一個人浪盪日本2009@成行及出發篇

由2006年開始,每年都會去日本旅行.

由2006年開始,已經口up up話想去北海道旅行

由2009年7月訂好機票後,跟住就專心計劃行程,一個人自由放盪在日本16日


爽呀!

日行程安排:

 

第站(東京):停留日

(內陸機由羽田飛抵札幌)

  

 

第站(札幌):停留 日

(高速巴士由札幌去函館)

  

 

第站(函館):停留日  

坐內陸機由函館飛抵大阪)

  



第站(大阪,京都):停留日




第日晨早航班由大阪返香港

 

2009年9月11晚上,有雨 

 

ANA航班起飛時間 00:35

 

坐我隔離果個係日本男仕,全程就係呢個樣 戴足全程口罩+眼罩

 

機上既乘客都盡量把握時間小睡片刻,我就只係叫做斷斷續續咁瞓過下咋!

 

到埗東京羽田機場大約係06:00

 

追伸:

 

响海關檢查行李counter度,我俾個肥哥哥留難我添!

 

佢問我:"你黎日本有咩目的呀?"(英語)

 

佢d日式英語俾我呢個除左廣東話之外,

對其他語言都係半聾半啞既人黎講,真係一時之間都唔知佢問咩?

 

咁佢咪再講多次:"你黎日本有咩目的呀?"(英語)..........終於都明喇 : "哦!旅行咯!"(英語)

 

佢再問:"你會逗留幾耐呀?"(英語)...........我又再聾啞病發作喇: "吓?"  




佢又up咩呢?

 

肥海關哥哥個樣都開始有D"興與地"

咁我又諗到佢問咩喇 :"留兩個星期呀!"(英語).........."吓!兩個星期?!我唔可以相信你只係黎日本旅行!"(英語)

我仲唔係撩興左呢個肥海關哥哥?! 

 

"I am going to Hokkaido, Sapporo, Hakodate, Osaka、だから二週間."(英語+日語)

(解釋:我將會去北海道,札幌,函館,大阪,所以兩星期)

 

肥海關哥哥突然聽到我爆左句日文出黎,佢就笑左一下,跟住就放我過關喇!

 

佢係咪聽到日文就覺得份外親切呢?

 

跟住落黎呢16日,我就係咁樣,對外語係半聾半啞咁樣獨闖日本架喇!