2013年6月18日,星期二 (上午), 大阪天氣
最後一日响大阪,哩日天氣預計會由陰天轉為落雨
幸運之神嘅眷顧,本來預計有30%落雨,但結果都無,只係持續陰天
哩日其實係無行程,只係SHOPPING+食
前一日仲响京都清水寺觀光
返到大阪去左梅田,仲有鶴見三井OUTLET,其實未專注响心齋橋SHOPPING
哩朝早臨出發前,友人問白加煎今日去邊?
友人話佢自己已經買晒野要收手,所以今日無野好做
白加煎當時心諗(只係諗) :
你咁講唔係想叫我陪你去觀光嘛?!
你唔好好安排時間,火速完成SHOPPING行動
咁係你嘅事,我無負任要陪你遊山玩水,咩都就晒你架喎!
其實去到最後一日,白加煎心入面對友人已經有啲"無視"嘅態度
因為知道就快返到香港就會甩難,唔駛再日日啞忍
白加煎好坦白咁講:
你唔係仲想觀光嘛?!今日唔可以離開大阪架喎!
如果你想觀光,咁你自己去大阪城公園行下囉!
你買完野啫,我未買完架,朋友托我買嘅野都未買到,响心齋橋我都未買完野
白加煎都唔想再咁高度重視友人,行程中累積埋咁多火,終於都要爆啲出黎減壓
最後友人決定自己响附近逛下街
其實無野做,响日本WINDOW SHOPPING都會開心架喎!
友人好似已經等唔切, 想即刻坐飛機返香港大派手信咁樣
白加煎無理咁多,大家就响難波高島屋分頭,到午飯時間先再會合
午飯時間又到,哩日揀左去食好期待嘅沖繩海提子
不過都要行到南船場,過埋TOKYU HANDS
唔想再花銀両SHOPPING嘅友人,已經對於任何事都無興趣
平日對於揾路都顯得唔願意嘅友人,响哩個情況下就更加無晒表情
白加煎雖然手上有地圖,但有時揾唔到就係揾唔到
為左唔想友人太目無表情,白加煎已經問左兩個响附近舖頭返工嘅人,但都係揾唔到
友人仲要插咀俾啲錯誤意見
當時恨不得有個掣,可以"禁"走佢,唔好响度影响旁人嘅心情
唔輕易放棄嘅白加煎
响友人嘅無形壓力下,終於又要讓步咁話:揾多10分鐘都揾唔到就放棄,咁就求其揾間食店啦!
其實白加煎當時後悔緊,早知哩日連食飯都分頭行動啦! 阻住晒!
白加煎真係好想可以食到沖繩海提子
結果兩個人行出大街,白加煎好努力咁再用心望地圖
之後就見到"大阪南船場郵便局"哩個提示,結果咁就揾到哩間咁隱閉嘅食店
地點真係幾隱閉,哩幢大廈嘅走廊入面
店名:IKR51
不過大廈門外都放左好多餐牌,食物介紹
食店內觀
食店掌舵人
食店响食評網站號分數係3.23分 (滿分係5分)
哩次白加煎悉心揀嘅食店,全部都至少有3.5分嘅評分
哩間算係比較低分,不過哩度嘅沖繩海提子吸引白加煎
哩度主打都係各式海鮮丼
飯嘅非一般煮法係賣點之一
哩件係電話保護殼(店內裝飾品),像真度又幾高
友人嘅注文:トロ丼+玉子, 盛惠1000 YEN
哩個係套餐,仲包括味增湯,豆付
白加煎第一次邂逅嘅沖繩海提子出場,仲有大魚子+玉子
飯嘅份量唔算大,一般女仕食就啱啱好
海提子有咬感,而且有天然咸味,幾得意嘅食物
海提子配大魚子,哩個口感都相當夾
套餐盛惠980 YEN,仲要係數量有限
食完飯,白加煎同友人再度分頭活動
哩次响心齋橋發現哩間似顏絵,實在好欣賞哩啲作品
哩日"樂土"航班於21:15起飛,用關西機場二號客運大樓
所以時間唔能夠預得太緊迫
再加上哩次選擇响OCAT坐巴士去機場,以往白加煎係會坐鐵路
