2010年一個人日本之旅-DAY 1@奧飛驒(平湯溫泉)

 

 

9月5日(星期日),岐阜縣奧飛驒(平湯溫泉),夜 

遊覽完新穗高,咁就係返去平湯溫泉,終於可以慢慢睇下呢個平湯溫泉區

呢個係我由新宿坐高速巴士黎到平湯溫泉既巴士站

除左新宿線,仲有松本線

下次再黎呢度既話,咁好可能係經松本架喇! 

奧飛驒(讀音:陀)係日本其中一個好有名既溫泉區

呢個應該係"真"溫泉既証明啦 呢度係响1976年11月完成發掘嘅

平湯溫泉呢區並唔係好大,今次我泊宿既溫泉旅館係"山莊湯乃里"

距離巴士總站都只係5分鐘路程

要浸溫泉既話   可以幫趁"即日返歸溫泉",响巴士總站呢度都有兩間

由新穗高返到黎平湯溫泉,趁舖頭仲未關門就要逛下

巴士總站呢間大手信店响傍晚6點半就會關門

又一次令我覺得鄉間既生活幾歎,至少係無乜壓力,真係令人嚮往

黎到岐阜縣,一定會見到下面呢隻"似忍者又非忍者"既吉祥物

佢係猿ぼぼ,响以前鄉間既人會做俾小朋友既公仔

「さるぼぼ」既「ぼぼ」响飛驒方言中係「嬰孩」之意

咁「さるぼぼ」即係「猿寶寶」既意思

稱佢為「猿(さる)」除左係因為外型之外

仲有「災厄遠離 (災いが去る，"去る"音同"さる")」

「圓滿 ("圓"音同"猿")」,「良緣 ("緣"音同"猿")

同埋含有希望孩子好似猿一樣,活潑健壯既意思

傳統既さるぼぼ只係紅色,不過宜家就有其他顏色

每個顏色又有唔同既含意

响奧飛驒平湯溫泉區呢度,路上都設有d足湯,呢d 溫泉水有煙冒出黎架! 

雖然係設响街上俾途人使用

但其實係自發性咁希望使用既人會俾返少少錢,用以幫補管理開支

 

呢個溫泉區既坑渠就係會咁樣冒煙,証明d水真係熱架!

 

下面張相係另一間大規模既"即日返歸溫泉"--ひらゆの森

呢間既賣點係一共有16個溫泉

除左"即日返歸溫泉",都一樣可以泊宿,而且房租都幾相宜

如果唔介意任何時間都多人浸溫泉既話,咁呢間都係幾唔錯既選擇

"ひらゆの森"門外有個大"足湯

當日我路經呢度時,就見到"驚恐大發現"喇

相入面右下角呢3個人當時係笑得相當開心,咁到底有乜野咁好玩呢?

............. 


............. 


............. 


............... 


............ 

其實佢地係做緊"獵腸熱狗"....... 

吓!有無搞錯呀! 

d水都算熱架喎,我諗呢隻狗係會享受定還是係會覺得難受呢?

到底呢個係足湯?定還是係犬湯呢?

如果隻狗驚起上黎,會唔會即時瀨屎/瀨尿架? 

呢d人係咪咁無公德心呀? 





自私! 變態! 虐畜! 

 

呢度都有一間"平湯神社",睇完 日本人の知らない日本語 先知道

原來日本既神社門口係分別有一隻獅子同一隻狗黎守護嘅

响呢區既溫泉真係各式各樣都有

有溫泉旅館,有即日返歸溫泉,仲有兩個露天公眾溫泉

响呢度行入去就係露天風呂,黎幫趁既人都唔少架

係就係原始簡陋左d,不過呢度都分男湯/女湯

入面既露天溫泉就係咁樣 (網絡上圖片)


   

呢度仲有一間平湯溫泉區絕無僅有既合掌屋 

咁珍貴既合掌屋,當然係"重要文化遺產",供人參觀之用啦!

响平湯溫泉既路邊,間中會見到呢d用水(山水?)浸住既食物出售

但又唔見附近有收錢既地方/人,咁如果要買,咁向邊個俾錢呢? 

 

平湯溫泉(日文網站), click here~

 

平湯溫泉並唔係特色觀光區,應該話係一個俾遊客relax既溫泉區

如果唔係為左要去新穗高觀光既話,咁可以傍晚先黎到呢度

舒舒服服咁過一晚,第二朝再上路

我確實係幾鐘意呢度d 咁樸實既田野鄉間溫泉旅館

雖然比起嗰d 揚名海外既溫泉,呢度d 溫泉既可觀性可能係低d

但我會鐘意佢實而不華

反而嗰d名頌海外既溫泉區,我略嫌商業味太重!