白伽煎由2006年開始膽粗粗咁一個人浪盪在日本
由最初只係小試牛刀唔敢去得太遠
經過哩7年半以來嘅訓練，第6次一人浪盪在日本
白伽煎已經征服左半個日本本洲，部份北海道，哩次仲有四國嘅德島＋香川縣
其實去年同友人都相當走馬看花咁踏足四國
不過就係因為唔夠喉而搞到相當無癮
哩次既然又可以一個人自由出發，咁當然係要過足癮先得啦！
5月3日由香港飛到關西機場，適逢遇上日本連續4日嘅黃金週
咁唯有將行程稍為修改，以避開日本人國內旅遊人頭湧湧嘅情況
所以到埗翌日只係近近地又去左京都觀光
第3日先正式踏探訪行程嘅主角
四國
四國
首站係德島嘅鳴門，之後係三好市嘅祖谷
跟住係高松（其實只係路過
泊宿），主角係小豆島
泊宿），主角係小豆島
咁就返回大阪，結束哩次觀光行程
上一次白伽煎一個人浪盪在日本係2012年嘅事，仲記得嗰年係黑仔之旅
由未出發只係唱錢都已經係黑仔，日元升到最高嗰日就唱晒錢，之後就一直回落
去到日本就跌相機，好彩部相機生性，只係間歇失靈而無即時宣佈死亡
仲有黑仔到差啲趕唔到高速巴士
雖然以上全部都叫做有驚無險，不過最後都遇上最大煲嘅"嵐"
即係暴風
即係暴風
搞到西日本嘅JR，包括連接四國香川縣嘅路線停駛左大半日
嗰次本來計劃左要去德島三好市觀光，咁唯有即時取消德島嘅行程，盡快返大阪
詳情請CLICK:
2012年四國行程被迫要告吹，咁上年聯同友人踩到日本時，點都要復活哩個四國行程
但係當身邊同行人對哩啲景點其實係無乜興趣之時，就連白伽煎都相當無癮
咁唯有等可以再一個人自由出門時先至"想點就點"
哩次係第6次一個人浪盪在日本，計劃行程時本來已經係駕輕就熟
不過三好市嘅祖谷係深山，仲有小豆島都係一個公共交通唔方便嘅地方
自駕遊會比較容易掌握時間
如果白伽煎選擇要坐公共交通工具嘅話，確實係一項挑戰
咁其實白伽煎又係一個相當鐘意俾挑戰自由去征服嘅人
結果四國行程就係响沒有半點差池次下完成左
其實今次出門從頭至尾到係相當順利，即使有嘅都只係小小小阻滯，無傷大雅
如果要對哩次行程評滿足感分數嘅話，白伽煎會俾87分
最開心係行程中幾次遇到友善跟我閒聊嘅日本人
有食店嘅老闆同食店嘅熟客，有小豆島酒店工作嘅人，仲有買士多啤梨嘅婆婆
响祖谷主動提議既然順路可以載白伽煎一程嘅中年夫婦，响大阪有商場外嘅保安員叔叔
一個人出門總會遇上哩啲友善嘅人，可能佢地認為一個人响異地或多或少會孤獨
所以主動聊聊天，或者可以幫助到一點點
白伽煎嘅日文荒廢左咁耐，明明應該口啞啞，但原來仲可以勉強溝通到
其實有賴即使香港吹起韓劇風，但白伽煎仍然堅持係日劇迷
咁樣啲日文先叫做無全部交還俾老師，仲頂得住幾句黎扮掂
哩次之後，白伽煎正考慮緊好好自修日語，好歹到要考到N2嘅日語能力試
