2009年9月14日, (北海道) 間中有陽光 
到左新千歲機場,就直接坐JR到札幌站,今次响札幌逗留左5日,總算對呢個城市多左認識
札幌站比較有趣既係,佢好似作為一條分界線咁,
將兩個札幌(靜態,動態)分得好清楚
札幌既主要飲食娛樂,商業,購物,市內觀光都集中响札幌站南口一帶
(即係下面個地圖所示,札幌站既下面)
基本上札幌既夜生活都係响呢一邊為主,簡單講係熱鬧,跟銅鑼灣有d相似
(咁當然唔可以同我地香港或者東京既熱鬧黎比較啦!)
而札幌既主要商業區就响札幌站既西口一帶
(即係地圖上所示,札幌站既上面)
呢邊多數係d較高級既寫字樓,同埋酒店,仲有北海道大學
當然圍住車站一帶依然係有食肆,但比起南口一帶,明顯係少d,
同我地純粹商業區果邊既中環有d相似,入夜後係寧靜好多
JR札幌站南口
JR札幌站西口/北口
同一幢大廈,但有兩個外表,都幾有趣喎!
今次黎北海道係買機票+酒店既 Package,而今次book呢間係Hotel Pearl City Sapporo
(ホテルパールシティ札幌)
以前佢係叫Oak Hotel,係集團式經營既酒店,因為住過大阪果間覺得唔錯
咁先再book返呢間酒店
不過今次札幌呢間既評價係"好唔掂" !
唔知點解日本唔少酒店個 lobby都係玩昏昏暗暗,好似玩緊(懶)浪漫氣氛咁!
呢間又係咁!我好唔鐘意架!
基本上如果 lobby個mood係咁昏暗,咁全間酒店都會係同一個mood,包括各層既走廊
連走廊都昏暗,咁真係....
下面係來自網上既圖片,由街外影入酒店,昏暗燈光既Lobby
reception跟餐廳其實係連埋一齊,只係用屏風同植物隔開左
網上圖片既單人房,睇落都ok啦,至少光猛!
不過事實上我住左兩晚既單人房係咁既~
房間响4樓,睇落都ok啦,無咩野喎!
我呢間房一樣係電梯隔鄰果間房
其實我唔太介意係咪電梯隔鄰間房,我介意係間房夠唔夠光猛
呢間房打開窗簾之後,只係見到全部都貼晒有圖案既顏色貼紙响玻璃上
(當時係反感到都唔記得要影相黎記低哩件事)
(當時係反感到都唔記得要影相黎記低哩件事)
好明顯係同隔離幢大廈係好接近,完全係樓對樓,所以酒店先會咁做
而因為賣房俾package客人既利潤比唔上賣俾街外客
所以差既房都會先安排俾package既客人,呢個我完全理解
不過當我知道呢間房既情況(長期係樓對樓)
咁即係間房長期都唔會有陽光,都算係一間暗房時
咁我已經幾反感
特登响外面影左呢張相,佢真係同隔離既大廈好貼
而另一邊暫時係空置地盆,將來如果有大廈落成時
可能連呢邊既房都會變成暗房,咁劣嘅酒店,真係搵鬼住啦!
呢間酒店响正旺區,就係札幌站南口,再行3分鐘
真係好方便,而且房租唔係貴(但都貴過東橫 inn)
其實我留意到附近既大廈係好密集式
唔止係我住呢間酒店係咁
附近有間睇黎係高級d既酒店都一樣係咁黐實隔離幢樓
所以超方便係有超方便既代價
如果介意環境係咁樣,真係寧願住札幌站西口果邊會感覺好好多
至少d大廈無咁密集,少d機會要住暗房
不過呢間酒店唔止呢樣野令我反感,佢地連一部公用電腦放响 LOBBY都無
唔係個個人都一定會帶埋部notebook出門架!唔check email都想知天氣預測卦?!
呢間酒店又好落後咁日日print一堆yahoo既"天氣"嗰頁出黎
放响電梯附近俾d客人攞,真係慳皮又落後,仲超級唔環保!
咩宜家d desk top電腦好貴咩?
咩宜家d desk top電腦好貴咩?
房間部電視又細又舊
東橫inn個價錢平過佢地,但好多野都好過佢地好多
自助早餐只係半自助,即係要話俾佢地聽你要食日式定西式
跟住就每人一份main dish, 只係沙律,飲品果d先係自助
けち! (孤寒)
住左兩晚"暗房"酒店,就搬去東橫inn西口北大前果間再住3晚
呢間真係平,靚,正,住3晚都"感覺良好"呀! 
沒有留言:
張貼留言