2014 日本之旅 DAY 6 @ 小豆島 - 融化冷漠的心

 

 

 

 

2014年5月8日～星期四，小豆島天氣極強紫外線

 

 

 

 

 

 

响橄欖公園巴士站附近有個觀光協會，有需要可以去查詢觀光事宜

 

 

 

食得飽飽之後要散步，消耗啲肥脂肪，終於都到主角出場

 

 

 

 

 

 

 

大和人崇洋，唔少城市都充滿西洋味

 

對於一個响殖民地出生成長嘅人就唔會對哩啲西洋風有瘋狂嘅崇拜

 

唓！香港大把啦！

 

 

 

從來對於哩啲西洋風味嘅城市都能冷眼欣賞

 

但哩個小豆島終於都攻破左白伽煎一直以來都冷漠嘅內心

 

 

 

其實白伽煎最愛嘅係小豆島嘅陽光，太陽伯伯跟哩個環境，完全係無懈可擊咁攻陷人心

 

 

 

都因為哩度嘅陽光，由希臘移民黎嘅橄欖先得以落地生根，揾到個歸宿

 

都因為咁樣先有資格同希臘愛琴海嘅米洛斯島結為姐妹島

 

 

公園內有好幾個希臘神象

 

ATHENE係希臘神話中嘅處女神，備受希臘人民崇

 

 

响小豆島上如果揾到心型嘅橄欖葉，係可以摘去留紀念

 

哩啲心型橄欖葉被稱為：幸せが続く（持續幸福）

 

 

 

 

終於都到主角中嘅主角出場，哩個風車肩負起小豆島宣傳大使嘅任務

 

只係哩個風車都謀左白伽煎唔少時間去影相，完全係值得 

 

 

安排泊宿响小豆島，就係為左可以慢慢欣賞哩個地方

 

不出所料，白伽煎就係會為佢著迷

 

 

 

 

 

 

由烈日當空影到黃昏都影唔厭

 

 

 

晚飯响哩度解決，其實哩度係温泉，內裡有一間餐廳

 

 

 

 

食物選擇唔多，同樣都係價錢相宜

 

 

 

注文漢堡牛肉套餐

 

 

 

 

 

相比起午餐，白伽煎就覺得午餐好味啲

 

哩塊漢堡牛肉完全無質感，＂淋姐姐＂咁

 

 

 

 

餐廳有個大露台

 

 

哩個傍晚時間睇到少少晚霞，哩邊就睇唔到日落

 

但係哩一片廣闊嘅視野都相當迷人

 

 

 

 

一個無夜生活嘅小島，哩區連便利店都見唔到

 

食完晚飯就係返酒店休息，白伽煎泊宿嘅酒店响橄欖公園再行上啲 

 

閒日單人入住，酒店安排一間三人房，最重要係全海景

 

 

 

一晚房租只係5500日元（齋泊），相當超值

 

 

 

 

白伽煎去到日本鄉間小鎮，總係好鐘意响晚上時看星星

 

生活响光害城市中，根本好難見抬頭就見到星星

 

温文嘅星星光芒，無論如何都敵不過各式各樣嘅人造強光

 

 

 

哩晚沖完涼著住浴衣，白伽煎走左出酒店外面睇星星

 

雖然唔算太明顯，抬頭都要細心留意先見到微弱嘅星星光芒

 

雖然微弱，但真係滿天星星，白伽煎再一次覺得自己無黎錯，亦都無愛錯哩個地方

 

北情此景只能留在回憶中

 

  

 

哩個橄欖公園令白伽煎愛上哩個小島，愛上佢嘅悠閒，愛上小島上嘅人情味

 

已經係第二次黎哩度，將來應該仲會有第三次