半澤直樹

 

「下屬的功績是上司的功勞，上司的錯失是下屬的責任。」

這句據說在銀行界流傳的話

出自近期大熱日劇《半澤直樹》，令很多打工仔深感共鳴。

實在好耐無試過煲戲,又實在好耐無感受過乜野為"張力"?



這齣劇平均收視率由第一集的19.4%，攀升至第五集的29%，穩坐今年收視冠軍。

估計《半澤直樹》有望打低《家政婦三田》嘅紀錄,收視衝過40點



世上太多不公義嘅事,又太多人會倔服於惡勢力,埋沒自己嘅正義感,良心

能夠响電視上見到仲有不向惡勢力低頭嘅人,真係好似"心靈雞湯"一樣



白加煎哩啲女生對咁複雜嘅職場手段就更加係見到都覺得煩

但難得仲會唔怕煩咁煲哩套《半澤直樹》

就係為左半澤嘅一份不畏強權嘅勇氣






半澤任職東京中央銀行的大阪西支店當融資課長

當時日本經濟繁榮,加入銀行就等於一生無憂

半沢因為上司的"故意"錯誤+個人利益收受,錯批5億日元貸款俾一間帳務不清嘅企業

企業收到貸款後着草,上司將全部過失推到課長半澤身上

遇強越強嘅半澤,由銀行融資部課長搖身成為半職偵探

誓要追回5億貸款,實在精彩

堺雅人嘅演出更加要讚

嗰種响上司面前不屈,不怕,不唯命是從嘅表現,完全係男人嘅表現



劇中半澤經常會講:做到嘅話,要你雙倍歸還





劇中更加鐘意上戶彩飾演嘅太太-半澤花

性格爽朗聰明識趣.對丈夫嘅能力完全信任嘅太太

如果自己丈夫被塞死貓而令銀行虧蝕5億,隨時飯碗不保

身為太太必定非常騰雞,但太太竟然若無其事咁相信丈夫

其中必定要樂觀接受到做落難夫妻嘅心理準備

一個工作上承受咁大工作壓力嘅男人

背後仲係要有咁樣嘅太太去支持先可以繼續戰鬥

頭5集,半澤為銀行追回5億貸款

趕走左屈佢嘅上司流放外地,仲升職由大阪分行去到東京總部嘅"精英部門"

預告片話劇情下半部涉及120億日元嘅金額

應該要交待半澤誓要任職哩間令佢爸爸上吊自殺嘅銀行,到底有乜目的?

會唔會不畏強權嘅半澤到最後,原來佢先係一個大反派?


很期待!



網上劇評


【日劇】05/15：堺雅人主演夏季TBS日9《半沢直樹》，故事以泡沫時代的銀行作舞台，主角半沢直樹作為精英銀行家被指騙取融資含冤，決定和銀行內外的敵人對抗，揭開重大陰謀。共演有支持她的爽朗妻子上戶彩，銀行高層香川照之及北大路欣也，此外還有及川光博、中島裕翔、壇蜜等，卡士豪華。詳細介紹：
堺雅人主演夏季TBS日9《半沢直樹》，直木賞作家池井戶潤小說原著，故事以經濟泡沫時代的銀行作舞台，當時經濟繁榮，加入銀行就等於一生無憂，銀行家是精英的代名詞。主角半沢直樹（堺）就是當中的精英銀行家，在東京中央銀行的大阪西支店當融資課長。
他聽從淺野支店長的指示，向西大阪鋼鐵進行5億元的融資，當中並無擔保。該公司表面上是優良企業，但暗裡卻隱藏著莫大的負債，結果公司在融資3個月後倒閉，半沢及一眾銀行職員被指合謀騙取融資。全文請CLICK


TBS官方網頁(日語)


火速煲完全劇之評語:

果然係上半部比較精彩緊湊, 下半部半沢為銀行追回120億貸款,過程比較合符現實

不過整體來說也是一套好戲