9月6日(星期一),長野縣上高地,上午天晴
下午大致天陰 
上高地バスターミナル(巴士總站)
08:55响大正池落巴士之後,行到黎呢個巴士站已經係10:40
揹住個背囊黎到呢度,已經"我慢した" 
接近兩個鐘頭
接近兩個鐘頭
終於都見到救星出現之時,心中即刻係無比咁興奮......可以甩難喇! 
所以黎到呢度,第一時間並唔係去洗手間,都唔係去買定回程車票
而係要搵"托兒服務" 
呢度唔係用coin-locker做冷冰冰既"托兒所",而係有個"手荷物預かり所"
真人托管服務,服務時間由每朝6點至下午5點
收費係以行李既大細,同托管日數黎計算 
我個"細仔(背囊)"就要400 yen 托管費
將個"細仔"托管好之後,就要去買定回程既車票
呢一晚係响松本東橫 inn泊宿
2400yen既車票,包括左巴士(上高地至新島々),電車(新島々至松本)
呢架巴士不設劃位,但就係有上車次序,我係9號
搞掂d正經事之後,終於都可以輕輕鬆鬆咁上路
先係去光顧"有料御手洗",係自覺性俾錢既"御手洗",收費100 yen 
為左保持上高地既環境,污水係由地下水道引走既
呢d維修保養既開支都需要靠每個去上高地既人支持
呢個情況,我絕對理解而且同意
所以我所見的確係個個去洗手間既人都自覺咁俾100 yen
不過嚇一跳既係打掃女洗手間既係一個大叔 
搞到我仲以為自己入錯左男洗手間添,不過男人唔介意清潔埋女洗手間
確實係相當敬佩佢
响呢d可以爬山既地方,就會見到呢d攀山失踪人仕通告
呢d "大地在我腳下"既短片,就係由呢d冒險既攀山人仕所拍
高高在上既感覺真係寧捨不同
最接近巴士總站既景點係河童橋
所以响巴士站呢度都有好多河童造型既手信/食物
河童橋係上高地最熱鬧既地方,食店都有好幾間 
和食,洋食,甜品......,總有一樣合心意
不過黎到河童橋之時,只係上晝11點,呢個時間就仲係無乜胃口食"提早午餐"
所以都係到肚餓時先"就地取材"啦!
安排好晒d鎖碎事,無晒負擔之後,咁又再出發喇! 
河童橋
河童橋既名稱來由係傳說古時,响呢度深水既地方係有河童既
另一個講法係當時因為無橋,而渡河既人會用衣物包住頭黎過河
咁遠望時就好似河童既造型咁樣,所以就叫呢度做河童橋
無論古時傳說既來由係乜,今年係呢個河童既100週年紀念
呢個河童果然係"不老妖精" 
古時呢度係無橋既,宜家就有喇!呢條河童橋可以稱為全個上高地最熱鬧既地方
實在係太多旅行團响呢度放低d團友影相
呢個景色又好似係上高地既地標咁,因為實在有太多人响呢度留影
以示自己曾經到此一遊
河童橋有無河童就唔知,不過呢度就有好多可愛鴨仔
可以响呢個咁靚既地方出世,生活,真係做鴨都要講命運安排
野生既鴨都唔會愁兩餐,自然有途人餵佢地,認真歎!
不過當呢度係嚴冬時,唔知佢地係點過活既呢?
野生鴨會有幾長命?要唔要冬眠架?....... 
網絡上短片 (大正池至河童橋)
沒有留言:
張貼留言