2014 日本之旅 DAY 4 @ 阿波池田 - 晚餐～DON'T甩絕

 

 

2014年5月6日～星期二，阿波池田天氣：


 

 

 

17:30到左阿波池田站，本來2012年4月時已經係黎左哩度觀光

 

但當日日本本洲刮起一陣嵐（暴風）當時白伽煎身在岡山

 

準備坐JR列車到阿波池田，但一場嵐令西日本嘅JR停駛

 

無奈之中唯有即時取消四國行程，確實係天有不測之風雲

而哩次終於黎到就係天氣相當好

 

 

 

 

要趁未天黑就要摸清楚明天要上車嘅車站

 

翌日行程緊湊朝早7點要上巴士，每一程觀光時間不能有失

 

事實上，四國哩個地方公共交通班次比較疏，自駕遊反而係合適啲

 

如果要坐公車嘅話，就要好似白伽煎咁，一分鐘都不能有失 

 

 

 

到埗後好快揾到翌日上巴士嘅車站

 

 

 

 

 

哩個都係巴士站，既係公巴總站，又係觀光巴士嘅購票地方＋上車站

 

 

其實黎哩區觀光又想懶計劃的話，坐觀光巴士都係另一個選擇

 

至少唔需要咁早就上車觀光

咁當然係會錯過一啲景點，都係因為咁白伽煎就選擇自己坐公車

 

http://yonkoh.co.jp/

 

 

估唔到哩度會有大型商場，有超市，又有DAISO

 

之前白伽煎驚住晚飯無着落，所以離開鳴門時已經準備好 

 

 

 

 

 

 

 

為左要趕坐朝早7點嘅巴士，咁住近車站係必需嘅

哩間旅館由車站行去大約係2分鐘，自訂酒店網嘅評分都唔錯，有4分（滿分係5分）

 

白伽煎嘅房間响二樓




房間望出去 

 

哩日黎到CHECK-IN時，响玄關叫左好耐都無人應

因為佢地响廚房準備緊住客嘅晚餐






全間旅館有客房13間，白伽煎入住嘅房間响二樓，名叫＂花＂

 

 

設備都好齊全

 

 

 

傳統旅館嘅洗手間都係公用 



 

 

房間入面有洗面刷牙嘅地方，至少唔會一朝早就鴉烏樣咁走出房間梳洗
 

浴場都係公用

一個人去過咁多次大和，白伽煎對於用公眾浴場已經係豁左出去

哩間旅館有樣野係相當好，話就係公眾浴場

但只要佔用人掛上＂使用中＂嘅牌，咁就等如可以暫時私有化

 

 

 

 

 哩間旅館設有和菓子店咁當然係會向住客推介佢地嘅和菓子啦

哩個係饅頭，不過白伽煎就無食到，都無攞走，繼續原封不動

 

關於哩間旅館，可以睇佢地網站：http://cn02.awaikeda.net/~fukuya/


哩次白伽煎只係齋泊，唔係為左想慳錢

而係哩日唔肯定自己會坐幾點車，由鳴門黎到哩度



如果訂左晚餐，咁就要心掛掛趕住去到旅館CHECK-IN，佢地開餐時間係晚上6點

無謂自己急趕，又怕對方以為住客甩底，咁都係晚餐自己搞掂就算





MR. DONUT係响鳴門買嘅

士多啤梨，咖啡啫喱係响哩度嘅大超市買嘅

 

 

MR. DONUT嘅新商品CROISSANT DONUT

分別係朱古力味，楓葉蜜糖味，果仁碎白朱古力味

 

 

 

 

 

入面係層層酥，哩餐真係肥屎人

 

其實買兩個都夠，但為左有個盒方便＂遠征＂，所以先買夠3個架咋!

 

 

响大和買哩啲大牌子即食甜品，白伽煎一直只認為＂脫印＂係最好味

其它品牌多數都唔多掂，哩個信念＋經驗果然無錯

哩個＂估歷嗰＂一樣唔多掂

 

 

 

  哩晚好早就瞓，無夜生活嘅地方就係可以咁樣早睡早起