2014 日本之旅 DAY 6 @ 小豆島 - 尋找キキ的足跡

 

 

 

2014年5月8日～星期四，小豆島天氣極強紫外線
 

 

 

 

 

搭左一程順風車就趕到巴士去下一個景點:Oliver  Garden (橄欖公園)

 

其實巴士都只係幾個站，車程大約10分鐘，見到地標巨型牌就可以落車

 

 

 

哩晚泊宿响 Oliver Garden 再向上行嘅（半山）酒店，落左巴士要行一段斜路

 

首先去酒店放低個＂細仔＂行李，小豆島哩個地方就係咁樣紫外線爆燈

 

都因為天氣咁好

 

所以由1908年(明治時代)日本引進橄欖樹响三重縣，鹿兒島，小豆島都栽種

 

唯有小豆島成功培植，咁欖橄响日本第一個落腳地係小豆島

   

斜路行到半山先見到酒店嘅牌




白伽煎哩晚就係泊宿响哩度，酒店似係旅館咁樣





有哩似富良野或者清里高原嘅民宿，但係哩間確實係房間內有自家洗手間，浴室嘅酒店

只係規模就係XXXS啫！

 

 

 

 

朝早11點半入到酒店前台，人影都無一個

 

 

只見到枱面有哩個訊息，要打電話CALL職員返黎

 

即使係操低級程度日語，响哩個時候都係要頂硬上

 

其實都只係要講：我訂左房間，宜家响前台等緊，想寄存行李

 

 

職員好快就黎到，無着制服，所以話哩間似係家族經營嘅旅館，好有親切感

 

叔叔仲同白伽煎閒聊左一陣，仲話：你都幾認識哩個地方喎！

 

梗係啦，舊年黎過，上年黎過喇！

 

 

 

原來哩兩日都有個香港女仔一個人泊宿响哩度，哩個女仔係黎日本讀書

 

不過白伽煎同哩個女仔就緣慳一面

 

基本上响哩間酒店泊宿時，只係見過兩個輪班嘅職員，連其他住客都無見過

 

放低＂細仔＂行李之後就要去揾キキ(KIKI)

 

キキ係邊個?......正是她!

 

 

 

離開酒店大約10-15分鐘路程，就會揾到DUTCH CAFE

 

 

哩度就係魔女宅急便嘅拍攝場地，哩日白伽煎諗住响哩間 CAFE食午餐

 

https://www.youtube.com/watch?v=HEVRSg_54Qo

 

 

 

 

 

 

但係好可惜招牌掛住：本日CAFE休業嘅通告，原來星期四係定休日

 

 

咁無法啦，唯有响哩度影下相就算

 

 

 

早在魔女宅急便响哩間CAFE拍攝前，白伽煎已經响旅遊天書度睇過有關哩間CAFE嘅簡介  

 

 

據說係一個德國男人跟一個日本女子結婚後，定居响哩度，以開CAFE過生活

 

可能因為男主人係外地人，所以四週環境裝飾都充滿西洋味

 

建築物上本來有風車，而且係可以真正用來發電，係男主人一手一腳自家製

 

其實小豆島哩度確實有啲西洋風情，黎到哩度CAFE例休

 

咁就同男女主人緣慳一面

 

 

DUTCH CAFE定休，咁都要揾地方食午飯

 

一向都好堅持要食得好嘅白伽煎，黎到哩個公共交通唔方便嘅地方，終於都要屈服

 

無私家車，咁食飯嘅地方只能就地取材，响附近嘅食店作選擇

 

哩日去左橄欖公園入面嘅餐廳

 

 

 

餐廳嘅內觀

 

 

 

位於橄欖公園二樓，開放式，可以睇到樓下

 

 

 

食物選擇唔太多，不過價錢就相當相宜

 

 

 

橄欖公園嘅食材當然唔少得橄欖哩個大主角

 

白伽煎叫左哩個Basil香草意粉

 

 

 

套餐包括意粉，沙律，面包，仲有飲品

 

雖然哩間食店口碑只係一般

 

不過對白伽煎黎講，仍然係一間誠意食店（同香港食店比較嘅話）

 

哩個質素，哩個價錢，哩個環境，响香港根本食唔到

 

 

 

 

 

响日本食店，不論季節，90%係提供冰水，哩樣野白伽煎一直都難以理解

 

日本人以長壽見稱，但冰水對身體唔好，哩個係公開嘅事實

 

咁為乜無論季節都要向人客提供冰水呢？

 

 

 

 

基本上白伽煎係戒左有冰嘅／太凍嘅飲品，尤其係飯後食左滿肚油膩食品

 

仲倒一杯冰水入肚，咪即係急凍胃入面嘅食物，令油脂响身體入面凝固

 

相信咁樣唔會有益身體

 

 

 

餐廳入面掛住幾張漫畫，哩啲簡單線條嘅畫風吸引住白伽煎