唔知巴士會唔會爆滿,再加上一個鐘頭先有一班車,所以大家都同意預早時間返出機場
分頭SHOPPING完畢再會合一齊,哩日友人顯示一個無能量嘅表情
返酒店前,白加煎要去OCAT地庫間超市買啲野
友人就無興趣,寧願先得返酒店坐着等,至少酒店可以WHATSAPP
無左SHOPPING為能量嘅彈藥(=錢)
友人即刻安靜晒
再加上又要帶個殘廢行李喼返香港,仲有一個大NIKE袋做手提,漫長路程先返到香港
友人嘅殘癈行李喼,白加煎見到都眼冤,不過繼續閉咀NO COMMENT
因應友人之前推個殘廢行李喼而响街上發爛渣
詳文請CLICK:
2013 日本之旅 DAY 4 @ 大阪 - 行李喼惹的禍
當時要安撫友人哩啲發爛渣情緒,白加煎提出可以由難波東橫INN坐的士去OCAT
當時友人話可以全數由佢支付
(其實都好合理,哩個係佢嘅額外需要,並唔係白加煎嘅需要)
只係未有定案係咪一定坐的士,所以白加煎都無回應的士費係咪由友人獨付
去到最後哩日,白加煎已經想同友人計清楚啲錢銀,人情瓜葛
對白加煎黎講,唔熟嘅人更加要數目分明,無謂日後俾人有話柄
所以決定的士費係平分
白加煎話的士費由大家平分,友人聽到都無堅持要俾晒600 YEN
响哩個行程中發生咁多事,哩300 YEN必定要俾,大家已經唔係咁熟
錢或者人情都唔可以隨便欠人,哩個係白加煎嘅做人之道
截左的士上左車,話俾司機聽要去OCAT,司機都愕然左一陣,以為自己聽錯
徒步10分鐘就去到嘅地方竟然有人選擇坐的士
OCAT指示牌係5號閘口上車
全車乘客唔夠20人,哩次發現左巴士去關西機場方便過坐鐵路
至少唔駛搬行李上上落落,難波哩區都幾方便
去到一號客運大樓,要上2樓先去到二號客運大樓
穿過JR/南海電鐵站,落返地面坐機場接駁巴士
咁先去到第二客運大樓
航班出發前2小時至50分鐘,電腦及柜枱服務先會運作
先响機場解決晚餐,可以去快餐店,又有便利店
便利店嘅便當有返熱服務,仲有可樂餅
白加煎至愛之一
友人就响快餐店食晚餐,食完仲唔執好餐盤就走,好明顯友人嘅心已經唔响日本
可能已經飛左返香港
機場有無料WIFI,友人全副精神去WHATSAPP,哩個活動都係友人全日最元氣嘅時間
白加煎就寧願把握時間,連便利店都唔放過,誓要繼續投入响日本情懷中
俾錢出門旅行,唔係為左要上網,或者WHATSAPP,更加唔係為親友搜羅大量手信
經過哩次結伴之旅,白加煎深明自己同友人係兩個概念唔相同嘅人
白加煎一直所認識嘅友人,唔係哩個德行
可能友人响香港時被至愛家人全天候"操控",所以行為上比較有自制+收歛
但哩次可以脫離"操控",眼前嘅友人變成一個陌生人,原來哩個先係真面目
等左一段時間,CKECK-IN時開始,乘客要用電腦輸入資料
咁先會攞到登機證,都有工作人員响旁邊作協助
之後隨即過埋行李X光檢測
白加煎先突然記起玩花火時嘅打火機,仲放响行李喼入面,未丟
結果响度同啲職員擾攘左一陣,大家先明白發生咩事
攞返火機出黎,行李要再過X光撿查,先可以做托運
"樂土"嘅寄艙行李限重為20KG,白加煎嘅行李係19.5KG,預得啱啱好
不過當中有2.6 KG係為寄放响白加煎嘅行李入面
當白加煎借出個大NIKE俾友人時,其實友人係可以自己負責返自己嘅全部行李
即係連暫放响白加煎行李入面嗰2.6KG送俾親友嘅手信,仲有兩個大碗麵
