2014年10月6日～星期一，八戶天氣（持續落雨）
醫飽個肚之後，只係响八戶センター逛左一陣
完全無心想買野，因為哩兩日只有細行李跟身，根本無可能抬太多野
而且八戶センター啲手信又唔係平過青森，咁就更加無謂浪費時間＋金錢
本來打算坐12:10嗰班巴士返八戶車站，最後係趕到早一班巴士
坐11:25出發號巴士， 11:36已經返到八戶車站
雨無停過，咁就响車站入面逛下啦！
個人覺得日本東北係幾落後，不過車站就相當新
哩啲咁人型嘅公仔，白伽煎一啲都唔欣賞，嚇親人就真
如果有睇日劇 ＂花子與安妮＂的話，一定見過佢
佢係高梨臨，幾靚女哩架！現代造型仲靚過古裝扮相
响車站逛左一大輪，終於攞返行李上車入奧入瀨
仲要係坐全日最後一班車，12:40出發， 14:55到着
太大雨喇，之前都無打探過要唔要事先買票
總之唔理咁多，攞住件行李衝上巴士
上左車司機問白伽煎去邊？白伽煎咪如實回答囉！
司機叔叔有啲欲言又止嘅表情，咁當時白伽煎咪唔理佢，揾個位就坐低
翌日回程又係由總站坐哩班車時，司機叔叔堅持乘客要買票上車
嗰一刻白伽煎先諗到，司機叔叔之所以有欲言又止嘅表情
可能就係白伽煎無買票上車，但出面又落住大雨
所以司機叔叔就姑且俾白伽煎破例，落車先俾錢
如果白伽煎所持有嘅ＪＲ車票係全日本通行嘅ＪＲ票，咁就可以免費坐哩班巴士
不過哩次白伽煎買嘅係５日彈性使用嘅東北ＪＲ票
咁就要俾錢先可以坐車，當然係之前計過邊張票合用
全日本ＪＲ票係只有７日／１４日票，點計都係彈性５日會慳得多啲錢
巴士準時响大約下午３點到埗，落車時係更大雨
以下嘅相係後來再補拍嘅
以下嘅相係後來再補拍嘅
落左巴士後實在係太大雨，白伽煎都相當狼狽
見到有架巴士係酒店嘅送迎巴士，寫住＂ホテル十和田莊＂
白伽煎上車出示酒店嘅訂房電郵，問司機叔叔係咪哩間酒店
佢答：係
咁白伽煎咪上車囉！
入到去酒店，規模都唔細，白伽煎仲諗：單人房租只係5184日元，又幾超值喎！
去到前台CHECK IN時，個男職員先話：唔係哩間酒店！
白伽煎住嗰間係＂十和田湖グランドホテル＂
去到前台CHECK IN時，個男職員先話：唔係哩間酒店！
白伽煎住嗰間係＂十和田湖グランドホテル＂
無計啦，唯有問個職員點行先啱啦！原來係行左相反方向
可能個男職員見外面落緊雨，所以佢話：開車載白伽煎去
實在係唔話得，哩啲服務完全係要讚～
上面哩間係摸錯門釘嘅十和田莊＂ホテル＂（網絡圖片）
下面哩間先係白伽煎入住嘅＂十和田湖グランドホテル＂
可能個男職員見外面落緊雨，所以佢話：開車載白伽煎去
實在係唔話得，哩啲服務完全係要讚～
上面哩間係摸錯門釘嘅十和田莊＂ホテル＂（網絡圖片）
下面哩間先係白伽煎入住嘅＂十和田湖グランドホテル＂
一分錢，一分貨確實係有理
