一個人浪盪日本2009-Day 1@東京(大鳥居東橫inn)

 

  

 

 

 

好喇! 剪彩過後,正式開始打(旅行)小報告!

では 始めましょう! 

2009年9月12日,上午大雨下午停雨

 

零晨機到左羽田機場,第一件事當然係放低d行李先啦!

因為只係留東京兩日就要坐內陸機去札幌,

所以book左最近羽田機場間大鳥居東橫 inn (新館)

右邊係新館,左邊係舊館

 

由羽田空港站坐京急空港線,只係3個車站,出左車站行半分鐘即到,超方便

東橫 inn 對部份香港人黎講唔會陌生,因為佢係全日本連鎖式經營,好似"總有一間响左近"咁方便.

其實佢係一間商務式酒店,價錢比其他酒店便宜一D,

入住仲可以申請做會員,住滿10次就送你免費單人房一晚,

而會員响星期日或公眾假期當晚入住,仲有30%折扣,

今次就係咁都令我慳左少少旅費 

 

最鐘意佢地個 lobby夠晒光猛


  

  

唔知點解日本唔少酒店個 lobby d燈光都好昏暗,好似玩緊(懶)浪漫氣氛咁!

 

有d東橫 inn既房間設有兩個價錢,大鳥居呢間都係,

單人房A係6200yen;一般單人房係6800yen,

今次book左6200yen呢種,分別只係單人房A係電梯隔鄰果間房

 

不過間間東橫inn個情況都唔同,有d設有平價房,因為係"暗房",

所以book之前真係要睇真d,

如果係"暗房",我就一定唔會book ,我驚....

 

最鐘意住d酒店房間可以望到街外景,咁間房都會光猛d,陽氣盛好多架! 

 

間房都算闊落啦!

 

~ 自助早餐 ~

有d東橫 inn係食西式早餐(面包,沙律,乳酪),有d就係食日式早餐(飯糰,面豉湯,漬物)

大鳥居呢間就係舊館食日式,新館食西式,要食邊種就行去邊度食,又幾好喎!

 

大鳥居呢間東橫 inn 仲有一個好好既"送迎服務"




            

  

 

响指定時間內,有免費shuttle bus送住客到羽田機場,每隔15分鐘一班車

傍晚至晚上指定時間內,就係免費shuttle bus由羽田機場接住客到酒店

今次揀左住呢間大鳥居東橫 inn,絕對係明智之舉

 

追伸:

東橫 inn無俾錢我幫佢地賣廣告,

我讚佢地,係因為真心覺得呢間酒店值得推廌

 

全日本連鎖式經營既東橫 inn網址: http://www.toyoko-inn.com/china/