
2013年6月17日,星期一 (早上), 京都天氣
行程返到大阪,只會逗留兩日就結束,本來尾二哩日都計劃左要去京都
但只係打算去祇園食鯖魚壽司,順便去白川,咁就返大阪SHOPPING
不過前一晚友人突然話好想去清水寺,又好想去嗰條古都舊街,咁白加煎就諗緊改行程
京都清水寺,二寧坂一帶,白加煎都數唔到自己去過幾多次
不過去過唔代表唔可以再去,即使去過N次,只要旅行係開心都值得再去
原先哩日係打算上午去京都,午餐食鯖魚,之後快閃返梅田
下午去大阪OUTLET,晚飯去谷町區嘅"谷町一味禪"
餘下時間返心齋橋繼續SHOPPING
結果因為友人一句:我想去清水寺",全日行程就打亂晒,當時白加煎都諗唔到行程次序
只知道一早出發去京都,食完鯖魚壽司先再諗下一站
哩日早出發,既然要去咁多地方,所以响大阪坐地鐵時就買左"1日乘車劵"

避開返工繁忙時間去到梅田站就轉車坐JR去京都
點知遇上事故"有人跳路軌",去京都嘅列車全部停駛,咁又阻延左20分
去到京都站,白加煎一如地頭蟲一樣,一閃就去到巴士站等巴士
當然為方便觀光,都係要買"一日乘車劵(KYOTO CITY BUS ONE-DAY PASS)

去清水寺,落左巴士仲要行一段斜路,烈日當空,越行越受不了
中途要買雪糕消暑
賣雪糕舖頭就有好多,揀左哩間有日本酒アイス

其實預左係無乜味,結果真係食唔到日本酒味
不過好欣賞哩個花托型嘅雪糕杯,雪糕唔怕溶到流晒出黎

永遠都人多嘅清水寺,其實响清水寺,每次都遇到黎見學嘅學生,一大群一大群人
仲有來自四面八方嘅旅行團,點會唔迫爆人呢?

有個職員响度解釋哩幾舊重鐵,白加煎當然聽唔明啦

哩啲咁重嘅鐵柱,鐵屐,女仕們真係攞唔起,會唔會係刑具呢?

難得影唔到有人入鏡嘅清水寺,不過清水寺進行大修中,有啲地方用圍板封住

求良緣嘅地主神社


哩舊石頭據說可以測試良緣幾時黎
只要閉上眼都可以行到去10米對方另一舊石,咁就代表良緣好快黎到
又或者跟從身邊人指示都可以去到對方另一舊石,咁就代表哩個係有緣人

黎到京都好多繪馬都見到中文字
相中哩個係LO B豬,傻妹STEP,2013年10個月(6月5日)一生一世,早生貴子

哩個月份黎到適逢係七夕

哩兩年清水寺都逐步維修,有啲地方都圍晒木板禁止內進



响日本觀光區好容易見到隨處寫生嘅人,不過多數都係老人家



哩個景又係清水寺到此一遊全留影之地,排晒人龍都為要影一張相

烈日當空真係要邊行邊休息,即使茶寮無冷氣,不過都要休息一下


有即時消暑嘅刨冰,不過白加煎同友人就注文左お抹茶
冷/熱抹茶+兩小件和果子

咁熱當然要凍抹茶啦!
咦~抹茶有泡,咁係咪用茶道嘅工具打發過?
個樣又幾濃咁喎,唔通哩杯係茶道中嘅抹茶?

白加煎無飲過真正茶道中嘅綠茶,不過哩杯的確係苦苦地而同相當厚身
响哩個天氣下,苦正好可以解渴
生津解渴就係咁個效果兩件和果子嘅甜味啱啱好
休息左一陣繼續趕路,下站係二寧坂一帶



响哩度必經過TOTORO店,以往去親哩度都有好多香港人
哩日時間尚早,遊客仲响清水寺觀光緊,第一次咁清靜咁逛哩間舖頭

哩個造型實在太太太可愛喇!


哩個係盛蚊香器皿

沒有留言:
張貼留言