2013年6月16日,星期日 (中午), 小豆島天氣
沿路行返出落車嘅土庄本町站,向下站出發,又係時間緊迫
上左巴士唔記得攞"整理劵",臨落車前先記得
好彩坐响司機叔叔旁邊,所以佢記得白加煎响邊度上車
其實哩程車都只係10分鐘左右
坐响巴士最前座位影嘅街景
真係好鐘意去哩啲遠離城市嘅地方,心靈都REFRESH左
其實白加煎去日本旅行,可以一日一景點,餘下時間咁樣慢步街頭都會好寫意
不過應該唔會太多人有共鳴,旅行求景點係香港人嘅心態
讀書時代嘅白加煎已經私自承行"求學不是求分數"嘅想法
長大後自然都會承行"旅行不是追景點"嘅心理....不過哩次旅行就係一次例外(失常吧!)
小豆島因為人口老化,所以相當鼓勵外人遷入定居
响哩啲地方開間小店,可以維生,自給自足都相當寫意
富有不一定講錢,心理質素都係相當重要
哩日只夠時間參觀兩個景點,仲要係做快閃黨先得
除左天使の路,另一個就係小豆島欖橄公園
巴士黎到哩度就要落車,已經見到好大個欖橄公園嘅指示牌
落左巴士要行一大條斜路先去到入口處當時,烈日當空
オリーブ記念館 (欖橄記念館)
一個充滿地中海風情嘅地方,哩日嘅天氣更加似地中海嘅藍天
1908年(明治時代)日本引進橄欖樹,三重縣,鹿兒島,小豆島都栽種
當時只有小豆島成功培植,咁欖橄正式移居日本,第一個落腳地係小豆島
1989年,小豆島跟希臘米洛斯島結拜為姐妹,島上嘅風車就係結拜嘅信物
哩個風車都成為地標景點
以下幾張風景照係網絡圖片
時間實在唔夠,真係要"到此一遊"就走,上網睇到人地影嘅相片
哩度仲有再到訪嘅價值,咁唯有等下次啦
記念館入面嘅雅典娜石像 ,希臘神話中嘅智慧女神
哩日再趕都要預留時間去買手信
大和嘅改良精神再次發揮出黎
欖橄油有佢特有嘅味道,而且哩份氣味相當濃烈
不過小豆島嘅欖橄油就係相當温文,唔係相當刻意留心品嚐,都唔會食到欖橄味
當友人品嚐到相片中嘅試食品之後,竟然話要買一枝玻璃樽嘅橄欖油返香港
唔考慮佢玻璃樽會重,都要諗下如果運送過程發生意外
全部流出黎嘅就係油,到時全個行李喼由內至外都要報銷,值得冒哩個險嗎?
友人再次表明左佢最正常嘅表現
大安旨意+無危機感
橄欖油不能買返香港,但欖橄汽水就可以即買即飲
未出發前响雜誌見到哩枝汽水已經相當好奇
唔知會唔會好難飲欖橄汁只有1%使用,再加上哩度啲欖橄係咁温文
所以哩枝汽水又係幾令人有驚喜,而且天氣太熱之下可以品嚐凍飲就更加係一件樂事
除左汽水仲買左薯片,哩個就真係無特色,同一般薯片一樣
哩度係橄欖種植場,當然有好多欖橄產品,當中有唔少話係天然護膚品
所以响手信店都花多左時間去揀+買
哩日坐13:30嘅船返高松,之前仲有少少時間可以食埋午餐先上船
哩度仍然係香川縣,所以仲係巑岐烏冬嘅地頭
响草壁港碼頭旁邊有一間被高度評價嘅巑岐烏冬店
食評網站評分:3.51分(滿分為5分)
哩個評分同前一晚响高松食到嘅烏冬店,大家都叮噹馬頭咁讚
不過相信三太郎係好低調嘅人,食店正門就唔多覺眼"三太郎"哩個名稱
內裡就係咁地道嘅小食店
白加煎同友人都等左大約5分鐘先有位
熱烏冬
冷烏冬
白加煎注文"天婦羅烏冬 - 890 YEN
同前一晚响高松食到令白加煎感動流淚嘅咖喱烏冬相比
哩碗烏冬就顯得相當温文爾雅
烏冬縣嘅手打烏冬,口感功力一定不容置疑
比起前一晚食嘅咖喱烏冬
哩間就真係好似上年紀嘅人咁,要慢慢欣賞,慢慢就會發現到佢嘅優點
清湯唔係濃味,食唔到味精,不過白加煎仍然鐘意前一晚嘅咖喱鳥冬多啲
証明白加煎仲算係年青,鐘意比較接受突然嘅驚喜
不過湯烏冬都有湯烏冬嘅特式,哩次响高松試晒兩種口味,都已經好滿足
我贊成你的理念,去旅行不是行軍,要慢慢逛才會有意外發現。
回覆刪除楓風