2012年一人黑仔之旅 DAY 7@米子(列日寒風搵食記)

 

 

 


3月29日 (星期四) 晴 , 溫度:2度-17度  



 



離開水木記念館又到 "遲來的午餐" 時間 

到底要去邊度食飯?當然又係一早就做好功課啦! 

雖然係做左功課但要搵哩間食店都唔易

原來哩間舖頭離開水木記念館,步行都要10分鐘  

如果係一邊行一邊搵,咁就要雙倍時間,即係搵左20分鐘先搵到 

就係哩間"御食事処　峰" 
 

境港係一個海港城市,食店面向港口,風景唔錯(註:如果係溫暖天氣下) 

當日係超高紫外線+超低溫度,餓住個肚咁"盲中中"搵地方



就即刻明白乜野係飢寒交迫

 


因為係"遲來的午餐",所以食客都唔多,而且都逐一結賬中 

日本好多食店都有"午市打烊時間" 


 


既然係一個海港城市,咁當然要食海鮮啦! 

哩次行程中第一個海胆丼(都係最後一個)終於出現喇! 

うに丼,盛惠 2100 YEN 
 

其實仲有SET LUNCH,好似都幾唔錯喎! 
 

うに丼係SET LUNCH,有齊甜品+味增湯+配菜+主菜 
 

哩間"御食事処-峰"响食評網站係3.02分,當然唔算好高分 

不過响境港可以食到うに丼,白加煎只係搵到哩間,咁就"將就"一下啦!

 


不過唔要求有齊"平+靚+正+"嘅話,哩個都有70分 

 

仲有味增湯 
 



食完"遲來的午餐"之後,再返"妖怪の町"繼續行程 

果然係一如所料,到左下午時間,人潮都慢慢散去 

朝早嘅人一黎到妖怪の町就狂影相,瘋狂過後,差唔多係無人問津 

臨離開前就係買手信時間,佢地徹離,終於都可以鐘意點影就點影 

       

興奮地同d妖怪銅像影相,但都仲記得要"仆"返出車站影埋另外兩架妖怪列車 

只影不坐,皆因為哩班車係16:43開出,乘客又多,時間又太早 

咁早返出米子都無野好做,都係留多陣先走

 


一拖二嘅列車,哩次係眼珠爸爸+鼠男 

 

當白加煎坐下一班列車返出米子時,就只係普通列車,唔係妖怪列車 

所以一上車無耐就大覺瞓,瞓到到站先醒,爽呀! 







離開妖怪の町前,當然要去領獎品啦! 

既然行程一d都唔急趕,預左留兩日响米子,咁當然夠時間專心咁"cup"晒37隻妖怪 



買guide book時,個職員提示最難搵嗰個印仔响"妖怪樂園 

不過白加煎覺得最難搵嗰個係响"交番"嗰個 
 


因為哩度都唔係响妖怪の町入面,所以好易被遺漏 

 


要交回guide book,就要留心案內所嘅辦公時間 

白加煎確實係攞到完走証,木曜日仲會係印上"眼珠爸爸"既"日付印" 





"日付印"分三款,人氣最旺係"鬼太郎",不過白加煎有戀父狂 

坐左一個鐘嘅普通電車,終於返到米子站 

前一晚因為到埗+check-in後時間太夜(其實只係21:00) 

所以超市都收工,搞到要食杯面哩晚終於都可以照舊係刺身+甜品晚餐 

响米子食左人生中响日本超市買返黎,第一件嘅コロッケ(可樂餅) 

仲一食上癮,都應該話哩d香口食品都係令人難以抗拒 

 


抵買嘅唔單只係可樂餅,連刺身都抵過之前响廣島賣嘅價錢 

哩個有特價,只係398 yen,雖然唔係大大件,不過淺嚐就夠喇! 
 


再黎都係"脫印"布丁,都係butter caramel濃味過cheese cake味 

一晚食晒兩個布丁,仲唔肥屎?!


 



哩個係另一個推介嘅"卡落D"薯片,厚切的確係好味d,因為有口感



哩個係sour cream味,近日已經响香港發現佢嘅踪影 

可能終於又會買包返黎回味一下!