3月29日 (星期四) 晴
, 溫度:2度-17度 
妖怪の町上滿佈各個妖怪,大多數到係得手掌咁大嘅Q版,有d都幾可愛
雖然白加煎睇左100集鬼太郎先出發
不過有好多妖怪都係第一次見面 
响妖怪の町只係清靜左一個鐘頭,當第二班電車到埗時
哩度變得相當熱鬧
又非常多細路仔,想好好地影相都相當困難 白加煎決定等午後,人潮散去先再慢慢影相,所以哩個時候就去"給"下印仔+周圍巡下
响後街有間"鬼太郎妖怪倉庫",不過哩間唔係倉庫咁簡單
因為內進要俾入場費(成人)700YEN
倉庫裡面有30個妖怪會响'黑暗環境下
走出黎嚇人,睇下挑戰者仲可唔可搵到出口
其實咪好似香港海涼公園嘅蝦撈餵
白加煎得自己一個人,當然唔會玩哩d玩意啦,最重要係雞同鴨講,言語不通
免得俾d妖怪嚇到大叫時
佢地仲以為白加煎係因為興奮所以大叫
响大街有"妖怪神社"
正正中間嘅係"神體",佢樹齡有300年
左邊係"水木先生"親自提筆,右邊嘅係會隨住水流而旋轉嘅"咩它孖餓吔之" (眼珠爸爸)
眼珠爸爸响2007年先新加盟成為神社一份子
走出黎嚇人,睇下挑戰者仲可唔可搵到出口 其實咪好似香港海涼公園嘅蝦撈餵
白加煎得自己一個人,當然唔會玩哩d玩意啦,最重要係雞同鴨講,言語不通
免得俾d妖怪嚇到大叫時
佢地仲以為白加煎係因為興奮所以大叫响大街有"妖怪神社"
正正中間嘅係"神體",佢樹齡有300年
左邊係"水木先生"親自提筆,右邊嘅係會隨住水流而旋轉嘅"咩它孖餓吔之" (眼珠爸爸)
眼珠爸爸响2007年先新加盟成為神社一份子
用黎祈願嘅妖怪絵馬,响隔離舖頭買到
分別係300yen , 500yen
借用人地嘅網上短片
位置相當隱藏嘅妖怪樂園,好易會行過左都唔知 
哩個牌都表示左鬼太郎通中,最主要嘅角色就係以下哩d:
左起:砂かけ婆,猫女,鬼太郎,鼠男,子泣き爺
差d唔記得仲有"咩它孖餓吔之"(眼球爸爸)+ 一反木棉
仲有懾埋一角嘅ぬりかべ
其實哩個廣場係乜用途架呢?
當時白加煎以為係小食廣場,但宜家睇落又唔似喎.....
依然係滿佈妖氣
又有一d俾小朋友玩嘅設備
哩個牌都表示左鬼太郎通中,最主要嘅角色就係以下哩d:
左起:砂かけ婆,猫女,鬼太郎,鼠男,子泣き爺
差d唔記得仲有"咩它孖餓吔之"(眼球爸爸)+ 一反木棉
仲有懾埋一角嘅ぬりかべ
其實哩個廣場係乜用途架呢?
當時白加煎以為係小食廣場,但宜家睇落又唔似喎.....
依然係滿佈妖氣
又有一d俾小朋友玩嘅設備
鼠男又出埸喇,其實佢應該係繼鬼太郎同眼珠爸爸後,戲份就重嘅一個
為左避開d人潮,白加煎响午後先再出動影相
都証明左哩個策略係絕對正確,事實上四點嗰個時段嘅電車開走後
妖怪の町都即刻寧靜左好多,咁先可以影到相
以下排位分先後次序
先黎最德高望重嘅"咩它孖餓吔之" (眼珠爸爸)
輪到乖仔同老豆一齊出場
再黎係鼠男
除左鬼太郎可以有兩個大銅像之外,能夠得到相同待遇嘅就只有鼠男
鬼太郎嘅"リモコン下駄" (遙控木屐)
相當可愛嘅"一反木棉"
哩個係べとべとさん
傳說中べとべとさん會响黑暗嘅地方跟踪一d獨行嘅人
被跟踪嘅人唔會見到佢,但就會聽到腳步聲
不過只要唔好怕,然後講" べとべとさん、先へおこし"(解:請你先行)
咁佢就會真係行先,唔再跟住人
其實佢個樣都幾可愛
咁不妨真面目示人啦,何必要鬼祟祟咁黎嚇人呢?!咁多隻妖怪唔寫而偏偏揀哩隻,一定係另有特別原因
"ゲゲゲの女房"嘅日劇中,講到"水木太太"嘅童年
有一次响故鄉嘅樹林一個人行,覺得背後有腳步聲跟住自己
當時"水木太太"慌張之下遇到一個中學生,佢黎樹林畫畫
大哥哥遇到哩個小妹妹就帶住小妹妹擺脫左べとべとさん
又講左一d關於妖怪嘅事
小妹妹長大後同一個對妖怪相當有認識嘅人結婚
而哩個人嘅年紀同自己嘅距離又似童年時遇到嗰個中學生哥哥
雖然"水木先生"對哩件事無印象
不過"水木太太"就認定童年時响樹林遇到嘅就係自己長大後嘅丈夫
緣份真係可以兜一大個圈响TIMING GOOD時先重遇
(以下係劇照)
白加煎好努力咁影晒全個妖怪の町嘅妖怪銅像,仲將佢做左短片留念
不過做短片時先發覺原來都係漏影左一隻妖怪
無論如何都......とうぞよろしく
相當可愛嘅指示牌,最可愛都係"眼珠爸爸"哩個造型指示
全個妖怪の町都係細心打造出黎,睇得出水木先生嘅認真心思
相片就影左幾多,不過分享唔晒,仲有其他旅行嘅回憶要寫
如果仲有童真嘅人去到境港哩個妖怪の町,一定唔會覺得無聊
不過好遺憾係見唔到"人魚妖",白加煎好鐘意佢d公主病性格,絕對係搞笑抵死
鬼咩~水木先生係傳統大和男人,女人邊有地位呢?!
連猫女都好似配角咁,"人魚妖"就更加係2打6啦!
鬼咩~水木先生係傳統大和男人,女人邊有地位呢?!
連猫女都好似配角咁,"人魚妖"就更加係2打6啦!
沒有留言:
張貼留言