總網頁瀏覽量

2014年8月30日 星期六

2014 日本之旅 DAY 7 @ 大阪 - 回歸城市茹毛飲血



 
2014年5月9日~星期五,神戶天氣 photo sun0268.gif海上有點冷 photo weather0215.gif


 B097 photo 04-1.gif
 
 
終於都係回程返回大城市,哩次旅行嘅冒險部份又平安咁完成左

响小豆島有船直達神戶,上船嘅碼頭係坂手港 


 
 
行去售票處買票,售票員叔叔話要填表格喎,吓~咁認真嘅!
 
 
 

 
 
由坂手港去神戶一日有4班船,大人單程1940日元
 
 
 
第一班係07:20出發,其實最初白伽煎有諗過坐哩班船
 
反正"二十四の瞳映画村"嘅觀光吸引力又無乜,咁早啲返大阪都好

 
後來考慮埋太早起身响酒店趕巴士去坂手港,咁都係壓力
 
而且如果坐第二班船去神戶,咁中途就有一個觀光點,到底係乜?睇落去就知


 
船黎到,其實哩張相有啲想影個踎地姐姐
 
响大和間中都見到有後生人會踎响地下,哩啲同我國同胞咁相似嘅行為
 
點能夠唔影呢?
 
 
 
哩次係第二次响大和坐長途船,哩條航線有女性專用船艙,實在係細心

 
仲有漫畫睇,俾乘客打發時間

 
 
見到瀨戶大橋時,船艙甲板上集合左一堆人,其實甲板上都幾凍
 

 
 
如果跟鴨仔團嘅話,哩條瀨戶大橋都係行程景點之一
 
不過都應該唔會好似白伽煎咁樣,响橋底用高炒角度黎欣賞


 
哩次係自由行,講真只係瀨戶大橋就無乜吸引力
 
不過如果加埋哩一片夕陽嘅話,咁就唔同講法喇!

 
 
响小豆島上無入住响國民宿舍,咁就跟準備收工嘅太陽伯伯緣慳一面

 
 
不過响哩次刻意安排嘅航程入面就補返數

 
 
即使甲板上好大風,又有啲凍,不過都係值得嘅
 
响香港日日都勞勞碌碌,邊有哩份閒心停落黎欣賞夕陽呢?

 
 
大約晚上7點,船都抵達神戶港,再渡踏上大城市
 
由碼頭徒步去車站都要25分鐘

 
 
仍然懷緬緊小島嘅簡樸寧靜,突然被城市嘅嘈音+急趕嘅步伐從四方八面湧黎
 
實在有啲唔習慣,需要啲時間去適應
 

 
 
 
坐JR返到大阪梅田之後,趁啲商場仲未關門,要快快買埋友人托買嘅野
 
買晒嘅話,之後兩日都唔會再去梅田,响大阪嘅行程仲忙過之前嗰幾日
 
 
 
 
買完野就要去醫肚,上網揾到本町站有一間口碑都可以嘅居酒屋
 
有馬肉刺身食呀!!!!!
 
白伽煎嘅至愛大和食品之一,點可以錯過

 
不過哩間店唔算易揾,網頁入面寫:地下鉄御堂筋線本町駅 徒歩1分
 
响GOOGLE MAP揾地點時,車站5號出口係最近
 
咁白伽煎自然覺得要走出車站,响地面揾入口
 
就係咁樣就錯晒啦!
 
 
白伽煎响哩度兜兜轉轉左20分鐘都揾唔到
 
時間又越接近打烊時間,就算揾到都可能已經過左LAST ORDER時間而被拒門外
 
LAST ORDER時間係22:00
 
況且白伽煎訂左嘅住宿要响23:00或之前辦理CHECK-IN
 
最後決定放棄,落返車站準備離開
 
返落車站仲係有啲唔甘心咁四圍就意一下,就見到哩個地下出口都係5號出口
 
突然覺得會唔會哩個先係入口
 
 
 
 
BINGO!完全正確,真係哩度
 
白伽煎响門口有點猶疑,因為怕已經過左LAST ORDER時間
 
後來係有個服務生出黎接待白伽煎

 
 
獨闖大和咁多次,哩次係第一之光顧居酒屋,仲要係星期五晚上
 
估計會有好多上班族放工後去居酒屋消遺,應該會好熱鬧
 
白伽煎响大和一個人食飯時,會盡量避免去人多而且熱鬧嘅地方
 
免得相比之下,自己會有寂寞嘅感覺
 
不過哩次為左食哩件馬肉刺身,咁就要放低偏見,一於少理
 
不過事實上哩間居酒屋入面哩客人都唔算太嘈吵熱鬧

 
 
只係食馬刺身係唔夠飽嘅,白伽煎仲注文左一客"芝士明太子薯仔"+橙汁
 
 
 
主角馬刺身出場,當然都係好味
 
但比起第一次响松本食嘅馬肉刺身,哩個真係比下去(馬刺身係松本名物)
 
松本嘅係更軟身,更稔
 
 
而哩個"芝士明太子薯仔"就超讚,芝士一啲都唔慳住用
 
全個都係濃濃芝士味
 
 
 
居酒屋網頁:http://www.kens.fm/tsukushi/

沒有留言:

張貼留言