4月2日 (星期一) 晴 溫度3度-14度
翌日離開倉敷,唔知下一次再返黎會係幾時?
甚至乎都唔知仲會唔會再黎仲有好幾個地方等住白加煎去舊地重遊
所以哩一晚要特別珍惜咁盡量將一切刻入腦海中
寒
全日都係寒,當太陽伯伯落山收工後,寒到入心入肺
見到已經亮起嘅街燈,倉敷為變身閃閃生輝而作最後準備
哩次張貼出黎嘅相都必有"水"
倉敷夜景嘅美就係黎自哩d水.....河裡嘅倒影真係會越夜越美麗?
哩晚等景夜景嘅人比前一晚少好多
還是最愛這份寧靜悠閒,咁樣先係有質素嘅旅行放假
河上仲有兩個相當有意境嘅人,哩班都可能係是日尾班船
天未黑
不過細心留意一下,周圍都有靚景等"有緣人"發掘出黎
風景唔會變,能夠變嘅係活生生有感覺嘅人
唯有哩份對生活嘅深思,咁先可以發掘出"與別不同"
並唔會倒模咁人人一樣失去個性
上圖+下圖哩兩張相片,都係經過細心發掘+評核先影
咁當然都係滿意相片其中之二啦!
夜
稍稍地臨近.....
白加煎欣賞日落美景,最愛係哩個時段
每一分鐘都有變化,淺藍天轉為深藍天,每張相影出黎都唔一樣
曬
觀光案內所全館亮燈,都係全條運河兩旁最"曬"嘅建築物
佢處身响運河中段位置,肩負起地標嘅角色
另一自慢相片,好鐘意相片中哩位"無料模特兒"
哩一刻水平如鏡,連一點風都無
倉庫嘅白色外牆,响黑夜嘅水中出現左強烈嘅對比效果
唔起眼嘅一條小艇,因為佢先襯托出另一個構圖
裁去上半部份,哩個意境相當唔錯
白天嘅倉敷的確係比黑夜嘅倉敷遜色,哩次留响倉敷兩個全日
完全係正確嘅決定
天色再黑一點,反而覺得比唔上之前深藍嘅天空,太過死寂
"無料模特兒"唔見左,相片嘅效果都少左一d生氣
另一個"無料模特兒"現身,相中氣氛的確"多得佢"
冷
影完哩d相,功成身退,仲要盡快逃離現場,因為實在係好冷!
黎到倉敷之後,有好幾次都相當後悔:
為乜唔响出門前就買左部單鏡反光機呢?
嘥左好多美景呀!
不過反轉黎諗,用部跌到半殘廢號傻瓜機都影都哩d相片
咁都証明部傻瓜機"殘而不廢",影相嘅人更加係"寶刀未老"
好彩無買新相機先出門
否則哩次响大阪舞洲工場時,相機碌街事件就會係由新相擔任碌街主角
是日晚餐照舊係超市食品,コロッケ(可樂餅)依然係新寵兒
但係零食+甜品就相當一般
哩個薯片係相當普通,只係WASABI+鹽
响超市買嘅 MONT BLANC就預左唔會係好食,不過結果都係比預期中差
(註:白加煎一向連"尾針",凍海棠"嘅凍餅都稱之為無謂嘥錢)
沒有留言:
張貼留言