2009年9月13日,全日都係大晴天


日本d天氣變化都幾大架,明明琴日上晝仲落好大雨
今日就即刻換亞太陽伯伯出黎發功,熱到傻左,又晒到顛左!
今日就即刻換亞太陽伯伯出黎發功,熱到傻左,又晒到顛左!

好喇,寫埋最後一篇@東京既悶野之後,下一站就係飛去札幌咯 

不過札幌係繼東京之後,又一悶蛋城市黎架!



其實今次停東京兩日只有兩件事做,咪就係去合羽橋道具街同食鯨魚囉!
咁買又買完,食又食飽
呢個下晝只係好無聊咁搵地方hea下啦!
終於去左好多年都無去過既台場,合指一算都有11年咯!
闊別了11年既彩虹橋,你好嘛?
お久しぶり 元気?
お久しぶり 元気?

11年前既台場仲未有呢個"自由神像"架!

第一次見面,你好嘛?よろしく!

商場入面有個"台場小香港"
當日仲播緊林憶蓮首歌:"依然"添呀!
呢個"台場小香港"係咪改名做"台場老香港"會襯返d呢?!


有d位置"立"下眼都似似地油麻地,佐敦,旺角一帶架!


不過睇到下面條柱寫住:"梵器蛙瓦..."即時"拗"晒頭,咩黎架?


是日行程就係咁"門" "心" (悶)喇!不過意想不到既(蠢)事就係隨時都會發生既!

因為第二朝係早機去札幌,咁諗住早d返酒店休息啦,
其實全個人都仲係好攰,次次坐車就自動進入睡眠狀態
咁都係早d打道回府好d喇!


呢度係品川站,要响呢度轉車先返到大鳥居站....三崎口?浦賀?邊度黎架?


今次係我第一次响羽田機場呢邊活動,所以d車站路線名全部都好陌生

我睇過時刻表,見到"急車"都幾種,要慢慢睇佢個指示邊架急車會停邊個站
但果刻又已經攰到咩都諗唔到 

只係諗到呢架 18:49 去羽田空港?!咁呢架咪啱咯!
就係咁樣上左架"快特"車喇!......其實咩係"快特"車呢?

呢架車由品川到羽田空港,中間都停左幾個車站
尾二既"京急蒲田"站,仲比較多人落車添,當時車內係有較長既廣播


(應該係提d人呢個係尾二站,下站係直飛5個車站去羽田空港)
不過我呢個日語係半聾半啞既人又點會明佢up緊咩呢?
就係咁傻更更一野飛左去羽田機場喇!

轉頭再見喇!大鳥居! 


蠢開仲要繼續蠢喎! 

去到羽田空港總站,我真係攰到都唔想行出去月台再睇下個時刻表路線圖
我懶醒咁諗住呢架車一定係回頭方向
咁我咪可以响大鳥居站落車,唔駛轉坐另一架車啦!.......係呀!死蠢!


佢係回頭路線,不過依然都仲係一架飛站"快特"車呢!
咁咪又再一次飛左大鳥居站,又直飛"京急浦田"站咯! 


就係咁樣呢一晚玩左d突發行程安排,"戇居遊車河"囉!


呢件係繼"酒店鎖匙事件"之後,行程中另一"蠢"作呀! 

我真係好怕東京個電車網絡架,複雜,混亂得緊要!





日本既蛋糕真係要讚架!(唔係便利店賣果d喎!),去到日本一定要試下呀!
"正"在日本d cream係無"so"味,又好滑
法國cream既品質都無佢地日本cream咁靚
(奶有奶味,cream無"so"味!)
佢地真係唔知點養d和牛架呢?
唔止係牛肉出名,仲連d cream都可以品質咁好既?! 

其實食過日本d蛋糕之後,香港果d就真係可以慳錢買少d黎食架喇!
個人認為香港好多5星級酒店果d都係比唔上日本既蛋糕
相信其中係材料問題,同埋香港係食鬼佬style既蛋糕
所以口感比較 heavy,咩都重手既
(芝士重手,cream又重手,牛油重手,連糖都重手)
但日本既蛋糕係比較 light,無咁飽,又無咁"漏"
同埋日本係sell埋賣相,真係色香味都有齊!


沒有留言:
張貼留言