9月23日,時晴時陰 
離開左北海道,呢次既"壓力之旅"終於都算完成,總算一切都順順利利咁黎到最後一站 --大阪
雖然自己一個人
去過日本好幾次,但即使係咁 每次去到完全陌生既地方,總係會有少少不安感
所以每次最後一站多數都會安排去一d好熟識既地方,算係輕輕鬆鬆
咁享受埋最後幾日既行程,兼最後衝次--shopping
黎到大阪主要既目的就係買 
+繼續食 
+繼續食
唔計以前跟團去過大阪,呢次已經係第4次踏足大阪
以後仲有好多機會再去大阪,因為我幾鐘意關西呢個地方,反而東京唔係我杯茶
黎到大阪唔係住酒店,而係住民宿
今次已經係第4次入住呢間民宿,民宿太太原藉台灣,嫁左去大阪就落地生根
呢幾年仲做埋民宿生意
幾年前第一次去大阪揀住民宿時,主要係為左慳d旅費
仲因為當時自己d日文"爛無可爛",去日本自由行既經驗係完全無
咁如果行程中有人可以同聲同氣,咁點都會安心d,所以當時就揀左住呢間民宿
住過後又覺得係另一種地道既生活體驗
出出入入都係民居,唔再只係睇到酒店區,商業區,購物區既一面
响度住左4次,住開都真係有d感情既,所以呢次行程尾站又係住呢間民宿
民宿先生同太太真係好細心,門口咁多單車,純粹係為方便住客而準備既
民宿有呢隻"人氣狗狗" 
りくん,男仔,6歲 ,個個住客黎住都想一睹佢風采
りくん,男仔,6歲 ,個個住客黎住都想一睹佢風采
民宿處處都有りくん既踪影
鐘意去大阪係因為大阪多美食,仲豐儉由人
又可以即日來回附近既京都,奈良,神戶,姬路黎觀光
到埗當日由函館飛抵關西機場已經係16:40
落機後就即刻去民宿放低行李,之後第一時間又趕住去搵野食
"りくるーおじさんの店"响大阪好出名,人氣第一位係"日式芝士蛋糕"
响"難波"有分店,因為呢間响購物區,所以超多人
如果買芝士蛋糕大約要等30分鐘,下面張相都睇到人龍
民宿附近都有一間,因為呢度係民居,所以瘋狂排隊既情況就唔見有
但下面張相係拍於佢地關門前15分鐘,都見到入面有d客人等買出爐芝士蛋糕
其實以前我都唔覺得呢間舖頭既芝士蛋糕係傳聞中咁好味
佢的確係好食過香港當年既"E騰家",不過都稱唔上係好味啵
今次去過北海道,食過當地d芝士蛋糕之後
就更加覺得大阪呢間芝士蛋糕店最好可以檢討一下
其實呢間大阪既芝士蛋糕店,佢地既材料都係用北海道十勝既牛奶
但係佢地都做唔到北海道既香濃芝士蛋糕,究竟點解呢 ?
梗係啦,個價錢咁平,一個直徑18cm既,都只係560yen
下面張相就係响富良野買到既cheesecake,咁細件都已經賣100yen
好味既關鍵咪就係材料重手囉,真係一分錢一分貨
一落機就趕住黎呢度並唔係為買芝士蛋糕,而係買另一樣超好味既野~牛奶雞蛋布甸とろ～りプリン
以前對"牛奶雞蛋布甸"完全無興趣,只覺得係"日式燉蛋"
但自從上次去大阪時,有幸食過佢之後,就對佢念念不忘,朝思慕想喇!
呢次黎到日本之後,為左可以早d回味呢個咁好味既布甸
我响東京,札幌都曾經食過好幾次牛奶雞蛋布甸,便利店買既又有,百貨公司買既都有
不過全部都唔好食,所以無寫出黎,還是要等到响大阪同"佢"再重逄
再續情緣如果便利店買到既都好味,咁咪唔洗對佢牽腸掛肚,可以响香港都買黎食囉!
不過便利店呢d真係唔好食,全部都彈牙既,古古怪怪,化學品咁樣!
(我好似倒緊香港d"日式超市"米咁!咁彈法,仲有人會買黎食既?!)
大阪呢個布甸又厚身,又rich,唔係一般既"燉蛋"口感,今次黎到大阪終於可以一解"朝思慕想之苦"
响大阪呢幾日就係如此地放肆,"每日一癲(甸)",終於就係....
民宿距離大阪既梅田只係兩個地下鐵車站,如果行路大約係20分鐘
唔趕時間又唔係攰既話,我鐘意行路,沿路就係會見到日本民居既一面
呢d自助洗衣店响日劇入面都見到
有料單車停車場
咁新穎既大廈其實係動物病院,响日本做寵物都特別幸福既 
ZOOM埋d睇下個名: うめだ東動物病院 
夜晚由梅田返民宿既街景
仲有一個原因鍾意大阪既,日本人出名守規舉,紅燈時一定唔會過馬路
但係大阪人就例外,除左响大街大路,光天白日之外,夜晚一定會見到有人唔理燈號而亂過馬路既
去到大阪可以亂過馬路時,特別開心架,因為已經抑壓得太耐喇!
响民宿住既呢幾日,正正係嗰區政黨議員補選既前夕
朝早响民宿出出入入就見到佢地拉票
响香港見到呢d情景,一定係眼尾都唔望個候選人,唔想佢地煩自己
但作為一個遊客,又真係咩都好奇
我望左個候選人一眼 (佢個樣都唔差架喎!)
佢即刻當迎接貴賓咁走埋黎握晒手,又講左一大堆日文
(梗係啦!個個人都當佢透明
難得有人會望佢一眼)又係要表露身份既時候喇!
又要話佢知我唔係日本人,只係一個遊客,佢一聽到即刻O晒咀,仲有d尷尬表情
乜都無再講喇!
我同佢講緊日文,佢駛唔駛搞到好似怕左同我會雞同鴨講咁呀?!
其實佢都可以求其講幾句野打完場以示有禮貌卦?!
呢位仁兄d應變能力咁低,咁點信佢有工作能力為居民服務呀?!
唯有住民宿先會見到呢d日本人既日常生活點滴,都唯有可以有一個長假期
咁先可以悠悠閒閒,放慢腳步黎
呢個地方