2010年一個人日本之旅-DAY 2@長野縣-上高地(梓川右岸道,明神橋)

 

9月6日(星期一),長野縣上高地,上午天晴下午大致天陰 

 

 

過左河童橋先係啱啱去到呢次行程既一半,要"朝拜"既明神池仲距離我好遠

行到黎呢個"岳沢口濕原",聽到幾個日本人响度WE-WE-WA-WA

又八卦入去睇下先.......有乜睇呢 

 

佢地就係WE-WE-WA-WA呢d海藻,真係好多喎!

我認得佢呀,佢好似係"中華沙律"入面既海藻呀!

d水清到咁,可以响一個環境被保護既地方生活,條魚都歎到唉~

响河童橋行去明神池係沿住梓川有左右兩條路

左邊梓川右岸道(濕原+木道),大約要行75分鐘先去到明神池

右邊係梓川左岸道(石屎路),行呢邊就會快d到明神池,大約係60分鐘

我去程揀左行濕原+木道 回程先係行梓川左岸道

行濕原係兜遠左少少,仲有石級,不過風景就係呢邊靚好多

 

 梓川左岸道

呢邊因為近住條河,所以風景好d,而且一直行仲聽到流水聲

 

好明顯連觀光既路都係有悉心咁設計過既 

我幾鐘意呢段路架

 

唔只係風景,連响呢邊行既人都係友善d

當我向住明神橋出發時,已經有唔少人係迎面而黎,佢地係回程返出河童橋

其實大家都行到幾辛苦 

擦身而過時  佢地又會好主動咁同陌生人點頭打招呼

我諗當我响呢邊行到明神橋之前,大約都講左70-80句 "こんにちは"

鄉間既人會比較友善,咁如果冷漠既城市人黎到呢度

佢地對陌生人都會變得友善d 呢?

咁如果好似我以前嗰個"自慢東京人亞sir"黎到呢度

唔知佢會唔會繼續都係呢個樣呢? 

呢位同學又响背後嘲諷老師?!....... 

絕對抵打!

終於都行左2/3路程,仲有1.1km就去到明神池 

不過我係去左明神橋先

最靚,最神秘(要俾錢)既明神池當然係留到最後先出場啦! 

哇!明神橋在望喇!我終於都黎到目的地喇! 

 

 明神橋

呢條橋同河童橋真係完全唔一樣

梗係啦!河童係妖精,呢條話晒都係明神橋喎! 

睇佢幾有氣勢  高大威猛,佢背後既靠山就係明神岳喇!

最高呢個山峰係"最南峰"

 

 

朝早見到明神岳時,佢仲係遙不可及咁遠架!

終於都排除萬難咁去到佢面前喇........ 

 

呢度清靜好多,遊人都少好多

願意花腳骨力行入黎呢度既"有心人",就係可以得到呢份寧靜既回報

雖然我張張相都影到好似無乜人氣咁,其實呢個上高地都多遊人架

過左河童橋之後的確係少左好多"懶人"

不過仲會行入去明神地區既人都唔少架

我諗我最長都只係試過3分鐘時間係身邊無其他途人架咋!

 

宜家既明神橋係2003年先建好

1980年時既明神橋係下面呢個樣既(網絡圖片),呢個模樣同田代橋差唔多喇!

 

網絡上短片(河童橋,梓川左岸道,明神橋)