
上圖為倉敷民藝館
4月1日 (星期日) 晴

下圖為倉敷考古館

响倉敷美觀地區,白牆黑瓦嘅建築物係觀光重點
哩d就係江戶時代由德川家族興建嘅倉庫,宜家一磚一瓦都被保留落黎
而哩d建築完全唔可以有絲毫改動
就算爛左一片瓦,都要知會當地政府維修
5年半前黎到倉敷係全日落雨,哩次第一日觀光就係見到藍天,真係夠運
不過再睇返d相,都唔好俾哩個藍天扼左,其實哩日只有4-12度

哩d瓦片屋頂相當講究,瓦片上都有圖案,可想而知江戶時代
哩d都唔似係一般平民百姓嘅屋企


倉敷嘅靚景唔單只係運河兩邊
走入內街都一樣有江戶時代嘅風情


以下哩間"井上屋住宅"已經被指定為"國家重要文物",係江戶中期大地主嘅"豪宅"
只有星期日開放俾人參觀
當日室內係局部維修中,所以只係局部位置開放供人參觀
其實即使可以參觀,但內裡實在係相當殘舊

黎到倉敷除左搵TOTORO之外
就係以下哩間舖頭,如果响香港會稱呼哩間係"夜冷"

店內不準拍攝,其實哩間係一間只賣聖誕飾物嘅舖頭
一年365日都只係零售聖誕用品,飾物
如果响香港就一早就執笠,而哩間舖頭至少由2006年冬天直到宜家都仲屹立生存中

5年半前結下深深情意結,就係下面哩個十字架
價值係1000 yen,當年兌換價只係HK$64.5

嚴格黎講哩個似係飾物多過係聖物,不過一見鍾情就係可以盲目嘅
哩個十字架令白加煎一見終情
好後悔當時只係買左一個
如果兩個買晒,至少另一個可以做手信贈予知音人
事實上哩個十字架係人見人讚
後來有朋友苦苦哀求下,當時白加煎好瀟洒咁割愛
不過原來永別後係會咁念念不忘
可惜........有時緣份係可遇不可求,要講timing good
白加煎同舖頭老闆道明來意
(對方識講日式英語,但係白加煎同佢講港式日語,因為日式英語太深奧喇!)
對方介紹晒全店嘅十字架掛飾
結果都只係得一句: "あまり 好きじゃない!" (唔係太鍾意)
空手而回之前都預左架喇~當黑仔纏身時,邊度仲會有好運,心想事成呢?




沒有留言:
張貼留言