2010年一個人日本之旅-DAY 1@東京(再會了,零晨航班!)

 

 

同上年既遊記一樣,寫之前要剪彩先

では 始めましょう! 

2010年9月4日晚上出發去機場 

 

呢一次要同ANA呢架去日本羽田機場既零晨機

SAY BYE-BYE喇!  

 

今次係第二次搭佢,都係同佢暫別既時候

 

佢會服役到今年10月31日,唔知遲d佢會唔會復活返生呢?

 

 

一個人坐短途飛機 我必定揀坐窗口位 

 

而零晨機仲有可能見到黎明既美景

咁更加要一早霸定呢個靚位添

 

今次真係俾我睇到黎明啊!
唔記得點解上次又睇唔到既呢?  

 

 

 

响三萬尺高空上  睇到破曉時分呀.... 生平既第一次咋....
評價只有一個靚字!  

 

 

相片中既效果已經係大打折扣,影出黎比現場實景暗好多

連d雲都睇得唔清楚

 

真實既景色係靚好多倍,美景確實係只可以長留記憶中

 

希望我唔會咁快會患上"(邁向)中年失憶症"啦!

 

去東京既零晨航班絕對係令人疲累  

 

 

不過都係多得佢,我先會慳左一日時間提早去到岐阜縣開始觀光

 

如果係香港晨早9am出發去成田既航班

咁我都唔可能即日下午就去到岐阜縣

 

最後一班由新宿出發去岐阜縣高山市既高速巴士係16:00

 

如果坐朝早由香港出發既航班,响成田著陸都已經係15:00左右

 

都無可能用一個小時可以過到海關而仲飛到去新宿上車 

 

所以今次都係為左呢個原因

我先會選擇由東京入,大阪走,就係為左要坐呢架零晨機

 

 

 

一如上年坐零晨機一樣,响飛機上係無乜點瞓過

今次飛機起飛左差唔多兩個鐘

 

為乜仲唔熄燈俾d乘客休息?  

我仲以為佢地改左派餐時間  

 

 

唔通一上機就迫d乘客食飛機餐?食飽左咁仲點瞓呀?  

 

 

好彩唔係,都算佢地仲有d "人道常識"

 

 

 

呢次都係要同羽田空港暫別喇!所以要同佢留影  

 

雖然有新既航班取代呢班零晨機,都一樣係由香港直飛羽田空港

 

不過時間係下晝先由香港出發,咁d時間更加唔見駛

 

所以暫時都睇唔到未來我會再用羽田空港出入喇

 

 

 

 

今次响羽田過海關係嚴左,好多人既行李都俾海關要求打開黎睇下

 

唔知係咪時間太早,班海關職員得閒得滯要搵d野黎做呢?

 

上年响呢度就係因為聽唔明"肥海關哥哥"d日式英語

 

(我對大和人d"日式英語"真係投降架 )

搞到"肥海關哥哥"頭頂燒住一把火  

 

 

 

話唔信我逗留日本兩個星期只係黎觀光喎.....

 

 

今次就遇着個nice海關哥哥

 

不過我填入境資料時

泊宿地係寫住第二晚先入住既"長野縣松本東橫 inn"

 

咁就令"海關哥哥"有d懷疑喇!

 

佢考我呀....

 

 : 你黎日本做乜呀?觀光?.........

: 係呀!

(佢幾nice,幫我答埋喎,其實我都唔記得左"觀光"呢個日文點講)

 

: 你一個人?..........

: 係呀!一個人

(夠晒型喇卦!香港d女性獨立自主,巴渣燦雞......)

 

 : 你呢個咩地址黎架?........

: 酒店地址,松本既東橫inn

 

 

: 你點樣去松本呀?.........

: 坐電車囉!其實我今日係去新穗高

聽日先會去松本,後日去立山,最後會由大阪返香港....

(我上機前求其記過d地名全部大晒冷

後來我先知有d係記錯左,但佢都明我講乜喎!)

 : 你點去新穗高呀?..........

 : 坐高速巴士去

 

: 你去睇山呀?........

 係呀,日本d 山好靚呀!

(係真係假都要讚下佢地大和d 出品既,禮多人不怪嘛!)

 

 

雖則架零晨機搞到我"周公附體"但都不致於係"瘟神上身"  

 

 

我都算答得有紋有路(大方得體)  

 唔似係作大

 

咁佢就求其咁檢查我個行李就放我走人

 

臨走前 仲讚我d日文"上手"(叻)  

 

 

 

其實我d日文根本係"下手"(屎)就真

 

(呢d自欺欺人既高帽真係受唔起

咁當然就係耍手兼擰頭唔認啦,順便扮下謙虛啦!)

 

: 邊係叻唉,仲係好屎就真!

 

呢個nice既海關哥哥問埋d都係例牌問題

用少少智慧都估到佢會問乜啦!

 

 

如果佢讚我有智慧,咁我就一定會認

少d智慧都唔敢一個女子咁樣"橫行日本"啦! 

 

 

雖然自知自己d日文"屎",不過俾佢咁讚都真係鬆毛鬆翼左一陣架! 

 

 

陶醉完畢,就係要快快安頓好d野

之後就要趕去新宿上高速巴士

 

第一樣要處理既就係我呢個識行識走既大仔(大行李箱)

 

 

 

唔可能帶埋佢去山區 所以要搵"托兒服務"搞掂佢  

 

 

因為今次全個行程都不走回頭路,唯有拜託"宅急便"將佢送去大阪既酒店

 

而我就只係會揹個唔識行又唔識走既細仔(大背囊)上路

 

 

 

一出左羽田空港(國際線)禁區

就會見到有"ANA"同"JAL"既(蚊型)宅急便服務柜枱

 

如果唔嫌佢地貴幾百yen  

 

咁係可以一出禁區就將行李交俾佢地托運

不過我呢d"格價專家"事前做左咁多功課 

 

 

如果仲要俾d無謂錢人賺,咁真係抵打!

 

 

錢,係應花得花,唔應花就無謂花

 

 

 

要坐電車去新宿,就一定要坐機場接駁巴士離開羽田空港(國際線大樓)

 

去到terminal 1 or 2先會坐到電車,而terminal 1 & 2都有"黑貓宅急便"

 

橫掂都係要坐接駁巴士先可以坐電車,咁當然係去搵平少少又有名氣既

 

"黑貓托兒服務"啦!

 

睇下"黑貓托兒"個柜枱幾大,點都係覺得佢地專業好多

 

 

 

呢個"托兒服務"盛惠1370 yen,價錢由身高/體重/目的地黎決定

 

 

4日後返大阪先再會合呢個"大仔"喇!  

 

 

 

宅急便,click here~