3月29日 (星期四) 晴
, 溫度:2度-17度 
响車站入面玩完又影完一大輪
咁當然係要出去網繼續享受"熟女還童"嘅滋味啦!
計劃哩次旅行之前,白加煎從無睇過鬼太郎卡通
雖然當時無睇過,不過緣份真係相當玄妙
有d事會無厘頭咁發生,跟住就令人着迷左咁續"纏"緣
白加煎黎到一把年紀先同"水木先生"相遇
以一個熟女身份去了解"水木先生"嘅事,有時遲來的安排可能先係TIMING GOOD
白加煎响"水木先生"身上,確實睇到好多正能量,成功非僥倖,也非只靠主觀嘅堅持
畢竟創作係需要天賦,還需後天嘅能力
出左車站,"水木先生"同鬼太郎,眼珠爸爸,鼠男已經响度"候架"各位來賓
好明顯"水木先生"心中哩3個先係主角人物,可以有資格同"水木先生"同場出現
一如慣常去到新景點,要先去觀光案內所8一下先
無乜免費野攞,但就用100yen
買左一本妖怪guide book 
佢除左係一本guide book,仲係一個尋妖遊戲
妖怪の町大約有800米長,銅像總數大約有140個
哩度真係好用心思咁打造出一個觀光景點
以下箭咀所指住嘅石頭就係擺放妖怪銅像
guide book入面清楚介紹各個銅像嘅資料,當然都有好詳細各個妖怪嘅資料
仲有一d空位(下圖箭咀所示)要參加者响妖怪の町中"給"印仔,當然會論功行賞啦!
能夠"給"到20個至36個印仔,咁就可以有人氣貼紙一張
如果可以"給"齊37個印仔,咁就會有一張"完走証"
既然買左哩本GUIDE BOOK,白加煎都一定試過同d細路一齊排隊"給"印仔
估下白加煎最後"給"到幾多個印仔? 有無攞到紀念品?(稍後揭盅)
哩d印仔係放响商店門口
其實買guide book時都付上一張"出貓紙"
上面有晒邊隻妖怪印仔放左响邊間舖頭,唔會亳無頭緒咁搵
而且案內所個叔叔仲好好心咁提醒最難搵嗰個,只要响邊度轉入後街就會搵到
雖然係咁講,但要搵齊37個都唔係容易嘅事
响案內所出黎,就要好好睇下四週環境,哩度嘅的士都有眼珠爸爸企响車頂
かわいい!
哩個"水木夫婦"銅像係為慶祝電視連續劇"ゲゲゲの女房"而造
水木太太塊面都幾長喎!
哩個係水木先生第一次相睇時嘅印象,不過再長都唔及岳父大人塊面長
即使已經係一個相當成熟嘅觀光景點,但仍然係不斷加入新嘅"一份子"
矮欄杆上嘅鬼太郎
妖怪廣場上有"河童の泉",據稱可以令人心境平和
內裡一共有9隻妖怪
哩個泉係有特別功效
如果背向池水投擲一個硬幣,就可以得到妖怪嘅力量
投兩個硬幣,金靈就會大架光臨(金靈等如中國人嘅財神)
投三個硬幣,就會變得無憂無慮
咁睇黎响"水木先生"眼中,無憂無慮比金錢更重要
其實"水木先生"自細返學都係遲到嗰個,偷得浮生半日閒時,都可以用懶散黎形容佢
鬼太郎同惡魔君嘅衣服會因季節而更換
相信炎炎夏日時,鬼太郎應該會唔着衫,完全坦蕩蕩
水道蓋都係眾妖
屋簷下嘅燈都係妖怪樣
沒有留言:
張貼留言