3月31日 (星期六) 夜
最底溫度:9度
接近3小時高速巴士嘅車程,其實好早已經到岡山,不過哩日係星期六
入左岡山市區後,有30分鐘係塞車
响岡山車站落車,難得仲未天黑晒,不過都要即刻轉JR入倉敷
2006年第一次坐新幹線黎到哩度轉車入倉敷
不過已經全無印象,大概係當時第一次一個人上路太緊張喇!
哩幾日逗留米子,鳥取都係人口稀少嘅城市
黎到岡山站再次見到人山人海,突然間都要d時間先可以適應
環保列車,乘客要自行按開門掣
去到倉敷站都係多人,响酒店check-in後放低行李
諗住返出車站間百貨公司買晚餐,點知已經關門(當時只係19:30)
身上又無帶任何倉敷地圖資料
結果憑記憶去左酒店附近一間みそかつ 梅の木
哩間開業30年,風評唔錯,食評網站都有3.4評分
下圖係翌日補拍嘅相片
下圖係翌日補拍嘅相片
1000 yen嘅套餐,的確相當抵食(哩個價錢已經10年都無變過)
白加煎為佢而冒肥,破戒响晚餐食五穀類
吉列豬排係用自製嘅幼細麵包糠所做,唔係炸而係焗
雖然咁出名,不過食完後好明顯係口渴,
大概係黎自個濃味增醬
太濃味之下就食到有口渴嘅感覺,為乜食評網站上嘅人都咁受落?
結果去便利店想買雪糕解渴,睇睇下變左買冰咖啡,好味道!
大概係黎自個濃味增醬太濃味之下就食到有口渴嘅感覺,為乜食評網站上嘅人都咁受落?
結果去便利店想買雪糕解渴,睇睇下變左買冰咖啡,好味道!
哩次行程最辛苦嘅事係行李跟身
每次要推住個大行李上車,落車,行街街甚至要橫衝直撞狂奔
其實係相當辛苦,黎到倉敷終於都鬆一口氣
因為係最後一次行李跟身,行程雖未完
但往後只計劃帶個背囊去四國,大行李會由宅急便運返大阪酒店
所以哩一晚食完晚飯就相當輕鬆咁洗白白
跟住就半休息咁攤住黎睇電視
差唔多11點,突然記起有事未做
交低錢俾酒店翌日代收宅急便白加煎即刻換衫落去大堂同d職員交待翌日有宅急便送貨黎
(因為係受友人所托,所以上心度不足)友人登記送貨寫錯左係香港地址(白加煎事前已知詳情),結果要施展渾身解數,個職員先明白
如果一直都唔記得左哩件事,就....唔知會點呢?
可能又要HEA晒咁黎追件
哩次行程因為黑仔,所以一直都相當小心,到左可以短暫鬆懈嘅時候,就乜都唔記得
(因為係舊地重遊,所以感覺上比較安心)
翌日收到哩兩份"樂天"嘅宅急便
4月1日 (星期日) 晴天
溫度:4度-14度
倉敷係哩個行程中其中一個主角(主角嘅意思係即係無佢唔得)
由2006年開始,白加煎一個人踏上日本,有d地方係立下決心要再去
所講當然唔係東京,大阪,而係一d比較偏遠少少
唔近國際機場嘅地方白加煎對倉敷有相當微妙嘅感情
哩個地方係當年新手上路第一次坐新幹線嘅地方
當時仲係有d騰雞嘅白加煎無响倉敷留宿,係"日帰り"(即日往返)
而當日天氣係全日大雨,觀光未能盡興,所以決心要再去
一別就5年半,終於再返黎
哩次決心要慢慢欣賞哩個地方,所以會逗留3晚2日
黎到有新幹線連繫嘅地方,終於又再聽到有人講廣東話
响酒店入面有個大聲講廣東話+英文"嘅中年阿蟬响度blah~blah~blah
好幾次一出電梯都未望清楚大堂都已經知道哩個女子响度
哩間東橫inn算係細間,電梯都只有一部
哩間都不設有位置/景觀較差,較細嘅特惠房間
全部單人房同價,白加煎被編到一間幾好嘅房間(Rm.410)
上次黎到倉敷係傾盆大雨,
次逗留2日+1個早上就嘗盡...晴 
陰
雨第一日"倉敷"用強烈紫外光黎迎接白加煎重臨
一早出發去影相,途中有d久別重逢嘅愉快心情
星期日嘅倉敷相當多人,哩個係始料不及
倉敷哩條運河並唔係賞桜之地,因為唔係種左好多桜花
即使有桜,但都仲未開
大原美術館
昭和5年(1930年)日本第一間私立西洋美術館
假假地都算係"ex畫畫人"
入場費都只係1300 yen
但係白加煎選擇過門不入
雖然有畢加索(Picasso),高更(Gauguin),馬蒂斯(Matisse)......等名作
不過佢地唔係令白加煎心動嗰d藝術家,所以慳返d錢+時間
都係大門前嘅無料風景吸引d門前哩棵光秃秃嘅係楓樹
(一塊葉都無,你又知係楓樹?)
皆因有相為証
2006年12月初去到見到佢係楓樹
相隔5年半,連影d相都講究左,數量又多左
皆因比起以前,宜家完全唔會理會別人的目光
"咦!一個人去旅行?!無伴咩?!"
咁講又錯唔晒,不過更加啱唔晒
宜家係唔會隨便結伴同人去旅行,免得去完旅行返黎連朋友都唔想做
白加煎又要多謝自己娘親,將白加煎教導得咁獨立
以下哩張相片要唔要加哩個指引
以後會更加享受一個人出門,皆因買左新相機,影相大晒
一諗起部新相機,已經恨不得帶住佢即刻出發再上路
沒有留言:
張貼留言