不過友人完全無意識認為要自行負責返自己"買大左"嘅後果
哩個行為都係令白加煎更加反感,有時不滿嘅事係逐件事咁累積出黎
冰封三尺,非一日之寒
友人連提議自己負責返自己嘅行李都唔認為有必要
白加煎同佢出門就好似應份要照顧週到
當然係值得交嘅朋友就唔會咁計較,但相反嘅話,就係事事都會計較
咁大個人都應該識得一啲人情世故,"老奉"咁只會令人反感
大可以話白加煎咁樣對朋友係虛偽,不過白加煎嘅立場只係會嚴選朋友
為人仆心仆命之前,都要睇清楚對方係咪值得自己咁樣做
行李寄左艙,即刻少左個重担,友人即刻精神返啲
6日行程白加煎一直都好愛鍚自己嘅健全行李喼
咁多次有佢相隨到日本,佢都盡力為白加煎效命,大家嘅感情都相當深厚
白加煎嘅行李喼最厲害嘅記錄係負重28.5kg,嗰次白加煎都"買大左好多"
不過一人做事一人當,買咁多野當然要預左自己有能力搬返香港先會買
唔係買左就大安旨意有人應份幫自己
哩啲都係作為一個正常成年人為自己負責任嘅表現
去到機場禁區有得SHOPPING,友人又靈魂回歸,因為準備响機場最後衝次
由未出發直到行程最後哩日,友人不時唸唸有詞:
去到機場禁區要買香蕉蛋糕俾同事,白之戀人俾亞囡,薯條三兄弟.......
全部都係友人要豪俾親友嘅手信
友人响哩度用信用咭買左十幾盒禮盒裝手信
終於白加煎忍唔住要講:
見你買咁多野做手信,我會認為你相識滿天下,先需要買咁多手信派俾人
以上哩句說話絕對係"有骨"先咁講
白加煎心諗:
你對你啲朋友就咁有體面,咁豪氣大方
收禮人同時收到有得食,有得睇又有得用嘅野,開心過收到出奇蛋啦!
你去旅行嘅目的就為左返香港派手信,表現自己豪 ,大方闊綽
背後原來係旨意其他人應份幫你做托運工作
你要豪就要徹底咁豪氣,用自己能力將啲野抬返香港,咁先係有誠意
再唔係就出手大方闊綽啲,請個跟得褓母同遊日本,等跟得褓母提供搬運服務
因為就快返到香港,白加煎都終於唔再選擇啞忍,都忍夠啦!
全程又要受人氣,之後仲要幫手做"老奉"托運
薯條三兄弟係北海道手信,所以去到機場禁區先買到
名古屋機場就限定一人只限買3盒,關西機場就一人限買一盒
哩個真係幾好味!
日本朱古力唔及歐洲朱古力,不過ROYCE算係做得幾好,至少追得到歐洲出品
尤其日元兌換平左,ROYCE更加比起响香港抵買
哩次白加煎買左咖啡色外盒,黑色外盒,結果咖啡色好食啲
响禁區等上機,人人都沉迷智能手機,電腦(白加煎除外)
搭"樂土"返香港,繼續遇上一大堆好似唔識坐飛機嘅人
無視機上指示,全程偷用智能手機,繼續有人將手袋放自己膝頭
無視他人嘅安全
再貼多一次以下嘅報導
飛機午夜返到香港機場,比原定時間遲左,結果機場快線都停駛埋
要迫巴士返屋企,哩晚返到屋企已經接近凌晨兩點半
白加煎唔敢話以後都唔再坐"樂土",始終佢都有啲可取之處
不過如果無乜需要,"樂土"必定唔係首選嘅航班
哩次寫嘅遊記,情節似足一套電視連續劇
而哩次結(錯)伴同行嘅旅行,由頭至尾白加煎都同意左一個人生現象:
世上奇人怪事何其多,只在乎大家古怪嘅野唔相同
~完~
飯嘅份量唔算大,一般女仕食就啱啱好
海提子有咬感,而且有天然咸味,幾得意嘅食物海提子配大魚子,哩個口感都相當夾
套餐盛惠980 YEN,仲要係數量有限
食完飯,白加煎同友人再度分頭活動
