一個人浪盪日本2009-Day 3@札幌(羽田空港出發篇)

2009年9月14日,(東京) 晴天 

 

今日要同東京say bye-bye喇!

(其實我一直都想早d同佢bye-bye架喇!)

 

9月初時,香港d報紙講左一篇報導,有跡象顯示9月內,東京大有可能會黎一次大地震

今次係自己一個人去旅行,仲去16日咁耐添,點會唔驚發生呢d事架...

好彩!東京都無地震!

 

不過關東再發生地震,其實只係遲早既事

God Bless Everybody!

喂! もしもし, my friends, thank you晒你地幫我祈禱呀!

ありがとう! 


鍚晒你地呀!

 

 

今日要坐11:00飛機去札幌,內陸機只要預早一個鐘頭check-in

而我就係坐酒店免 費shuttle去羽田機場

所以9點半前就到左機場,早d去到劃個靚位都好!

去到機場一睇航班顯示板,我去札幌班機已經滿席

連跟住之後幾班去札幌既機都係full晒添!

 

哇!賓墟咁多人既羽田機場呀!

 

不論目的地,全部ANA既乘客都係响呢度做check-in既,

一係就用隔離d電子check-in系統辦登機手續

 

 

即場買機票又係呢度,check-in又係呢度,  所以都要耐心d排隊架!

 

呢個時候又發生新奇事一則喇 ~

我check-in前前後後計埋排隊搞左30分鐘先攞到登機証,做咩要搞咁耐呢?

 

幫我check-in既係個靚女地勤姐姐喎!

(佢有d似稻森泉架!)

佢"禁"電腦"禁"左一大輪都未幫我出到登機証,我都心知有d唔妥

唔好話我知:班機 full到無我個位咁大劑呀!

 

靚女地勤問我 : "你張機票响邊度買架?" (佢先講日文,跟住好吃力咁講英語)

"香港!"

跟住佢又再"禁"左一大輪電腦

我忍唔住問佢:"我係有機位去札幌架嘛?" (半啞日文)

"有,有,有!" (日文)

咁都放心d,不過佢到底搞咩呢?

 

終於佢同我講

我當時買呢張機票時係7月,果陣係high season,

機票價錢係貴d既,宜家係low season,價錢平返d,所以有個差價

 

差價?咁即係退錢俾我呀?!

我都從無聽過買左機票有得因為咁而退返差價既?!

(ANA真係一間"老實"企業喎!)

我果個仲係連酒店既package添!不過既然有錢退,咁即管睇下佢搞咩先!

 

搞左一大輪,又叫我坐陣等佢整d野

終於佢同我講,因為當時既日元匯價同宜家唔同

(7月初,日元大概係兌8.1,而我响日本果陣,d日元已經升到8.5)

所以要計埋個差價先可以確實補返幾多錢俾我

(咩咁複雜架,佢補返yen俾我都仲要咁計?)

佢咁講,我當時都覺得咁計法都好難計喎!而靚女地勤d英文又唔多掂,我d日文又半聾半啞咁


簡直係雞同鴨講呀!

 

我問佢到底係會退返幾多錢? (半啞日文)

佢寫俾我睇係退返2千幾yen(未計當日兌換差價)

再計埋個兌換差價咪退得仲少?!我見我同佢溝通都好吃力

佢又好似無頭緒點樣計返要退幾多錢俾我

(靚,唔等如智慧都高!)

唔好搞喇,唔該!

再為左退果少少錢,我班飛機都飛走埋架喇!

 

我即刻同個靚女地勤講:"唔退錢都無所謂喇,我只係想上到機去札幌咋!"(半啞日文)

靚女地勤即刻笑住鬆一口氣 咋咋林返去部電腦度幫我出登機証

 

我真係第一次聽買package機票會有淡,旺季差價退錢既!

結果咁咪搞左我30分鐘囉!......運吉! 

 

攞左登機証,就要推件行李去呢度寄艙,又要排隊喇! 

 

真係好多人架!不過都唔駛排好耐!

 

再跟住係過海關檢查

 

內陸機既豋機証同國際線既豋機証係有d唔同架!

 

响羽田機場手信店見到呢樣和菓子手信,我全個行程响日本都係見過得呢度有得賣架咋!

呢間舖頭係咩背景呢?

同新任首相有無姻親關係架?有無申報利益呀? 

 

到底邊d日本人會買呢個黎做手信呢? 好刷鞋咁喎!要刷邊個對鞋遮?

 

呢架Air Do都係ANA旗下飛北海道既國內線

價錢會比買單買ANA內陸線既機票平少少

但點計都係响香港買ANA國際線+內陸線 package會抵D!

 

(不過如果係坐其他AIRLINE去東京,而又想另買機票轉飛北海道既話

咁Air Do會係一個好既選擇,話晒佢都係ANA旗下業務)

 

幾多着西裝既日本人要由東京去札幌,大概都係"出張"(公幹)啦!

所以d搭客既情緒都係比較平靜同安穩既 

 

其實同一時間响對面有一班等住出發去沖繩既日本人

以年輕人為主,又係全機滿席,個個都情緒高漲得緊要 

當時既候機室就俾佢地搞到好似街市咁嘈 

 

 

 

 

  沖繩本來都係我未來計劃想去既地方之一,但當時睇見此情此景

都可以估計到大概去到沖繩既每一日都係熱鬧無比

連血壓同心跳都會日日上升都似......咁嘈?我怕怕架!

沖繩?!暫時都係咪搞我喇!

 

沖繩,唔好意思喇!個waiting list入面要踢你出局喇!

ごめんなさい

 

 

機程响1小時35分鐘後,終於都到左札幌新千歲機場咯!


從飛機向下望既北海道田舍

 

 

終於都實踐左3年前隨口up既說話

北海道