2014 日本之旅 DAY 7 @ 小豆島 - 温文的橄欖

 

 

2014年5月9日～星期五，小豆島天氣極強紫外線





早睡早起，哩朝早5點就醒左（之後再瞓返），打開窗簾就見到已經天光左嘅景色

 

 

 

瞓醒一覺就梳洗CHECK OUT，同前台嗰位親切嘅叔叔閒聊左幾句就再度踏上旅程

 

今晚白伽煎就會再度回歸大城市，哩種純樸嘅人情味都即將告一段落

 

 

 

閒日酒店餐廳不予開放，唯有再返橄欖公園入面嘅餐廳醫肚

 

 

早餐有兩款選擇，價錢都750日元

 

第一款係甜食：雪芳蛋糕＋自選花茶

 

 

 

第二款係多士＋沙律＋自選花茶

 

職員問白伽煎要揀邊款？

 

乜野可以揀？白伽煎就以為係2款果醬＋2款橄欖油任擇其一

 

職員話唔係，係揀DRINK!

 

白伽煎以為只有普通COFFEE OR TEA，咁咪叫LEMON TEA囉！

 

誰知個職員面有異色咁就行左去，結果送來嘅係花茶

 

既然都溝通唔到，職員就索性唔問

 

 

 

哩個套餐最特別係有2款果醬＋2款橄欖油可以搽多士

 

 

 

左起：草莓果醬，橄欖果醬，小豆島出產嘅橄欖油，意大利出產嘅橄欖油

 

前面三樣都可以响小豆島紀念館買到

 

 

意大利出產嘅橄欖油比小豆島出產嘅更好味，橄欖味更温和淡然

 

不過其實小豆島自家出產嘅橄欖油比起香港市售嘅一般橄欖油，味道都較温和

 

高級貨就係要有哩份低調有層次嘅風格

 

 

 

 

响大和嘅食野，佢地俾嘅醬汁永遠都係多過需要

 

香港就絕大多數係相反，醬汁嘅份量永遠少於所需

 

 

 

食完早餐仲有少少時間响橄欖紀念館逛一陣

 

哩個梳打水又係要一試先代表响小豆島一遊過，除左有橄欖味，仲有醬油味

 

上年黎到時試過第一時間味嘗過橄欖味，哩次要試醬油味

 

醬油都係小豆島另一名物，响島上有唔少醬油製造工場供遊客參觀

 

 

 

 

不過醬油味嘅梳打水就無橄欖味嘅咁出色

 

哩日唯一景點係二十四の瞳映画村，坐巴士去

 

 

 

二十四の瞳响大和係相當出名嘅劇集／電影，已經响不同年代屢次被翻拍

 

但名氣只响日本本土，外地人就一無所知

 

哩日白伽煎之所以會黎哩度，只係因為下午會响坂手港去神戶

 

咁哩個景點同坂手港都好接近，咁先會安排到此一遊

因為對哩套電影完全不認識，所以都不能投入

 

 

 

 

 

 

 

 

 

 

 

Ｎ年前田中裕子都拍過哩套劇

 

 

 

 

 

 

 

 

 

劇入面有學生嘅午餐，响哩度都有得食

 

其實只係湯＋牛奶＋面包＋ 水果

 

 

 响哩度有洋食店，和食店，白伽煎就揀左洋食店

 

 餐廳入面同時做緊電影展覽，唔係幫趁都歡迎入進參觀

 

 白伽煎就注文左可樂餅定食，950日元

 

 

 

 

計好時間要坐巴士去坂手港，去神戶嘅船，一日只有三班，所以絕對不能有延誤

 

 

哩架二十四の瞳映画村嘅巴士，只會有假日先會行走