哩次响心齋橋發現哩間似顏絵,實在好欣賞哩啲作品
哩日"樂土"航班於21:15起飛,用關西機場二號客運大樓
所以時間唔能夠預得太緊迫
再加上哩次選擇响OCAT坐巴士去機場,以往白加煎係會坐鐵路
唔知巴士會唔會爆滿,再加上一個鐘頭先有一班車,所以大家都同意預早時間返出機場
分頭SHOPPING完畢再會合一齊,哩日友人顯示一個無能量嘅表情
返酒店前,白加煎要去OCAT地庫間超市買啲野
友人就無興趣,寧願先得返酒店坐着等,至少酒店可以WHATSAPP
無左SHOPPING為能量嘅彈藥(=錢)
友人即刻安靜晒再加上又要帶個殘廢行李喼返香港,仲有一個大NIKE袋做手提,漫長路程先返到香港
友人嘅殘癈行李喼,白加煎見到都眼冤,不過繼續閉咀NO COMMENT
因應友人之前推個殘廢行李喼而响街上發爛渣
詳文請CLICK:
2013 日本之旅 DAY 4 @ 大阪 - 行李喼惹的禍
當時要安撫友人哩啲發爛渣情緒,白加煎提出可以由難波東橫INN坐的士去OCAT
當時友人話可以全數由佢支付
(其實都好合理,哩個係佢嘅額外需要,並唔係白加煎嘅需要)
只係未有定案係咪一定坐的士,所以白加煎都無回應的士費係咪由友人獨付
去到最後哩日,白加煎已經想同友人計清楚啲錢銀,人情瓜葛
對白加煎黎講,唔熟嘅人更加要數目分明,無謂日後俾人有話柄
所以決定的士費係平分
白加煎話的士費由大家平分,友人聽到都無堅持要俾晒600 YEN
响哩個行程中發生咁多事,哩300 YEN必定要俾,大家已經唔係咁熟
錢或者人情都唔可以隨便欠人,哩個係白加煎嘅做人之道
截左的士上左車,話俾司機聽要去OCAT,司機都愕然左一陣,以為自己聽錯
徒步10分鐘就去到嘅地方竟然有人選擇坐的士
OCAT指示牌係5號閘口上車
全車乘客唔夠20人,哩次發現左巴士去關西機場方便過坐鐵路
至少唔駛搬行李上上落落,難波哩區都幾方便
去到一號客運大樓,要上2樓先去到二號客運大樓
穿過JR/南海電鐵站,落返地面坐機場接駁巴士
咁先去到第二客運大樓
航班出發前2小時至50分鐘,電腦及柜枱服務先會運作
先响機場解決晚餐,可以去快餐店,又有便利店
便利店嘅便當有返熱服務,仲有可樂餅
白加煎至愛之一
友人就响快餐店食晚餐,食完仲唔執好餐盤就走,好明顯友人嘅心已經唔响日本
可能已經飛左返香港
機場有無料WIFI,友人全副精神去WHATSAPP,哩個活動都係友人全日最元氣嘅時間
白加煎就寧願把握時間,連便利店都唔放過,誓要繼續投入响日本情懷中
俾錢出門旅行,唔係為左要上網,或者WHATSAPP,更加唔係為親友搜羅大量手信
經過哩次結伴之旅,白加煎深明自己同友人係兩個概念唔相同嘅人
白加煎一直所認識嘅友人,唔係哩個德行
可能友人响香港時被至愛家人全天候"操控",所以行為上比較有自制+收歛
但哩次可以脫離"操控",眼前嘅友人變成一個陌生人,原來哩個先係真面目
等左一段時間,CKECK-IN時開始,乘客要用電腦輸入資料
咁先會攞到登機證,都有工作人員响旁邊作協助
之後隨即過埋行李X光檢測
白加煎先突然記起玩花火時嘅打火機,仲放响行李喼入面,未丟
結果响度同啲職員擾攘左一陣,大家先明白發生咩事
攞返火機出黎,行李要再過X光撿查,先可以做托運
"樂土"嘅寄艙行李限重為20KG,白加煎嘅行李係19.5KG,預得啱啱好
