙,自由取用,唔知將d沙倒响邊架呢?
呢度係二十坂間(由上向下望)
由下向上望(其實唔算係好斜)
响呢度有間精品店,店名係"De Noel",又俾我遇到一個好友善既女店主
佢個樣有d似真矢みき,舉止幽雅健談又大方得體 
當佢知道我係一個人浪盪日本 
兩個星期時
兩個星期時
佢當唐有d不可置信,我買完野之後佢仲另外送左小小禮物俾我 
(其實我只係幫襯佢買左少少野,有d仲係特價貨添!)
佢仲叮囑我响日本既行程要事事小心
我會記住佢呢份友善既心意,所以一定要寫低呢件事
响大三坂行上去,就係"ハリストス正教會",即係東正教
唔知點解上面個路牌寫"Greek...",下面教堂門口既介紹牌就係寫"Russian..."架呢?
明明係講緊同一間教堂喎!
乜Greek係以東正教為主架咩 
乜Greek係以東正教為主架咩 
1859年呢度係俄國領事館,同時附設左一間聖堂,當時名稱為"函館復活聖堂"
1907年發生大火,1916年再興建,當時更加添左一個有兩噸重既大鐘
後來關東地震為左修復東京既東正教堂
當時就用呢個大鐘換左一組6個既細鐘,但之後响戰爭中供出
現時既大鐘係响1983年由三重縣一個美術鑄造家所捐出
宜家呢個大鐘仲係會定時報時架!
呢間教堂平日都會開放(但儀式進行中就除外),不過教堂內係唔可以影相
呢一日係星期一,佢地10點就開放,當日我仲參觀左佢地一個小小既儀式
佢地有告示希望內進參觀人仕可以每人捐獻200yen(完全自願性質)
捐左200yen之後,工作人員會每人送一張post card
因為我得一個人只可以攞一張,心大心細中之時,工作人員就暗地裡俾晒兩張我,又遇到好人喇!
其實教堂既內觀就係咁樣,後面屏風上既畫就係12宗徒既肖像同一d聖人畫像
响函館既步伐係可以幾慢條斯理 
如果只係去一般熱門觀光點加少少shopping,安排用兩個全日都已經好足夠
如果只係去一般熱門觀光點加少少shopping,安排用兩個全日都已經好足夠
當然都有我份啦 ~過左7點之後,仲越黎越多人添!
失覺晒!
睇到d乜呀?!)
唔~ 海膽同大魚子真係超級新鮮美味
去見你喇!