2013年6月16日,星期日 (早上), 小豆島天氣
小豆島並唔係上年白加煎遊四國嘅行程,哩個係後來响旅行書上見到先考慮去
哩日快閃黨咁去左兩個景點
其實時間真係唔夠咁就留返下次再去,下次再觀光就要選擇泊宿哩度
哩次6日行程嘅編排的確係太貪心,走馬看花只有到喉唔到肺嘅感覺
响日本,小豆就係紅豆,不過哩度出產醬油,醬油係大豆做
所以話小豆島係大豆島都無講錯
小豆島有乜野吸引到白加煎要去呢?
第一個景點係ANGEL ROAD (天使の道)
ANGEL ROAD (天使の道)係一條每日潮退時間先會顯現嘅小路
潮漲時就如下圖咁,被海水掩沒
(以下係網絡圖片)
當潮退時,幾個小島會連埋一齊
所以被人流傳,如果同自己心愛嘅人手拖手行過哩條天使の道
咁就會心願達成,情侶就希望長相廝守
黑夜退潮時,聽聞更多情侶會去天使の道,因為黑孖孖方便啲?浪漫啲?靈驗啲?
當友人知道天使の道係咁樣成名,就話:
咁咪同橋咀島一樣!
係嘅
既然只係將橋咀島搬左去日本,咁就代表無乜觀光價值啦!哩日可能又係應該改為二人分頭活動會好啲,高松駅都有百貨公司
走上展望台,從高處望到嘅景色更靚
展望台上唔少得嘅地標
掛到周圍都有嘅絵馬
絵馬中只見到有日文+少數韓文
好鐘意睇哩啲絵馬嘅內容,基本上95%係求出嫁
相片中間嘅絵馬內容: 一年內要結婚,仲有かわいい。。。ほしい
睇唔明佢中間寫乜....唔通係かわいいBABY?
其實做大和親生女都好苦,即使現代大和女性嘅地位高過以前(少少)
但社會上仍然覺得女性25歲=30歲(因為4捨5入)
25歲嘅女性仲未嫁人已經等如30歲咁要加碼主動出擊
35歲等如40歲,心態自然會放棄,急都無用,仲有生育條件嘅催迫
唔只係情場上,連日本職場上,大約35歲嘅女人似乎只應該去超市做兼職
都仲係做香港女生係幸福好多
大和哩個地方對白加煎黎講只係適合旅行
每年黎日本幾日,看看這個藍天,享受這份悠閒就足夠喇!
响哩區附近有個"迷失の町"
區內嘅樓房以前為左預防海盜打劫,故意做到容易令人迷路作保衛
宜家唔怕海盜,咁就順理成章將哩度改為一個景點
不過哩日時間唔容許再參觀,留返下次啦!
(以下係網絡圖片)
以下哩啲小公仔响 迷失の町,天使の道隨處都會見到
沒有留言:
張貼留言