2014年5月7日~星期三,祖谷天氣
高松

觀光第四站(最後一站)大步危峽(觀光時間13:38-15:38)
哩度有餐廳,但白伽煎最後都係無响哩度食,因為個心已經期待緊晚餐
一片魚旗景色都相當壯觀,如果連哩一片魚旗都無
咁應該白伽煎會連哩個景點都唔會考慮
由阿波池田坐6個車站到琴平
當然又係睇完食評網站,比較高分數嘅烏冬店啦!

觀光第四站(最後一站)大步危峽(觀光時間13:38-15:38)
哩日行程終於去到尾站,每程也準確無誤地上巴士,落巴士,觀光,再上巴士
最後一站係大步危峽

大步危峽嘅活動係遊覽船,欣賞哩度嘅山河
係咪坐遊覽船,出發前都未有定案,因為上網睇過人地拍嘅片
似乎唔坐都無損失,坐左又唔見得有咩驚喜
咁就到時睇心情先決定
咁就到時睇心情先決定
其實就係响哩條河遊覽,全程大約係15分鐘
最後都係決定唔坐船
留响哩度影下相,睇下手信就算
一片魚旗景色都相當壯觀,如果連哩一片魚旗都無
咁應該白伽煎會連哩個景點都唔會考慮
响哩度遇上了定期觀光巴士,佢地嘅行程尾站一樣係大步危峽
觀光巴士係予約制, 大人費用係6400日元,包括午餐+景點入場費
其實哩日白伽煎自己坐巴士,自費入場票,無食午餐,盤川都唔係平過6400日元好多
因為祖谷坐巴士都相當貴,有兩程比較遠嘅,每程都大約1000日元
不過即使係咁,白伽煎仍然認為自己嘅行程比坐觀光巴士好
咁其實兩者响安排上有乜分別呢?
祖谷温泉
:觀光巴士不設哩一個景點(白伽煎逗留2小時35分鐘)
小便小僧:觀光時間10分鐘(白伽煎逗留左30分鐘)
鄉土料理:享用時間50分鐘(白伽煎無食午餐)
祖谷かずら橋:觀光時間45分鐘(白伽煎逗留左90分鐘)
平家屋敷:觀光時間20分鐘(白伽煎無去哩個景點)
道の駅大步危:觀光時間20分鐘(白伽煎無去哩個景點)
大步危峽乘船-觀光時間55分鐘,包活乘船(白伽煎逗留2小時但無乘船)
對於以上嘅行程,白伽煎最推薦嘅係祖谷温泉
錯過係損失!
唔坐船而要响大步危峽消磨2小時確實係唔容易
影相都影唔到2小時喎!
最後就係以食黎打發時間
相片中哩個香蒜味JAGABEE係"期間限定",不過唔見得好出色
唔食都無捐失,食左就會"大口氣"一口蒜味
終於HEA到15:38,可以坐巴士返JR阿波池田站,正式告別德島,今夜泊宿在高松
16:14返到JR阿波池田站,趕住坐16:32嘅JR去高松
買車票時發生一個"懶醒嘅小誤會":
白伽煎去到票務處同個職員叔叔講:要買車票去まつもと(松本)
只有低程度日語嘅白伽煎將高松(たかまつ)講左"松本"
當時職員叔叔眼到突埋咁重覆:まつもと(松本)ですか?
當時嘅對話仲吸引埋票務處另一位一直在埋頭工作嘅職員,兩個人都面露異色
當時白伽煎有啲不耐煩
咁唯有又揾啲預先準備好嘅烈車時刻表出黎
到白伽煎發現自己講錯地點時
佢地兩個先鬆一口氣
的確,黃昏先响德島坐JR去松本?至少都要翌日先到松本喎!
同埋相信哩個路程嘅話,啲人會選擇坐內陸機
終於都上左JR,向高松出發,中途要响琴平轉車
由阿波池田坐6個車站到琴平
轉車後再坐9個站就到高松
18:20就到左高松,放工時間嘅高松,都唔見得人潮濟湧
已經係第二次踏足高松,第一次係過境咁快閃
計劃行程時考慮過响高松逗留觀光,但係睇左好耐,高松都無乜值得觀光嘅景點
所以哩次都一樣係為食一碗咖喱烏冬而過境高松
到埗後第一時間係去酒店CHECK-IN
放低件小行李
東橫INN座落响最有名嘅商店街,距離JR站大約8分鐘(徒步)
全條商店街裝飾得最靚嘅就係名店雲集嗰段
雖然係全城最有名嘅商店街,但係哩個晚上8點已經係大部份舖頭都關門
只剩下彈珠店,食店,便利店
今次黎到高松,仍然係去返上年嘅烏冬店,名符其實係「食過番尋味」
上年黎到高松哩度係星期五晚上,正值係上班族嘅 HAPPY FRIDAY
街上食店都相當熱鬧,但哩次再黎到高松就係GOLDEN WEEK之後嘅翌日
街上相當冷清,連食店入面嘅人客都唔多
坐低注文時都無需花時間再揀,情有獨鍾都係咖哩烏冬
食店推介係牛しゃぶカレー,咁就注文哩個啦
手打烏冬口感係彈牙,再加上哩碗"杰撻撻"嘅咖哩底,完全唔係湯底
濃度可以媲美為"獻汁底",為左佢而專程去高松,完全係值得
响便利店買左啲零食,哩個"嗚自"嘅抹茶朱古力要讚
抹茶味好濃,朱古力都好滑
不過另一個"嗚自"嘅綠茶朱古力就相當難食
朱古力外殼口感好似泥一樣
而"些粉"出品嘅KARI KARI TRIPLE CHEESE就只係一般
芝士味唔太明顯,但就偏咸



.jpg)
沒有留言:
張貼留言