私房雪糕

 

暑假都完左成個月有多,宜家先交暑期作業

這個夏天不太熱皆因為有佢~雪糕

屋企個焗爐要放悠長暑假

咁就要搵一年365日都不言休既雪柜代替焗爐黎等我响暑假時繼續有"細藝"

用雪糕機做雪糕就無乜咁特別好玩

都係用d最慳錢,最慳時間既方法黎做,咁先係樂趣所在

 

呢個夏天第一彈就係"綠茶味"

home made真係唔駛慳材料,從無食過咁濃味既綠茶雪糕(有少少甘味)

今次响日本都食過set lunch包送既綠茶雪糕

哈!竟然唔及我呢個咁濃味喎,咁點唔得係"自慢"之作呢?

 

第二彈係忌廉芝士味,好羶呀

.....唔掂!

 

第三彈係紅豆味

都係做雲尼拿味,然後食既時候淋紅豆醬响上面,咁會仲濃味

 

第四彈係黑芝麻味,的確係幾香,不過落得太多黑芝麻粉

搞到個質感唔夠實,有d散收收咁

 

第五彈係特濃朱古力味

又係因為係home made,所以重手落可可粉

我一向唔係特別鐘意食朱古力味雪糕

不過呢個絕對係暑假做既自製雪糕中,我覺得係最好味既

 

第六彈係咖啡味,咖啡味濃左d,搞到有少少酸味添!

第七彈係椰子味,味道就一般啦!

 

原來一個暑假之後,就食左咁多唔同味道既雪糕

晚飯後食一球都真係至高享受,呢個夏天無乜點肥到都算係萬幸

 

自製雪糕做法,click here~