4月2日 (星期一) 晴
溫度3度-14度
哩朝早起身開電視
就見到哩段報導
宜家睇返轉頭先知原來係為翌日突如其來嘅爆彈低氣壓作預演
風速28.5米/秒
= 每小時102.6公里哩個風速計算出黎就等如香港天文台所指定為強烈熱帶風暴
早前嘅颱風"韋森持"响傍晚時分吹到風速100公里
所以當時就改掛8號風球,咁大概都知道哩個"春の嵐"嘅威力有幾"威猛"
外出觀光第一站係酒店附近嘅教堂,咁近就順便入去睇下
行程仲未完,唔知仲要黑仔到幾時當然更加需要求神保佑啦!
教堂雖然唔見有乜特式,不過入教堂都只為可以收歛心神黎祈禱
星期一嘅倉敷比星期日少好多人
星期一係大原美術館嘅定休日,連帶倉敷商店街都一樣响星期一定休
所以運河附近有d食店都一樣係"定休日"
响運河見到哩個寫生大叔
之後見到哩個咁唔通氣嘅人,唔問大叔"係咪想入鏡,就攞住相機狂影
似乎都有欠禮貌,唔係人人都鐘意做MODEL
結果大叔就用左手遮遮下,可能真係唔想入鏡
又到"讀萬卷書不如行萬里路"嘅時間
一踏足岡山,到處都見到桃太郎,咁到底桃太郎係何方神聖呢?
一踏足岡山,到處都見到桃太郎,咁到底桃太郎係何方神聖呢?
講故事時間
好耐之前,一個偏僻小村落中有一對老夫婦,佢地好想有兒女但一直都無
有一天老公公上山斬柴,而老婆婆响河邊洗衣服時,執到一個大桃
佢好開心咁帶住大桃返屋企,想切但無法切開,唯有等老公公返黎
終於兩人同心協力先可以切開大桃,跟住仲有一個男仔相當活潑咁由桃入面跳出黎
老夫婦就叫哩個細路仔做「桃太郎」
桃太郎自細就特別高大有力
長大後佢為村民去鬼城除妖路途上桃太郎用自己嘅糧食: 糯米糰子(黍団子）餵左一隻小狗,一隻馬騮,一隻野雞
哩3隻動物就同桃太郎一齊上路除妖
相當艱辛去到鬼城大門前
野雞飛到高處探路,馬騮爬上城門開鎖,小狗咬住妖怪不放
桃太郎使出神力就收服妖魔,之後佢就帶左好多財寶返屋企,跟老父母幸福咁生活
下面哩個應該稱佢為:"桃太佬",哩個造型至少係50歲嘅中年男人造型
怖すぎじゃない？
日本人會將民間故事主人翁,變出好多家族兄弟,個個都有獨特個性
其實就係想可以賣多d錢
白加煎覺得倉敷手信店所賣嘅陶泥公仔,係哩次行程中最可愛嘅
下面哩個係沖繩嘅辟邪物 シーサー(風師爺),哩個係Q版造型
下面哩幾隻就應該係龍,因為今年係龍年
雖然白加煎係狗迷,唔係猫痴,不過去到哩間"猫屋敷"見到d造型可愛嘅猫
都一樣留連忘返,唔捨得走
(下圖只係過左佢地營業時間先影嘅相,關門只係佢地收左工啫!)
哩d都一樣咁可愛
講到猫當然唔少得招財猫
另一間手信店見到夢地藏,圓頭圓腦,一樣相當可愛
响倉敷有一款手信係一定不能錯過
,就係桃太郎去捉妖時帶備嘅"吉備糰子"
好幾年前响日本各地手信店隨處買到嘅糯米慈,草餅等
因為賞味期限比較長,就會加多d化學品用以防腐
所以通常都係唔好食,白加煎往後都唔會買哩d手信
只係得個盒靚,但入面嘅食物就相當唔受歡迎,買手信都可以俾少少心思
等人地收到,食到係開心,自己都會開心啦!
幾年前黎到倉敷食過哩個賞味期限只有14日嘅吉備糰子,白加煎就一食訂情
哩個無餡,只有3款味道:原味,黑糖,海鹽
人氣"冧巴溫"係原味,其次係黑糖味
個人就覺得哩兩款都叮噹馬頭咁好味,應該係雙冠軍
其實哩次好想試埋海鹽味,不過一直都撞唔啱可以試食到哩一款味道
所以都唔敢冒險買,買黎自食都唔敢
倉敷中,最有代表性,全國知名嘅"吉備糰子"就係哩間"廣榮堂"
佢嘅歷史由安政三年(1856年)開始
店主係武田淺次郎,當年佢跟隨一位藩主嘅家臣總管學習茶藝
茶會中會用和菓子奉客,而"吉備糰子"係往後慢慢改良研究而成
百幾年前嘅古老做法流傳至今,老店由本店開到分店
甚至响其他手信店都係入佢地嘅"吉備糰子"黎賣
仲記得幾年前讀緊日文時,某晚返學,同學仔去完倉敷送左哩盒"吉備糰子"俾白加煎
正想開口請miss食之時,miss雙眼已經散發光芒咁
停留响"吉備糰子"上大概哩個吉備糰子真係相當有名,連從未去過倉敷嘅東京人miss都識得佢
不過有麝自然香,完全唔需要hard sell
响倉敷就搵唔到龍猫店,但HELLO KITTY就仲未搬走
不過佢唔係my cup of tea
沒有留言:
張貼留言