
4月2日 (星期一) 晴

之前無留意星期一嘅倉敷運河一帶係"定休日"
(因為大原美術館係响哩日定休)
好多食店都休息,原先哩日安排去酒店後嘅商店街食"カツ丼",去到見到店舖大清潔
咁又唯有改翌日先去,好彩附近仲有一間出名烏冬店繼續營業

响食評網站得分3.43分,實在係必定要一試
哩間食店一共有12間店舖,11 間响岡山+倉敷,有一間响四國嘅高知
四國香川縣嘅讃岐烏冬揚名海外,可能岡山同香川縣又只係一個瀨戶內海之隔
所以黎到岡山就比較多機會食到有水準嘅烏冬
白加煎係讃岐烏冬FANS黎架
哩間主打係賣烏冬,唔知係咪手打烏冬,不過口感就確實係手打烏冬嘅口感
咁多間分店,主打又係賣烏冬,條條烏冬都手打,咁咪好唔掂?!

除左烏冬都可以烏冬+迷你丼

注文係"肉天ぶっかけ,都只係690 YEN
雖然唔係好大碗
留肚+小食多餐

前一日响運河去左"備中手打ちうどん"食每天限20份嘅手打咖哩烏冬
哩日食左哩碗湯烏冬
如果講烏冬嘅口感,兩者打和,雖然"備中手打ちうどん"响食評網站上評分唔係特別高
不過嗰個多汁咖哩都真係搶得唔少好感分數
所以兩間食店都各有所長,不能分高下
哩間食店倉敷岡山都相當出名,佢地甚至會出售烏冬俾全國其他食店
網站上睇到佢地製造嘅烏冬已經有100年歷史
ぶっかけうどん網站

[倉敷長春藤廣場]
星期日觀光時响哩度人多到影唔到相,塞人
到左星期一,終於都回復寧願,可以見到d環境比較幽雅嘅景色

倉敷有中西式景觀,白牆黑瓦嘅倉庫係日式代表
大原美術館,長春藤廣場都係西式建築物

宜家長春藤廣場係酒店,不過哩度係1889年嘅建築物
當年都係用作倉庫,改為酒店都只係近30年嘅事
外牆種滿長春藤為紓減熱力,宜家就變為地標特式

廣場入面有一個一千三百平方米嘅露天花園
可以諗到之前一日係星期日,哩度有幾咁賓虛嘅場面

黎到哩日,桜花都只係哩個狀態,已經係預期中事

哩次旅行明白左一件事
雖說桜花的美令人傾慕迷戀,不過桜花來臨嘅天氣仍然相當寒冷
除桜花之外,好多植物都仍在沉睡中
桜花未到之時只見各處盡是枯枝,情況相當淒涼
可能都係哩份感覺令白加煎覺得桜花雖美,不過其他季節嘅植物不比桜花遜色
只係桜花期短,物以罕為貴,所以受人追捧
對於"非常人"嘅白加煎黎講,細水長流,平凡的美更令人感到欣慰喜悅
至少能夠望着有生氣嘅植物,心入面會覺得”幸せいっぱい”(滿滿的幸福)
以下照片拍於2006年冬

長春藤廣場嘅植物仍然茂盛

平凡的美-愛倉敷哩份意境甚於即將响倉敷盛放嘅桜花






沒有留言:
張貼留言