不過當中有2.6 KG係為寄放响白加煎嘅行李入面
當白加煎借出個大NIKE俾友人時,其實友人係可以自己負責返自己嘅全部行李
即係連暫放响白加煎行李入面嗰2.6KG送俾親友嘅手信,仲有兩個大碗麵
不過友人完全無意識認為要自行負責返自己"買大左"嘅後果
哩個行為都係令白加煎更加反感,有時不滿嘅事係逐件事咁累積出黎
冰封三尺,非一日之寒
友人連提議自己負責返自己嘅行李都唔認為有必要
白加煎同佢出門就好似應份要照顧週到
當然係值得交嘅朋友就唔會咁計較,但相反嘅話,就係事事都會計較
咁大個人都應該識得一啲人情世故,"老奉"咁只會令人反感
大可以話白加煎咁樣對朋友係虛偽,不過白加煎嘅立場只係會嚴選朋友
為人仆心仆命之前,都要睇清楚對方係咪值得自己咁樣做
行李寄左艙,即刻少左個重担,友人即刻精神返啲
6日行程白加煎一直都好愛鍚自己嘅健全行李喼
咁多次有佢相隨到日本,佢都盡力為白加煎效命,大家嘅感情都相當深厚
白加煎嘅行李喼最厲害嘅記錄係負重28.5kg,嗰次白加煎都"買大左好多"
不過一人做事一人當,買咁多野當然要預左自己有能力搬返香港先會買
唔係買左就大安旨意有人應份幫自己
哩啲都係作為一個正常成年人為自己負責任嘅表現
去到機場禁區有得SHOPPING,友人又靈魂回歸,因為準備响機場最後衝次
由未出發直到行程最後哩日,友人不時唸唸有詞:
去到機場禁區要買香蕉蛋糕俾同事,白之戀人俾亞囡,薯條三兄弟.......
全部都係友人要豪俾親友嘅手信
友人响哩度用信用咭買左十幾盒禮盒裝手信
終於白加煎忍唔住要講:
見你買咁多野做手信,我會認為你相識滿天下,先需要買咁多手信派俾人
以上哩句說話絕對係"有骨"先咁講
白加煎心諗:
你對你啲朋友就咁有體面,咁豪氣大方
收禮人同時收到有得食,有得睇又有得用嘅野,開心過收到出奇蛋啦!
你去旅行嘅目的就為左返香港派手信,表現自己豪 ,大方闊綽
背後原來係旨意其他人應份幫你做托運工作
你要豪就要徹底咁豪氣,用自己能力將啲野抬返香港,咁先係有誠意
再唔係就出手大方闊綽啲,請個跟得褓母同遊日本,等跟得褓母提供搬運服務
因為就快返到香港,白加煎都終於唔再選擇啞忍,都忍夠啦!
全程又要受人氣,之後仲要幫手做"老奉"托運
薯條三兄弟係北海道手信,所以去到機場禁區先買到
名古屋機場就限定一人只限買3盒,關西機場就一人限買一盒
哩個真係幾好味!
日本朱古力唔及歐洲朱古力,不過ROYCE算係做得幾好,至少追得到歐洲出品
尤其日元兌換平左,ROYCE更加比起响香港抵買
哩次白加煎買左咖啡色外盒,黑色外盒,結果咖啡色好食啲
响禁區等上機,人人都沉迷智能手機,電腦(白加煎除外)
搭"樂土"返香港,繼續遇上一大堆好似唔識坐飛機嘅人
無視機上指示,全程偷用智能手機,繼續有人將手袋放自己膝頭
無視他人嘅安全
再貼多一次以下嘅報導
飛機午夜返到香港機場,比原定時間遲左,結果機場快線都停駛埋
要迫巴士返屋企,哩晚返到屋企已經接近凌晨兩點半
白加煎唔敢話以後都唔再坐"樂土",始終佢都有啲可取之處
不過如果無乜需要,"樂土"必定唔係首選嘅航班
哩次寫嘅遊記,情節似足一套電視連續劇
而哩次結(錯)伴同行嘅旅行,由頭至尾白加煎都同意左一個人生現象:
世上奇人怪事何其多,只在乎大家古怪嘅野唔相同
~完~
