2013年6月15日,星期六 (下午), 德島天氣
飽餐一頓之後開始參觀
B2樓層展示嘅作品包括文藝復興時代 (大約係14-17世紀)
巴洛克時代 (大約係16世紀後期)
哩個時代嘅藝術作品主題好多仍然跟宗教有關
只係關於"聖母領報"已經有好多作品
13,14世紀嘅聖母造型比較嚴肅
哩張作品中每個角色都係皺眉,目光有啲不善
後期一啲嘅作品表現出生活化,人性化
構圖上比較輕鬆,同時表現到當代人嘅生活環境
有啲畫家嘅風格仍然有啲一板一眼,相當功整拘謹
耶穌嘅十字架苦路
耶穌被釘死後,屍首由十字架上被人抬落黎
响畫家筆下耶穌嘅屍首唔似肉身受到酷刑,真實情況係血肉矇糊
不過畫家所表達嘅未必需要係真實嘅殘酷血腥
而係表達出耶穌仁愛無私嘅犧牲
耶穌升天
原祖: 亞當+厄娃
耶穌被拉去受審判時,伯多祿(ST. PETER) 3次否認認識耶穌
被倒吊上十字架而殉道嘅係邊個?
宗教歷史上第一任教宗:伯多祿 (St. Peter)
聖經入面相當有名嘅故事:蕩子回頭
達文西嘅最後晚餐,現場分別有修復前,修復後嘅版本
除左以宗教為題材嘅名畫,仲有其他藝術作品
B1樓層:巴洛克時代至近代名畫
法國畫家Jacques-Louis David 作品: 拿破崙一世和約瑟芬皇后加冕大典
荷蘭後印象派畫家:梵谷
白加煎幾鐘意嘅近代畫家,因為佢嘅風格相當異常出眾得近乎"瘋"格
梵谷有才華但一份對藝術嘅執着令佢當時生活相當潦倒
無人賞識佢,生活極度窮困,繼而精神出現問題,個人風格越黎越豪放極端
因為潦倒令佢"瘋",因為"瘋"而令佢更有個人風格
生前嘅"瘋"更加裝飾左佢嘅藝術家生涯,死後更出名
哩啲會唔會就係天意捉弄人呢?
梵谷嘅作品中,白加煎比較鐘意 "奧維的教堂"（The Church at Auvers）
雷諾瓦 (Pierre-Anguste Renoir) 作品: 煎餅磨坊的舞會
法蘭 素瓦 米勒(Jean-Francois Millet) 作品: 拾穗
哩日只係逗留到下午3點幾就離開
時間唔緊迫,仲有大約40分鐘可以逛手信店同埋等巴士
响大塚國際美術館只係逗留左3個多小時(包括午飯時間)
並唔係咁短嘅時間就足夠欣賞晒所有展品,滿載而歸
只係哩次白加煎夾左一個非知音人,友人表現出心不在焉, 走馬看花
既然唔能夠盡興
咁慢慢欣賞,不如索性走人,無謂到喉唔到肺當日離開大塚國際美術館時,仲未肯定會唔會再揾機會重遊
不過寫哩篇BLOG時,眼前再次出現一張又一張宗教名畫
白加煎好肯定他日自己會獨自一人再黎哩度
完全唔需要同行友伴,只想可以隨心地慢慢欣賞
寫BLOG時
回想當時友人嘅心不在焉
唯有跟鴨仔團先會被迫要去自己唔喜歡嘅景點,但為乜自由行都會出現哩個情況?
結伴同行嘅人嗜好唔相同,再加上大家唔坦白,可能友人以為講左出黎會掃興
其實即使友人坦白表示佢對欣賞藝術興趣不大,白加煎都一定唔會改變行程
只會選擇哩日大家分頭做自己鐘意嘅事,各取所需,皆大歡喜
哩日最掃興嘅事: 一個表現出唔感興趣
反應冷淡嘅結伴者冷淡嘅表現為白加煎施予無形嘅壓力
返到香港回想:為乜自由行會令大家唔盡興?
係咪自己自私,哩次行程所安排嘅景點全部都只係自己期待要去嘅地方
所以白加煎可以用愉快嘅心情去渡過?
事實並唔係咁樣
返在大阪後,因為友人從未去過京都清水寺
友人突然建議想去京都清水寺一帶,古都街道上觀光
當時白加煎為友人而臨時修改行程,取消原本決定响大阪谷町區食晚飯嘅行程
騰出多3小時去左哩個白加煎遊覽過N次嘅清水寺一帶
但當時白加煎仍然係抱住愉快嘅心情重遊清水寺
旅行最主要想開心愉快地渡過,未必只有追求自己感興趣嘅事物先能夠有快樂
白加煎就覺得:做自己並不討厭嘅事,而能夠見到別人快樂,自己都會感染到快樂
不過多數人嘅出發點係先考慮自己嘅需要+想要
好多時能夠調節自己嘅想法,咁快樂自然就會黎到
難怪白加煎寧願做個獨行俠
又難怪白加煎總係認為出門旅行係漫長人生嘅縮影
旅行時好容易會見到人最真實嘅一面,包括自己最真實醜惡嘅一面
哩次旅行,白加煎都了解到自己相當狠毒嘅一面
6日行程白加煎將所有怒氣全部掩飾得沒有破綻,友人沒有發覺
返到香港先全數爆發出黎,其實白加煎都相當狠毒
就好似有啲男人一直都無限忍讓遷就自己嘅刁蠻女友,女人仲未發現自己行為離譜
突然某日,男人頭也不回地狠撇分手
女人錯愕萬分,非常後悔,但已經為時已晚.........
其實令到白加煎怒火一觸即發嘅因由係:
返到香港,友人重提起途中佢自己嗰啲"大頭蝦事件"
友人竟然仲會怪罪於白加煎當時無再三提醒佢,無論重提嘅語氣係說笑還是認真
已經忍無可忍
白加煎唔係褓母,唔係監護人,唔係旅行團領隊,更加唔係聖人
沒有留言:
張貼留言